‘ಸಿಟಾಡೆಲ್‌ ಹನಿಬನಿ’ ವೆಬ್‌ ಸೀರೀಸ್ ಟೀಸರ್‌ ಲಾಂಚ್‌: ಗಾಥಿಕ್‌ ಬಸ್ಟಿಯರ್‌ ಟ್ರೆಂಡಿ ಡ್ರೆಸ್‌ನಲ್ಲಿ ಸಮಂತಾ

 ಸಿನಿವಾರ್ತೆ

‘ಸಿಟಾಡೆಲ್‌ ಹನಿಬನಿ’ ವೆಬ್‌ ಸೀರೀಸ್ ಟೀಸರ್‌ ಲಾಂಚ್‌ನಲ್ಲಿ ಎಲ್ಲರ ಕಣ್ಣು ಸಮಂತಾ ಮೇಲೆ. ಅದಕ್ಕೆ ಕಾರಣ ಈಕೆ ಧರಿಸಿದ್ದ ಡ್ರೆಸ್‌. ಅಲ್ಲಿ ಸಮಂತಾ ಕಡುಗಪ್ಪು ಬಣ್ಣದ ಗಾಥಿಕ್‌ ಬಸ್ಟಿಯರ್‌ ಟ್ರೆಂಡಿ ಉಡುಗೆಯಲ್ಲಿ ಮಿಂಚಿದರು.

ಈ ಡ್ರೆಸ್‌ನ ವಿಶೇಷತೆ ಏನು ಅಂದರೆ ಇದು ಕವಚದ ಹಾಗೆ ಮೈಯನ್ನು ಒತ್ತಿ ನಿಲ್ಲುವ ಉಡುಗೆ. ಆರಂಭದಿಂದಲೂ ವಿದೇಶಗಳಲ್ಲಿ ಹೆಣ್ಮಕ್ಕಳ ಗೌನ್‌ ಈ ಮಾದರಿಯಲ್ಲಿತ್ತು.

ಸಮಂತಾ ಸ್ವೀಟ್‌ ಸ್ಮೈಲ್‌ ನೀಡಿ ಫೋಸ್ ನೀಡಿದ ಮರುಕ್ಷಣವೇ ಬಾಂಬ್‌ ಸಿಡಿಸಿದರು. ಬಾಲಿವುಡ್‌ನ ಸೋ ಕಾಲ್ಡ್‌ ಡಿಸೈನರ್‌ಗಳು ದಕ್ಷಿಣ ಭಾರತೀಯ ನಟಿಯರನ್ನು ಕೇವಲವಾಗಿ ಕಾಣುತ್ತಾರೆ ಎಂಬುದು ಅವರ ಸಿಟ್ಟಿಗೆ ಕಾರಣ. ‘ಯಾರು ನೀವು? ಸೌತ್‌ ಆ್ಯಕ್ಟರಾ?’ ಅಂತ ಹೀನಾಯವಾಗಿ ಕಾಣುವ ಡಿಸೈನರ್‌ಗಳ ಮನಸ್ಥಿತಿ ಬಹಳ ಕೆಟ್ಟದ್ದು ಎಂದು ಅವರು ಜಿಗುಪ್ಸೆ ವ್ಯಕ್ತಪಡಿಸಿದರು.