ಹೊಸಳ್ಳಿಯಲ್ಲಿ ಕಿತಾಪತಿ ಮುಷ್ಯ ಸೆರೆಹಿಡಿದ ಬಾಗಲಕೋಟೆ ತಂಡ
ಸಾರಾಂಶ
ಹೊನ್ನಾಳಿ ತಾಲೂಕಿನ ಹೊಸಹಳ್ಳಿ ಗ್ರಾಮದಲ್ಲಿ ಮೂರ್ನಾಲ್ಕು ತಿಂಗಳಿಂದ ಒಂಟಿಯಾಗಿ ಓಡಾಡುವವರ ಮೇಲೆ ದಾಳಿ ಮಾಡುತ್ತಿದ್ದ ಮುಷ್ಯವೊಂದನ್ನು ಸ್ಥಳೀಯ ಗ್ರಾಮ ಪಂಚಾಯಿತಿ ಕರೆಸಿದ ಬಾಗಲಕೋಟೆ ಜಿಲ್ಲೆ ತಂಡದಿಂದ ಗುರುವಾರ ಸೆರೆಹಿಡಿಯಲಾಗಿದೆ. ಇದರಿಂದ ಮುಷ್ಯನ ದಾಳಿಗೆ ರೋಸಿಹೋಗಿದ್ದ ಗ್ರಾಮಸ್ಥರು ನೆಮ್ಮದಿಯ ನಿಟ್ಟುಸಿರು ಬಿಟ್ಟಿದ್ದಾರೆ.
- 3 ತಿಂಗಳಿಂದ ಗ್ರಾಮದ ಜನರ ಮೇಲೆ ಆಗಾಗ್ಗೆ ದಾಳಿ ನಡೆಸಿ ಕೀಟಲೇ ಮಾಡುತ್ತಿದ್ದ ಕೋತಿ
- ಬಾದಾಮಿಯ ಚೋಳಚಗುಡ್ಡದ ವೀರಯ್ಯ ಮೃತ್ಯುಂಜಯ ಸರಗಣಚಾರಿ ತಂಡಕ್ಕೆ ಅಭಿನಂದನೆ - - - ಕನ್ನಡಪ್ರಭ ವಾರ್ತೆ ಹೊನ್ನಾಳಿ
ತಾಲೂಕಿನ ಹೊಸಹಳ್ಳಿ ಗ್ರಾಮದಲ್ಲಿ ಮೂರ್ನಾಲ್ಕು ತಿಂಗಳಿಂದ ಒಂಟಿಯಾಗಿ ಓಡಾಡುವವರ ಮೇಲೆ ದಾಳಿ ಮಾಡುತ್ತಿದ್ದ ಮುಷ್ಯವೊಂದನ್ನು ಸ್ಥಳೀಯ ಗ್ರಾಮ ಪಂಚಾಯಿತಿ ಕರೆಸಿದ ಬಾಗಲಕೋಟೆ ಜಿಲ್ಲೆ ತಂಡದಿಂದ ಗುರುವಾರ ಸೆರೆಹಿಡಿಯಲಾಗಿದೆ. ಇದರಿಂದ ಮುಷ್ಯನ ದಾಳಿಗೆ ರೋಸಿಹೋಗಿದ್ದ ಗ್ರಾಮಸ್ಥರು ನೆಮ್ಮದಿಯ ನಿಟ್ಟುಸಿರು ಬಿಟ್ಟಿದ್ದಾರೆ.ಸೆರೆಹಿಡಿಯಲಾದ ಮುಷ್ಯ ನಡೆದಾಡುವ ಗ್ರಾಮಸ್ಥರಷ್ಟೇ ಅಲ್ಲ, ಟ್ರ್ಯಾಕ್ಟರ್, ಬೈಕ್ಗಳಲ್ಲಿ ಸಂಚರಿಸುವವರ ಮೇಲೆಯೂ ಏಕಾಏಕಿ ದಾಳಿ ಮಾಡುತ್ತಿತ್ತು. ಶಾಲೆಗೆ ಮಕ್ಕಳನ್ನು ಒಂಟಿಯಾಗಿ ಕಳಿಸುವುದು ಹಾಗೂ ಶಾಲೆಯಿಂದ ಕರೆತರುವುದು ಸಹ ಕಷ್ಟವಾಗಿತ್ತು. ಇದರಿಂದ ಗ್ರಾಮದಲ್ಲಿ ಒಂಟಿಯಾಗಿ ಓಡಾಡುವ ಜನರು ಕೈಯಲ್ಲಿ ಕೋಲು, ದೊಣ್ಣೆಗಳನ್ನು ಹಿಡಿದುಕೊಂಡೇ ಓಡಾಡುವ ಪರಿಸ್ಥಿತಿ ಸೃಷ್ಟಿಯಾಗಿತ್ತು.
ಬುಧವಾರ ಬೆಳಗ್ಗೆ ಮುಷ್ಯ ಹಿಡಿಯುವ ಬೋನ್ ಸಮೇತ ಗ್ರಾಮಕ್ಕೆ ಬಂದ ಮೂರು ಜನರ ತಂಡ ಸುದೀರ್ಘ ಎರಡು ದಿನಗಳ ಕಾಲ ಕಾರ್ಯಾಚರಣೆ ನಡೆಸಿ, ಕಡೆಗೂ ದಾಳಿಕೋರ ಮುಷ್ಯವನ್ನು ಗುರುವಾರ ಸೆರೆ ಹಿಡಿದಿದೆ ಎಂದು ಗ್ರಾ.ಪಂ.ನವರು ತಿಳಿಸಿದ್ದಾರೆ.
ಸೆರೆಹಿಡಿಯಲಾದ ಮುಷ್ಯವನ್ನು ಗ್ರಾ.ಪಂ. ಮತ್ತು ಅರಣ್ಯ ಇಲಾಖೆಯವರು ಸೂಚಿಸಲಾದ ದೂರದ ಅರಣ್ಯ ಪ್ರದೇಶಕ್ಕೆ ಬಿಡಲಾಗುವುದು ಎಂದು ಮುಷ್ಯ ಹಿಡಿಯುವ ತಂಡದ ಮುಖ್ಯಸ್ಥ ವೀರಯ್ಯ ಮೃತ್ಯುಂಜಯ ಸರಗಣಾಚಾರಿ ಹೇಳಿದರು.
ಹೊನ್ನಾಳಿ ತಾಲೂಕಿನ ಹೊಸಹಳ್ಳಿ ಗ್ರಾಮದಲ್ಲಿ ಜನರಿಗೆ ಉಪಟಳ ನೀಡುತ್ತಿದ್ದ ಮುಷ್ಯನನ್ನು ಗುರುವಾರ ಗ್ರಾಮ ಪಂಚಾಯಿತಿ ವತಿಯಿಂದ ಬಾಗಲಕೋಟೆ ಜಿಲ್ಲೆ ನುರಿತ ತಂಡದ ನೆರವಿನಿಂದ ಸೆರೆಹಿಡಿಯಲಾಯಿತು. -22ಎಚ್.ಎಲ್.ಐ2ಎಃ: