ಮಸ್ಕ್‌ರಿಂದ ಹೊಸ ವಿಡಿಯೋ ಆ್ಯಪ್: ಯೂಟ್ಯೂಬ್‌ಗೆ ಸವಾಲು

ಕ್ಯಾಲಿಫೋರ್ನಿಯಾ: ಗೂಗಲ್ ಒಡೆತನದ ಜನಪ್ರಿಯ ಯುಟ್ಯೂಬ್ ಗೆ ಸ್ಪರ್ಧೆ ನೀಡಲು ಎಲಾನ್ ಮಸ್ಕ್ ಒಡೆತನದ ಎಕ್ಸ್ ಕಂಪೆನಿಯು ಟೀವಿ ಅಪ್ಲಿಕೇಶನ್ ತರುವುದಕ್ಕೆ ಸಿದ್ಧವಾಗಿದೆ. ಈ ಅಪ್ಲಿಕೇಶನ್ ಮೂಲಕ ಬಳಕೆದಾರರು ಉತ್ತಮ ಕ್ವಾಲಿಟಿ ವಿಡಿಯೋಗಳನ್ನು ಪೋಸ್ಟ್ ಮಾಡಬಹುದು ಎಂದು ‘ಎಕ್ಸ್ ’ ಸಿಇಓ ಲಿಂಡಾ ಯಾಕರಿನೋ ಘೋಷಿಸಿದ್ದಾರೆ.

ಈ ಬಗ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ಪೋಸ್ಟ್ ಮಾಡಿರುವ ಯಾಕರಿನೋ ‘ಸಣ್ಣ ಪರದೆಯಿಂದ ದೊಡ್ಡ ಪರದೆಯವರೆಗೆ, ಎಕ್ಸ್ ಎಲ್ಲವನ್ನೂ ಬದಲಾಯಿಸಲಿದೆ’ ಎಂದು ಬರೆದುಕೊಂಡಿದ್ದಾರೆ. ಎಐ ಚಾಲಿತ ವಿಷಯಗಳನ್ನು ಈ ಅಪ್ಲಿಕೇಶನ್ ಒಳಗೊಳ್ಳಲಿದ್ದು, ಬಿಡುಗಡೆ ದಿನಾಂಕ ಇನ್ನೂ ಘೋಷಣೆಯಾಗಿಲ್ಲ. ಈ ಎಕ್ಸ್ ಟಿವಿ ಆ್ಯಪ್ ಹೆಚ್ಚುಕಮ್ಮಿ ಯುಟ್ಯೂಬ್ ಫೀಚರ್ ಗಳನ್ನೇ ಹೋಲಲಿದೆ.