ತೆಲಂಗಾಣ ಡಿಎಸ್ಪಿ ಬಳಿ ಭರ್ಜರಿ ₹200 ಕೋಟಿ ಅಕ್ರಮ ಆಸ್ತಿ ಪತ್ತೆ!

ಹೈದರಾಬಾದ್‌: ಆದಾಯ ಅಲ್ಪವಿದ್ದರೂ 200 ಕೋಟಿ ರು. ಆಸ್ತಿ ಹೊಂದಿದ್ದ ಹೈದರಾಬಾದ್‌ನ ಪೊಲೀಸ್ ಉಪ ಅಧೀಕ್ಷಕ ಸಂಕಿರೆಡ್ಡಿ ಭೀಮ್ ರೆಡ್ಡಿಯನ್ನು ತೆಲಂಗಾಣದ ಭ್ರಷ್ಟಾಚಾರ ನಿಗ್ರಹ ದಳ ಬಂಧಿಸಿದೆ.ಗುರುವಾರ ಬೆಳಗಿನ ಜಾವ 5 ಗಂಟೆಗೆ ರೆಡ್ಡಿಯ ಮನೆ ಸೇರಿ ರಾಜ್ಯದ 15 ಜಾಗಗಳ ಮೇಲೆ ಎಸಿಬಿ ಅಧಿಕಾರಿಗಳು ಏಕಕಾಲಕ್ಕೆ ದಾಳಿ ಮಾಡಿದ್ದರು.  

ಸೇವಾವಧಿಯಲ್ಲಿ ರೆಡ್ಡಿ ಅಕ್ರಮ

ಈ ವೇಳೆ ಸೇವಾವಧಿಯಲ್ಲಿ ರೆಡ್ಡಿ ಅಕ್ರಮವಾಗಿ, ಭ್ರಷ್ಟಾಚಾರದ ಮೂಲಕ ಹಾಗೂ ಸಂಶಯಾಸ್ಪದ ರೀತಿಗಳಲ್ಲಿ ಗಳಿಸಿದ ಆಸ್ತಿಗಳು ಪತ್ತೆಯಾಗಿದ್ದು, ಅವುಗಳ ಮೌಲ್ಯ 200 ಕೋಟಿ ರು.ಗಿಂತಲೂ ಅಧಿಕ ಎಂದು ತಿಳಿದುಬಂದಿದೆ. 

 ಆಸ್ತಿ ಎಷ್ಟಿತ್ತು?: 

ರೆಡ್ಡಿಯವರ ಮನೆಯಲ್ಲಿ 3.60 ಲಕ್ಷ ರು. ನಗದು, 2 ಕೆ.ಜಿ. ಚಿನ್ನಾಭರಣ, 20 ಕೆ.ಜಿ. ಬೆಳ್ಳಿ, ಪತ್ತೆಯಾಗಿದೆ. ಜತೆಗೆ, 3 ವಿಲ್ಲಾ, 4 ಮಹಡಿಯ 2 ಮನೆಗಳು, 2 ಫ್ಲ್ಯಾಟ್‌, ವಾಣಿಜ್ಯ ಸಂಕೀರ್ಣಗಳು ಸೇರಿದಂತೆ ಹಲವು ಕಟ್ಟಡಗಳ ಮಾಲೀಕರಾಗಿದ್ದಾರೆ. ಕರ್ನಾಟಕದ 2 ಕಡೆಗಳಲ್ಲಿ 46 ಎಕರೆ ಸೇರಿ ತೆಲಂಗಾಣದ ಹಲವು ಕಡೆಗಳಲ್ಲಿ ಕೃಷಿಭೂಮಿಯನ್ನು ಹೊಂದಿದ್ದಾರೆ. ಶ್ರೀ ರಾಘವೇಂದ್ರ ರಾಕ್ ಸ್ಯಾಂಡ್ ಮಿನರಲ್ಸ್ ಮೇಲೆ 75 ಲಕ್ಷ ರು. ಹೂಡಿಕೆ ಮಾಡಿದ್ದಾರೆ.