ಮಕ್ಕಳಲ್ಲಿ ಕನ್ನಡದ ಬಗ್ಗೆ ಕನ್ನಡ ಜನಪದ ಸಾಹಿತ್ಯದ ಬಗ್ಗೆ ಹೆಚ್ಚು ಜಾಗೃತಿ ಮೂಡಿಸಬೇಕು ಎಂದು ತಾಲೂಕು ಪಂಚಾಯಿತಿ ಕಾರ್ಯನಿರ್ವಾಹಕ ಅಧಿಕಾರಿ ವೆಂಕಟೇಶ ವಂದಾಲ ಹೇಳಿದರು.
ಕನ್ನಡಪ್ರಭ ವಾರ್ತೆ ಮುದ್ದೇಬಿಹಾಳ
ಆಧುನಿಕ ಯುಗದಲ್ಲಿ ಜನಪದ ಸಾಹಿತ್ಯ ಬಹಳಷ್ಟು ಶ್ರೀಮಂತವಾಗಿದೆ. ಆದರೆ ನಾವು ನಮ್ಮ ಜನಪದ ಸಂಸ್ಕ್ರತಿ ಮರೆತು ಆಧುನಿಕ ಬದುಕಿಗೆ ಹವನಿಸುತ್ತಿದ್ದೇವೆ. ನಮ್ಮ ಮಕ್ಕಳಲ್ಲಿ ಕನ್ನಡದ ಬಗ್ಗೆ ಕನ್ನಡ ಜನಪದ ಸಾಹಿತ್ಯದ ಬಗ್ಗೆ ಹೆಚ್ಚು ಜಾಗೃತಿ ಮೂಡಿಸಬೇಕು ಎಂದು ತಾಲೂಕು ಪಂಚಾಯಿತಿ ಕಾರ್ಯನಿರ್ವಾಹಕ ಅಧಿಕಾರಿ ವೆಂಕಟೇಶ ವಂದಾಲ ಹೇಳಿದರು.ಕರ್ನಾಟಕ ರಾಜ್ಯ ಯುವ ಸಂಘಗಳ ಒಕ್ಕೂಟ ವಿಜಯಪುರ, ಮುದ್ದೇಬಿಹಾಳ ತಾಲೂಕು ಘಟಕ ಕನ್ನಡ ಜಾನಪದ ಪರಿಷತ್ ಮತ್ತು ಸರ್ಕಾರಿ ಪ್ರಥಮ ದರ್ಜೆ ಕಾಲೇಜು ಸಹಯೋಗದೊಂದಿಗೆ ನಡೆದ ಕನ್ನಡ ಜಾನಪದ ರಾಜ್ಯೋತ್ಸವ ಸಂಭ್ರಮ ಹಾಗೂ ಸಾಧಕರಿಗೆ ಸನ್ಮಾನ ಕಾರ್ಯಕ್ರಮ ಉದ್ಘಾಟಿಸಿ ಅವರು ಮಾತನಾಡಿದರು.
