ಕನ್ನಡದ ಬ್ಯಾಕ್‌ ಬೆಂಚರ್ಸ್‌ ಚಿತ್ರದಲ್ಲಿ ಭರವಸೆ ಮೂಡಿಸಿದ ಬೆಂಗಳೂರು ಹುಡುಗಿ ಮಾನ್ಯ ಗೌಡ

ಕೆಎಂಇತ್ತೀಚೆಗೆ ತೆರೆಕಂಡ ‘ಬ್ಯಾಕ್‌ ಬೆಂಚರ್ಸ್‌’ ಚಿತ್ರದ ನಟಿ ಮಾನ್ಯ ಗೌಡ ಈಗ ತೆಲುಗು ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಸಿನಿಮಾ ಪ್ರಯಾಣದ ಕುರಿತು ಅವರ ಜೊತೆ ಮಾತುಕತೆ.

ನಾನು ಬೆಂಗಳೂರಿನ ಹುಡುಗಿ. ಎಲೆಕ್ಟ್ರಿಕಲ್‌ ಕಮ್ಯೂನಿಕೇಷನ್‌ ವಿಭಾಗದಲ್ಲಿ ಇಂಜಿನಿಯರಿಂಗ್ ಓದಿದ್ದೇನೆ. ಓದಿನ ಜತೆಗೆ ಡ್ಯಾನ್ಸ್‌ ಕಲಿತೆ. ನಮ್ಮ ಕುಟುಂಬದಲ್ಲಿ ಯಾರೂ ಚಿತ್ರರಂಗದಲ್ಲಿ ಇಲ್ಲ. ನಾನೇ ಮೊದಲು.

‘ಬ್ಯಾಕ್‌ ಬೆಂಚರ್ಸ್‌’ ಹಾಗೂ ಪ್ರಜ್ವಲ್‌ ದೇವರಾಜ್‌ ಅವರೊಂದಿಗೆ ‘ವೀರಂ’, ಧನಂಜಯ್‌ ಅವರ ‘ಮಾನ್ಸೂನ್‌ ರಾಗ’ ಚಿತ್ರಗಳಲ್ಲಿ ನಟಿಸಿದ್ದೇನೆ.

ನಟ ಯಶ್‌ ಇಷ್ಟ. ಅವರ ಸಾಧನೆ ನನಗೆ ಸ್ಫೂರ್ತಿ. ಸುದೀಪ್‌ ಅವರ ವ್ಯಕ್ತಿತ್ವ ನನಗೆ ಮಾದರಿ. ಅವರಂತೆಯೇ ಚಿತ್ರರಂಗದಲ್ಲಿ ಪಯಣ ರೂಪಿಸಿಕೊಳ್ಳುವ ಆಸೆ ಇದೆ.

ತೆಲುಗಿನಲ್ಲಿ ಮಿಸ್ಟರ್‌ ಕರ್ನಲ್‌ ಚಿತ್ರದಲ್ಲಿ ಎರಡನೇ ನಾಯಕಿಯಾಗಿ ನಟಿಸುತ್ತಿದ್ದೇನೆ. ಕನ್ನಡದಲ್ಲೂ ಒಳ್ಳೆಯ ಪಾತ್ರಗಳು ಸಿಗುವ ನಿರೀಕ್ಷೆಯಲ್ಲಿದ್ದೇನೆ.