ಬಾಬೂಜಿ ಹಸಿರು ಕ್ರಾಂತಿಯ ಹರಿಕಾರ: ಸಿದ್ದು ನಾವದಗಿ

ಕನ್ನಡಪ್ರಭ ವಾರ್ತೆ ಆಳಂದ

ದೇಶದ ಉಪ ಪ್ರಧಾನಿ ಮತ್ತು ಹಸಿರು ಕ್ರಾಂತಿ ಹರಿಕಾರರಾದ ಡಾ. ಬಾಬು ಜಗಜೀವನ್‍ರಾಮ್ ಅವರು ದೇಶದ ಅಭಿವೃದ್ಧಿಗೆ ಒತ್ತು ನೀಡುವ ಮೂಲಕ ಸಾಮಾಜಿಕ ನ್ಯಾಯ, ಸಾತಂತ್ರ್ಯ ಮತ್ತು ಪ್ರಯೋಜನದ ಕ್ಷೇತ್ರಗಳಲ್ಲಿ ತಮ್ಮ ಪ್ರತಿಷ್ಠಿತ ಕೆಲಸಗಳಿಂದ ಮಹಾನ್‌ ನಾಯಕರಾಗಿದ್ದಾರೆ ಅವರ ಕಂಡ ಕನಸು ನನಸಾಗಿಸುವ ಕಾರ್ಯ ನಡೆಯಬೇಕಾಗಿದೆ ಎಂದು ಕರ್ನಾಟಕ ದಲಿತ ಸೇನೆ ಅಂಗವಿಕಲ ಒಕ್ಕೂಟದ ರಾಜ್ಯಾಧ್ಯಕ್ಷ ಸಿದ್ದು ನಾವದಗಿ ಅವರು ಹೇಳಿದರು.

ಪಟ್ಟಣದ ಹೊರವಲಯದ ತಾಲೂಕು ಆಡಳಿತ ಸೌಧನಲ್ಲಿ ಶುಕ್ರವಾರ ಸರಳವಾಗಿ ಆಯೋಜಿಸಿದ್ದ ಡಾ.ಬಾಬು ಜಗಜೀವನರಾಂ ಅವರ 117ನೇ ಜಯಂತಿ ಅಂಗವಾಗಿ ಭಾವಚಿತ್ರಕ್ಕೆ ಪೂಜೆ ಸಲ್ಲಿಸಿ ಅವರು ಮಾತನಾಡಿದರು.

ಡಾ. ಜಗಜೀವನರಾಂ ಭಾರತೀಯ ರಾಜಕೀಯದಲ್ಲಿ ಇತಿಹಾಸ ನಿರ್ಮಾತೃ ಆಗಿದ್ದು, ಅವರು ಹಲವಾರು ಸಾಮಾಜಿಕ ಮುದ್ರೆಗಳಾದ ಮಾನವ ಸಂಸಾಧನೆ, ಪರಿವರ್ತನಾತ್ಮಕ ನೀತಿಗಳು, ಹಸಿರು ಕ್ರಾಂತಿ ತರಬೇತಿ ಮತ್ತು ಸ್ವಾಸ್ಥ್ಯ ಸೇವೆಗಳ ಕ್ಷೇತ್ರಗಳಲ್ಲಿ ಅತ್ಯುನ್ನತ ಮಟ್ಟದಲ್ಲಿ ಕೆಲಸ ಮಾಡಿದ್ದಾರೆ ಎಂದು ಹೇಳಿದರು.

ಬಾಬೂಜಿಯವರ ಪ್ರಯಾಣಗಳು ದೇಶದ ಹಲವಾರು ಭಾಗಗಳಲ್ಲಿ ಹಸಿರು ಪರಿಸರವನ್ನು ಸೃಷ್ಟಿಸಿ, ಸಮಾಜದ ಅನೇಕ ವರ್ಗಗಳಿಗೆ ನೆರವು ನೀಡುವಂತಾಗಿದೆ. ಅವರ ಕಾರ್ಯ ಚಟುವಟಿಕೆಗಳ ಫಲಿತಾಂಶವಾಗಿ ಹೆಚ್ಚು ನ್ಯಾಯಸಂವಾದ, ಅತ್ಯುನ್ನತ ಶಿಕ್ಷಣ ಮಟ್ಟ, ಹೆಚ್ಚು ಸ್ವಾಸ್ಥ್ಯ ಸೇವೆಗಳ ಅನುಕೂಲತೆ ಹೆಚ್ಚುತ್ತಿದೆ. ಇಂತಹ ಮಹಾನ್‌ ನಾಯಕ ಡಾ.ಬಾಬೂಜಿಯವರ ತತ್ವಾದರ್ಶಗಳು ಮೈಗೂಡಿಸಿಕೊಂಡು ಸಮಾಜ ಬಾಂಧವರು ಶಿಕ್ಷಣ, ಸಂಘಟನೆ ಹೋರಾಟದ ಮೂಲಕ ಸಾಮಾಜಿಕ ನ್ಯಾಯದ ಹಕ್ಕಿನ ಹೋರಾಟದ ಜೊತೆಗೆ ಪ್ರಗತಿ ಸಾಧಿಸುವ ಛಲವನ್ನು ತೊಡಬೇಕು ಎಂದು ಹೇಳಿದರು.

ಗ್ರೇಡ್-2 ತಹಸೀಲ್ದಾರ್‌ ಬಿ.ಜಿ. ಕುದರಿ, ಡಾ. ಬಾಬು ಜಗಜೀವನರಾಂ ಅವರ ಭಾವಚಿತ್ರಕ್ಕೆ ಪೂಜೆ ನೆರವೇರಿಸಿದರು. ಈ ಸಂದರ್ಭದಲ್ಲಿ ದಲಿತ ಸೇನೆ (ಆರ್), ಜಿಲ್ಲಾ ಉಪಾಧ್ಯಕ್ಷ ಮಲ್ಲಿಕಾರ್ಜುನ ಬೋಳಣಿ, ಲಕ್ಕಪ್ಪ ಜಾವಳಿ, ಬಸವರಾಜ ಜವಳಿ, ಮಹೇಂದ್ರ ಕ್ಷೀರಸಾಗರ, ಹಣಮಂತ ಖಜೂರಿ, ಮಹೇಶ ಎಲೆನಾವದಗಿ, ಬಾಬುರಾವ ಸುಳ್ಳದ, ರಾಜು ಕಟ್ಟಿಮನಿ ಮತ್ತಿತರು ಇದ್ದರು.