ಇಂದಿನ ಯುವಕರಲ್ಲಿ ಹಳ್ಳಿ ಸೊಗಡಿನ ಆಟಗಳು, ಹಬ್ಬಗಳ ಪರಿಚಯ ಕಡಿಮೆಯಾಗುತ್ತಿದೆ. ನಮ್ಮ ಜನಪದ ಸಾಹಿತ್ಯದ ಆಚಾರ, ವಿಚಾರಗಳ ಪರಿಚಯವನ್ನು ಯುವಜನರು ತಿಳಿದುಕೊಂಡು ಮುಂದಿನ ಪೀಳಿಗೆಗೆ ತಲುಪಿಸುವ ಕಾರ್ಯವನ್ನು ಎಲ್ಲರೂ ಮಾಡಬೇಕಾಗಿದೆ. ಆಧುನಿಕ ಜಗತ್ತಲ್ಲಿ ನಮ್ಮ ಜಾನಪದ ಸಂಸ್ಕೃತಿ ಬಹಳಷ್ಟು ಶ್ರೀಮಂತವಾಗಿದೆ. ಪಾಶ್ಚಿಮಾತ್ಯದ ಸಂಸ್ಕೃತಿಗೆ ಮಾರುಹೋಗಿ ನಮ್ಮ ಸಂಸ್ಕೃತಿ ನಾವು ಮರೆಯುತ್ತಿದ್ದೇವೆ. ಜಾನಪದ ಸಾಹಿತ್ಯ ನಸಿಸುತ್ತಿದೆ. ಇದರ ಉಳಿವಿಗಾಗಿ ರಾಜ್ಯ ಯುವ ಸಂಘಗಳ ಒಕ್ಕೂಟದ ಜಿಲ್ಲಾಧ್ಯಕ್ಷ ಪುಂಡಲೀಕ ಮುರಾಳ ಕಾರ್ಯ ಶ್ಲಾಘನೀಯವಾಗಿದೆ. ಇಂತಹ ವೇದಿಕೆಗಳು ಸಂಸ್ಕೃತಿ ಉಳಿಸಿ, ಬೆಳೆಸುವಲ್ಲಿ ಬಹುದೊಡ್ಡ ಪಾತ್ರ ವಹಿಸಿಕೊಂಡಿದೆ ಎಂದು ಹೇಳಿದರು.ಉಪನ್ಯಾಸಕರಾಗಿ ಆಗಮಿಸಿದ ಮಡಿಕೇಶ್ವರ ಸರ್ಕಾರಿ ಪ್ರೌಢ ಶಾಲೆ ಶಿಕ್ಷಕರಾದ ಬಸವರಾಜ್ ಹಂಚಲಿ ಮಾತನಾಡಿ, ನಮ್ಮ ಜನಪದ ಸಾಹಿತ್ಯ ಎಷ್ಟು ಶ್ರೀಮಂತ ಎಂದರೆ ನಮ್ಮ ಪೂರ್ವಜರು ಮನೆಯ ಪ್ರತಿ ಕೆಲಸದಲ್ಲೂ ಹಾಡುಗಳನ್ನು ಹಾಡುತ್ತಾ ಕಾಯಕ ಮಾಡುತ್ತಿದ್ದರು. ಇಂದಿನ ಯುವಕರಿಗೆ ನಮ್ಮ ಹಳ್ಳಿ ಸೊಗಡಿನ ಆಟಗಳು ಹಬ್ಬಗಳ ಪರಿಚಯ ಇಲ್ಲದಂತಾಗಿದೆ. ಕಾರಣ ಅವರೆಲ್ಲ ಈಗ ವಾಟ್ಸಾಪ್‌, ಫೇಸ್ಬುಕ್‌, ಇನ್ಸಸ್ಟಾಗ್ರಾಂ, ಪಬ್ಜಿ ಹೀಗೆ ತಮ್ಮ ಜೀವನದ ಅರ್ಧ ಭಾಗವನ್ನು ಮೊಬೈಲ್‌ನಲ್ಲಿ ಕಳೆಯುತ್ತಿದ್ದಾರೆ. ಹೀಗಿರುವಾಗ ನಮ್ಮ ಜಾನಪದ ಸಾಹಿತ್ಯದ ಮಾಯವಾಗುತ್ತಿದೆ. ಸದೃಢ ಸಮಾಜ ನಿರ್ಮಾಣ ಮಾಡುವ ಯುವ ಪೀಳಿಗೆ ಬೇರೆ ದಿಕ್ಕಿನ ಕಡೆ ಸಾಗುತ್ತಿರುವುದು ದುಃಖಕರ ಎಂದು ಹೇಳಿದರು.
