ಮಿಠಾಯಿ ಅಂಗಡಿಗೆ ರಾಹುಲ್‌ ಹಠಾತ್ ಭೇಟಿ

ಕೊಯಮತ್ತೂರು: ಚುನಾವಣಾ ಪ್ರಚಾರಕ್ಕೆ ಕಾಂಗ್ರೆಸ್‌ ಮುಖಂಡ ರಾಹುಲ್‌ ಗಾಂಧಿ ಕೊಯಮತ್ತೂರಿಗೆ ತೆರಳಿದ್ದ ವೇಳೆ ಅಚಾನಕ್ಕಾಗಿ ಅಲ್ಲಿನ ಸ್ವೀಟ್‌ ಅಂಗಡಿಯೊಂದಕ್ಕೆ ಭೇಟಿ ಕೊಟ್ಟು ತಮಗಿಷ್ಟವಾದ ಸಿಹಿತಿನಿಸುಗಳನ್ನು ಖರೀದಿಸಿ ಗಮನಸೆಳೆದರು.

ರಸ್ತೆಯಲ್ಲಿ ಅಂಗಡಿ ನೋಡುತ್ತಿದ್ದಂತೆಯೇ, ಆ ಅಂಗಡಿಗೆ ತೆರಳಲು ರಾಹುಲ್‌ ರಸ್ತೆಯ ಡಿವೈಡರ್‌ ನೆಗೆದಿದ್ದು ಎಲ್ಲರ ಗಮನ ಸೆಳೆದಿದೆ. ಬಳಿಕ ರಾಹುಲ್‌ ತಮಗೆ ಇಷ್ಟವಾದ ಗುಲಾಬ್‌ ಜಾಮೂನ್‌ ಖರೀದಿಸಿ, ತಮ್ಮ ಜೊತೆಗೆ ಬಂದಿದ್ದ ತಮಿಳುನಾಡು ಮುಖ್ಯಮಂತ್ರಿ ಸ್ಟಾಲಿನ್‌ಗೆ ಮೈಸೂರು ಪಾಕ್‌ ಕೊಡಿಸಿದರು. ಅಲ್ಲದೆ ಅಂಗಡಿಯಲ್ಲಿ 20-30 ನಿಮಿಷಗಳ ಕಾಲ ಇದ್ದು, ಎಲ್ಲ ಸಿಹಿತಿನಿಸುಗಳನ್ನು ರುಚಿ ಮಾಡಿ ಸಿಬ್ಬಂದಿಯೊಂದಿಗೆ ಚಿತ್ರ ತೆಗೆಸಿಕೊಂಡರು.

ಬಳಿಕ ತಾವು ಖರೀದಿಸಿದ ಸಿಹಿತಿನಿಸುಗಳ ಹಣವನ್ನು ಅಂಗಡಿಯವನಿಗೆ ನೀಡಿ ಹಿಂದಿರುಗಿದರು.