ಸೂರ್ಯ, ಚಂದ್ರರ ಮೊದಲ ಚಿತ್ರ ಸೆರೆ ಹಿಡಿದ ಪಾಕ್‌ ಆರ್ಬಿಟರ್

ಇಸ್ಲಾಮಾಬಾದ್: ಚೀನಾದ ಚಂದ್ರ ಮಿಷನ್ ಭಾಗವಾಗಿ ಉಡಾವಣೆಯಾದ ಕೆಲವೇ ದಿನಗಳಲ್ಲಿ ