ರಾಮಮಂದಿರದ ಉಪಗ್ರಹ ಚಿತ್ರ ಇಸ್ರೊದಿಂದ ಬಿಡುಗಡೆ

ಬೆಂಗಳೂರು: ರಾಮಮಂದಿರ ಉದ್ಘಾಟನೆಯಾಗುತ್ತಿರುವ ಹೊತ್ತಿನಲ್ಲೇ ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೋ) ಉಪಗ್ರಹದಿಂದ ತೆಗೆಯಲಾಗಿದ್ದ ಅಯೋಧ್ಯೆ ರಾಮಮಂದಿರದ ಚಿತ್ರವನ್ನು ಹಂಚಿಕೊಂಡಿದೆ.

ಡಿ.16ರಂದು ಈ ಚಿತ್ರವನ್ನು ತೆಗೆಯಲಾಗಿದೆ ಎಂದು ಸಂಸ್ಥೆ ತಿಳಿಸಿದೆ. ಈ ಚಿತ್ರದಲ್ಲಿ ಅಯೋಧ್ಯೆ ರಾಮಮಂದಿರದ ಜೊತೆಗೆ ಅದರ ಆಸುಪಾಸಿನಲ್ಲಿರುವ ದಶರಥ ಮಹಲ್‌, ನಿರ್ಮಾಣ ಹಂತದಲ್ಲಿದ್ದ ಅಯೋಧ್ಯಾ ರೈಲು ನಿಲ್ದಾಣ ಮತ್ತು ಪವಿತ್ರ ಸರಯೂ ನದಿಯ ವಿಹಂಗಮ ನೋಟವಿದೆ.