ಯುವಕರಲ್ಲಿ ದೇಶಾಭಿಮಾನ ನಮ್ಮ ಭಾರತದ ಭವ್ಯ ಸಂಸ್ಕೃತಿ ಉಳಿಸಿ ಬೆಳೆಸುವ ಕಾರ್ಯವಾಗಲಿ. ಇಂತಹ ವೇದಿಕೆಗಳು ಜಾನಪದ ಕಲಾವಿದರನ್ನು ಗುರುತಿಸಿ, ಅಭಿನಂದಿಸಿರುವುದು ಶ್ಲಾಘನೀಯ. ಕರ್ನಾಟಕ ರಾಜ್ಯ ಯುವ ಸಂಘಗಳ ಒಕ್ಕೂಟ ಮತ್ತು ಜಾನಪದ ಪರಿಷತ್ ರಾಜ್ಯದ್ಯಂತ ಜಾನಪದ ಜಾನಪದ ಕಲಾವಿದರನ್ನು ಮತ್ತು ಸಾಹಿತ್ಯ ಉಳಿಸುವಲ್ಲಿ, ಬೆಳೆಸುವಲ್ಲಿ ಬಹು ದೊಡ್ಡ ಪಾತ್ರ ವಹಿಸಿಕೊಂಡಿದೆ. ಆ ಎಲ್ಲಾ ಸಂಘಟಕರಿಗೆ ಧನ್ಯವಾದ ಅರ್ಪಿಸಿದರು.ಮುಖ್ಯ ಅಥಿತಿಗಳಾಗಿ ವೃತ್ತ ನೀರಿಕ್ಷಕ ಸಿಪಿಐ ಮಹಮ್ಮದ ಫಸುವುದೀನ ಮಾತನಾಡಿ, ಮುಂದಿನ ಪೀಳಿಗೆಗೆ ನಮ್ಮ ಸಂಸ್ಕೃತಿ ಪರಿಚಯಿಸುವ ಕಾರ್ಯವನ್ನು ನಾವು ಮಾಡಲೇಬೇಕು. ಆ ನಿಟ್ಟಿನಲ್ಲಿ ಪುಂಡಲೀಕ ಮುರಾಳ ಪ್ರಯತ್ನ ವ್ಯರ್ಥ ಆಗಬಾರದು ಎಂದರು. ನಂತರ ಬಾಗಲಕೋಟೆ ಕರ್ನಾಟಕ ಪತ್ರಕರ್ತರ ಸಂಘ ಜಿಲ್ಲಾ ಅಧ್ಯಕ್ಷ ಡಿ.ಬಿ.ವಿಜಯಶಂಕರ್ ಹಾಗೂ ಕಾಶಿಬಾಯಿ ರಾಂಪೂರ ಮಾತನಾಡಿ, ಜನಪದ ಉಳಿವಿಗಾಗಿ ಈ ಸಂಘವು ಜಿಲ್ಲೆಯಾದ್ಯಂತ ಸಾವಿರಾರು ಕಲಾವಿದರಿಗೆ ವೇದಿಕೆ ಕಲ್ಪಿಸಿದ ಕೀರ್ತಿ ಈ ಸಂಘಕ್ಕೆ ಸಲ್ಲುತ್ತದೆ ಎಂದರು.
ಕಾಲೇಜು ವಿದ್ಯಾರ್ಥಿಗಳು ಅದ್ಭುತ ಜಾನಪದ ನೃತ್ಯ ಮಾಡುವ ಮೂಲಕ ಗಮನ ಸೆಳೆದರು. ಎಂಜಿಸಿ ಕಾಲೇಜಿನ ಕನ್ನಡ ವಿಭಾಗದ ಮುಖ್ಯಸ್ಥರಾದ ಪ್ರಕಾಶ ನರಗುಂದ, ಕನ್ನಡ ಉಪನ್ಯಾಸಕರಾದ ಮಾದೇವಿ ಹಿರೇಮಠ, ಮಲ್ಲಿಕಾರ್ಜುನ ಗೋಂದಳಿ, ಬುಡುಬುಡಿಕೆ ಕಲಾವಿದ ಪ್ರಕಾಶ ಗೋಂದಳಿ, ಶಿಕ್ಷಕರು ಹಾಗೂ ಗಾಯಕರು ಮೌನೇಶ್ ಮಾದಾರ, ಕಾರಕೂರ ಬಜನಾ ಕಲಾವಿದ ಬಸವರಾಜ್ ಮೇಟಿ, ಉದ್ಯಮದಾರರು ವಿನಾಯಕ ಭಟ್, ಗಾಯಕರು ಹನುಮಂತ ಮಾಲಿಂಗಪುರ ಉಪಸ್ಥಿತರಿದ್ದರು. ಪಿಯುಸಿ ಕನ್ನಡ ವಿಷಯದಲ್ಲಿ ಹೆಚ್ಚು ಅಂಕ ಪಡೆದ ವಿದ್ಯಾರ್ಥಿ- ವಿದ್ಯಾರ್ಥಿನಿಯರಿಗೆ ಸನ್ಮಾನ ಮಾಡಿದರು. ಕೆಲವು ಸಾಧಕರನ್ನು ಗೌರವಿಸಿ ಸನ್ಮಾನಿಸಿದರು.ಡಾ.ಎಚ್ಎ ಕಟಗೂರು ಪ್ರಾಂಶುಪಾಲರು ಅಧ್ಯಕ್ಷತೆ ವಹಿಸಿದ್ದರು. ವೇದಿಕೆ ಮೇಲೆ ಅಕ್ಷರ ದಾಸೋಹದ ಸಹಾಯಕ ನಿರ್ದೇಶಕ ಎಂ.ಎಂ ಬೆಳಗಲ್. ಗೌರವ ಜಿಲ್ಲಾಧ್ಯಕ್ಷ ನೀಲಕಂಠರಾವ ನಾಡಗೌಡ, ಕರ್ನಾಟಕ ರಾಜ್ಯ ಯುವಸಂಗಳ ಒಕ್ಕೂಟದ ಜಿಲ್ಲಾಧ್ಯಕ್ಷ ಪುಂಡಲೀಕ ಮುರಾಳ, ಎನ್ಎಸ್ಐ ಮುಖಂಡ ಸದ್ದಾಮ್ ಕುಂಟೋಜಿ, ವೀರಶೈವ ಲಿಂಗಾಯತ ಮಹಾಸಭಾ ತಾಲೂಕು ಉಪಾಧ್ಯಕ್ಷ ಸಂಗಣ್ಣ ಕಂಚಾಣಿ, ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಮಾಂತೇಶ್ ಬೂದಿಹಾಳ ಮಠ, ತಾಲೂಕು ಅಧ್ಯಕ್ಷ ವೀರೇಶ್ ಗುರುಮಠ, ರಾಜುಗೌಡ ತುಂಬಗಿ, ಜಾನಪದ ಪರಿಷತ್ ಮಹಿಳಾ ಘಟಕದ ಗೌರವ ಅಧ್ಯಕ್ಷ ಚೈತನ್ಯ ಮುದ್ದೇಬಿಹಾಳ, ಅಧ್ಯಕ್ಷ ದೀಪ ರತ್ನಶ್ರೀ, ರಫೀಕ್ ಶಿರೋಳ, ಶ್ರೀಕಾಂತ್ ಹಿರೇಮಠ, ಯುವ ಬ್ರಿಗೇಡಿನ ನಗರ ಸಂಚಾಲಕ ಕೃಷ್ಣ ಕುಂಬಾರ, ಸಹ ಸಂಚಾಲಕ ಆಕಾಶ್ ನಲತವಾಡ, ಬಸವರಾಜ್ ಯಂಕಂಚಿ ಸೇರಿದಂತೆ ಅನೇಕ ಕಲಾವಿದರು, ಕಾಲೇಜಿನ ಶಿಕ್ಷಕರು, ವೃಂದ ಹಾಗೂ ಸಂಘದ ಸರ್ವ ಸದಸ್ಯರು ಇದ್ದರು. ಗಿರೀಶ್ ವಾಗಣ್ಗೇರಿ ಸ್ವಾಗತಿಸಿ, ಪ್ರೊ.ಹಂಪಣ್ಣ ನಿರೂಪಿಸಿ, ಪ್ರೊ.ಕುಮಾರಿ ಧನುಶ್ರೀ ವಂದಿಸಿದರು.
