ಕಾಂಗರೂ ಚಿತ್ರಕ್ಕೆ ಯೂಟರ್ನ್‌ ಪ್ರೇರಣೆ

 ಸಿನಿವಾರ್ತೆ

ಆದಿತ್ಯ, ರಂಜನಿ ರಾಘವನ್‌ ನಟನೆಯ ‘ಕಾಂಗರೂ’ ಸಿನಿಮಾದ ಟ್ರೇಲರ್‌ ಎ2 ಮ್ಯೂಸಿಕ್‌ ಯೂಟ್ಯೂಬ್‌ನಲ್ಲಿ ಬಿಡುಗಡೆಯಾಗಿದೆ.

‘ಚಿತ್ರ ನಾಳೆ ಅಂದರೆ ಮೇ 3ಕ್ಕೆ 150 ರಿಂದ 200 ಥಿಯೇಟರ್‌ಗಳಲ್ಲಿ ತೆರೆಗೆ ಬರಲಿದೆ. ಯೂಟರ್ನ್‌ ಸಿನಿಮಾದಿಂದ ಪ್ರೇರಿತನಾಗಿ ಈ ಸಿನಿಮಾ ಮಾಡಿದ್ದೇನೆ. ಸಣ್ಣ ತಪ್ಪೊಂದು ಏನೆಲ್ಲ ಅನಾಹುತಗಳಿಗೆ ಕಾರಣವಾಗಬಹುದು ಎಂಬುದು ಚಿತ್ರದಲ್ಲಿದೆ’ ಎಂದು ನಿರ್ದೇಶಕ ಕಿಶೋರ್‌ ಮೇಗಳಮನೆ ಹೇಳಿದ್ದಾರೆ.

ನಾಯಕ ಆದಿತ್ಯ ತನಿಖಾಧಿಕಾರಿಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ರಂಜನಿ ಮನೋವೈದ್ಯೆಯಾಗಿ ನಟಿಸಿದ್ದಾರೆ.

ಚೆನ್ನಕೇಶವ ಬಿ.ಸಿ ಹಾಗೂ ಸ್ನೇಹಿತರು ಈ ಸಿನಿಮಾ ನಿರ್ಮಿಸಿದ್ದಾರೆ.