ವರ್ಷದಲ್ಲಿ ಮಸ್ಕ್‌ ಸಂಪತ್ತು ₹34,000 ಕೋಟಿ ಕುಸಿತ!

ವಾಷಿಂಗ್ಟನ್‌: ಖ್ಯಾತ ಸಾಮಾಜಿಕ ಜಾಲತಾಣವಾಗಿರುವ ಎಕ್ಸ್‌ ಮಾಲೀಕ ಹಾಗೂ ಟೆಸ್ಲದ ಎಲಾನ್‌ ಮಸ್ಕ್‌ ಅವರ ಸಂಪತ್ತು ಪ್ರಸಕ್ತ ಸಾಲಿನಲ್ಲಿ ಬರೋಬ್ಬರಿ 34 ಸಾವಿರ ಕೋಟಿ ರು.(40 ಬಿಲಿಯನ್‌ ಡಾಲರ್‌) ಕುಸಿತ ಕಂಡಿರುವುದಾಗಿ ಬ್ಲೂಂಬರ್ಗ್‌ ಬಿಲಿಯನೇರ್‌ ವರದಿಯಲ್ಲಿ ಉಲ್ಲೇಖಿಸಿದೆ.

ಇದು ಈ ಸಾಲಿನಲ್ಲಿ ಟಾಪ್‌ 10 ಧನಿಕರೊಬ್ಬರು ಕಳೆದಕೊಂಡಿರುವ ಅತಿ ಹೆಚ್ಚಿನ ಸಂಪತ್ತು ಪ್ರಮಾಣವಾಗಿದೆ.ಇದರೊಂದಿಗೆ ಎಲಾನ್‌ ಮಸ್ಕ್‌ ಒಟ್ಟು ಸಂಪತ್ತು 16,06,500 ಕೋಟಿ ರು.ಗೆ (189 ಬಿಲಿಯನ್‌ ಡಾಲರ್‌) ಕುಸಿತಗೊಂಡು ಜಾಗತಿಕ ಶ್ರೀಮಂತರ ಪಟ್ಟಿಯಲ್ಲಿ 3ನೇ ಸ್ಥಾನಕ್ಕೆ ಜಾರಿದ್ದಾರೆ. ಮೊದಲ ಸ್ಥಾನದಲ್ಲಿ ಬರ್ನಾರ್ಡ್‌ ಅರ್ನಾಲ್ಟ್‌ ಸಂಸ್ಥೆಯ ಮಾಲೀಕ ಲೂಯಿಸ್‌ ವಿಟ್ಟನ್‌ (17 ಲಕ್ಷ ಕೋಟಿ ರು.) ಇದ್ದು, ಎರಡನೇ ಸ್ಥಾನದಲ್ಲಿ ಅಮೆಜಾನ್‌ ಸ್ಥಾಪಕ ಜೆಫ್‌ ಬಿಜೋಸ್‌ ಇದ್ದಾರೆ.