ಯುದ್ಧದ ನಡುವೆ ಅಮೆರಿಕ ಸೇನೆಯಲ್ಲಿ ದಂಗೆ?
ಸಾರಾಂಶ
ಇರಾನ್ ಸಂಘರ್ಷ ತೀವ್ರಗೊಳ್ಳುತ್ತಿರುವ ಹೊತ್ತಿನಲ್ಲೇ ಅಮೆರಿಕ ಸೇನೆಯಲ್ಲಿ ಬಂಡಾಯದ ಆತಂಕ ಶುರುವಾಗಿದೆ. ದಿಢೀರ್ ಬೆಳವಣಿಗೆಯಲ್ಲಿ ಸೇನಾ ಮುಖ್ಯಸ್ಥ ಜನರಲ್ ರ್ಯಾಂಡಿ ಎ. ಜಾರ್ಜ್ ಸೇರಿ ಮೂವರು ಉನ್ನತ ಮಿಲಿಟರಿ ಅಧಿಕಾರಿಗಳನ್ನು ದಿಢೀರ್ ಬದಲಾವಣೆ ಮಾಡಲಾಗಿದೆ. ಅಮೆರಿಕದ ರಕ್ಷಣಾ ಸಚಿವ ಪೀಟ್ ಹೆಗ್ಸೆತ್ ಸೂಚನೆಯಂತೆ ಈ ಬದಲಾವಣೆ ಮಾಡಲಾಗಿದೆ.
ಸೇನಾ ಮುಖ್ಯಸ್ಥ ಸೇರಿ ಮೂವರಿಗೆ ಗೇಟ್ಪಾಸ್ । ಕಾಶ್ಪಟೇಲ್, ತುಳಸಿ ಹುದ್ದೆಯೂ ಆತಂಕದಲ್ಲಿ ವಾಷಿಂಗ್ಟನ್: ಇರಾನ್ ಸಂಘರ್ಷ ತೀವ್ರಗೊಳ್ಳುತ್ತಿರುವ ಹೊತ್ತಿನಲ್ಲೇ ಅಮೆರಿಕ ಸೇನೆಯಲ್ಲಿ ಬಂಡಾಯದ ಆತಂಕ ಶುರುವಾಗಿದೆ. ದಿಢೀರ್ ಬೆಳವಣಿಗೆಯಲ್ಲಿ ಸೇನಾ ಮುಖ್ಯಸ್ಥ ಜನರಲ್ ರ್ಯಾಂಡಿ ಎ. ಜಾರ್ಜ್ ಸೇರಿ ಮೂವರು ಉನ್ನತ ಮಿಲಿಟರಿ ಅಧಿಕಾರಿಗಳನ್ನು ದಿಢೀರ್ ಬದಲಾವಣೆ ಮಾಡಲಾಗಿದೆ. ಅಮೆರಿಕದ ರಕ್ಷಣಾ ಸಚಿವ ಪೀಟ್ ಹೆಗ್ಸೆತ್ ಸೂಚನೆಯಂತೆ ಈ ಬದಲಾವಣೆ ಮಾಡಲಾಗಿದೆ.
ಜನರಲ್ ರ್ಯಾಂಡಿ ಜಾರ್ಜ್ ಅವರು 41ನೇ ಸೇನಾ ಮುಖ್ಯಸ್ಥ ಹುದ್ದೆಯಿಂದ ತಕ್ಷಣದಿಂದಲೇ ಜಾರಿಗೆ ಬರುವಂತೆ ನಿವೃತ್ತರಾಗಲಿದ್ದಾರೆ. ಅಮೆರಿಕ ಸೇನೆಗೆ ದಶಕಗಳ ಕಾಲ ಅವರು ಸಲ್ಲಿಸಿದ ಸೇವೆಗೆ ಕೃತಜ್ಞತೆ ಸಲ್ಲಿಸುತ್ತೇವೆ ಎಂದು ಪೆಂಟಗಾನ್ ಕಚೇರಿ ಬಿಡುಗಡೆ ಮಾಡಿದ ಸಂದೇಶದಲ್ಲಿ ಹೇಳಲಾಗಿದೆ. ಹಾಗೆ ನೋಡಿದರೆ ಜಾರ್ಜ್ ಅವರ ಸೇವಾವಧಿ 2027ರ ವರೆಗೆ ಇತ್ತು. ಇದೀಗ ಅವರ ದಿಢೀರ್ ಬದಲಾವಣೆ ಅಚ್ಚರಿ ಮೂಡಿಸಿದೆ. ಇವರ ಜತೆಗೆ ಆರ್ಮಿ ಟ್ರಾನ್ಫಾರ್ಮೇಷನ್ ಆ್ಯಂಡ್ ಟ್ರೈನಿಂಗ್ ಕಮಾಂಡ್ನ ವಿಭಾಗದ ಮುಖ್ಯಸ್ಥ ಜನರಲ್ ಡೇವಿಡ್ ಹೋಂಡೆ ಮತ್ತು ಚಾಪ್ಲಿನ್ ಪಡೆಗಳ ಮುಖ್ಯಸ್ಥ ಮೇಜರ್ ಜನರಲ್ ವಿಲಿಯಂ ಗ್ರೀನ್ ಅವರನ್ನೂ ಬದಲಾಯಿಸಲಾಗಿದೆ.
ರ್ಯಾಂಡಿ ಜಾರ್ಜ್ ಮೊದಲ ಕೊಲ್ಲಿಯುದ್ಧ, ಇರಾಕ್, ಅಫ್ಘಾನಿಸ್ತಾನ ಯುದ್ಧದ ವೇಳೆ ಸೇವೆ ಸಲ್ಲಿಸಿದ ಅನುಭವ ಹೊಂದಿದ್ದಾರೆ. ಇವರ ಜಾಗಕ್ಕೆ ಇದೀಗ ಹೆಗ್ಸೆತ್ರ ಆಪ್ತ ಜನರಲ್ ಕ್ರಿಸ್ಟೋಫರ್ ಲನೇವ್ ಪ್ರಭಾರಿಯಾಗಿ ನೇಮಕಗೊಂಡಿದ್ದಾರೆ. 2 ವರ್ಷದ ಹಿಂದೆ ಕೇವಲ ಡಬಲ್ ಸ್ಟಾರ್ ಅಧಿಕಾರಿಯಾಗಿದ್ದ ಲನೇವ್ ಅವರ ಈ ದಿಢೀರ್ ಬಡ್ತಿ ಕುತೂಹಲ ಮೂಡಿಸಿದೆ.ಹೆಗ್ಸೆತ್ಗೆ ಸೇನೆ ಜತೆ ಹಿಂದಿನಿಂದಲೂ ಇದ್ದ ಕೆಲ ತರಕಾರುಗಳು, ನೇಮಕಾತಿ, ಬಡ್ತಿ ನಿರ್ಧಾರಗಳ ಬಗ್ಗೆ ಅಸಮಾಧಾನಗಳಿದ್ದವು. ಇದರ ಜತೆಗೆ ಹೆಗ್ಸೆತ್ ಹಾಗೂ ಸೇನಾ ಕಾರ್ಯದರ್ಶಿ ಡೇನಿಯಲ್ ಪಿ. ಡ್ರಿಸ್ಕಾಲ್ ಜತೆಗೆ ಭಿನ್ನಾಭಿಪ್ರಾಯಗಳೂ ಇತ್ತು. ಕೆಲ ವರ್ಷಗಳಿಂದ ಡಿಸ್ಕಾಲ್ ಮತ್ತು ಸೇನಾ ಮುಖ್ಯಸ್ಥರ ನಡುವಿನ ಕೆಲಸದ ಬಾಂಧವ್ಯ ಚೆನ್ನಾಗಿತ್ತು. ಇದು ಹೆಗ್ಸೆತ್ ಅಸಮಾಧಾನಕ್ಕೆ ಕಾರಣವಾಗಿತ್ತು. 2 ವಾರಗಳ ಹಿಂದೆ ಜಾರ್ಜ್ ಅವರು ಹೆಗ್ಸೆತ್ ಭೇಟಿಯಾಗಲು ಮುಂದಾಗಿದ್ದರು. ಸೇನಾ ಸಿಬ್ಬಂದಿ ವಿಚಾರದಲ್ಲಿ ಅನಗತ್ಯ ಮಧ್ಯಪ್ರವೇಶಕ್ಕೆ ಆಕ್ಷೇಪ ವ್ಯಕ್ತಪಡಿಸುವ ಇಂಗಿತ ಹೊಂದಿದ್ದರು. ಆದರೆ, ಈ ಭೇಟಿಗೆ ಅವಕಾಶವೇ ಸಿಕ್ಕಿರಲಿಲ್ಲ. ಇದರ ಬೆನ್ನಲ್ಲೇ ಈ ಬೆಳವಣಿಗೆ ನಡೆದಿದೆ.
ಕಾಶ್ ಪಟೇಲ್, ಗಬಾರ್ಡ್ಗೂ ಆತಂಕ: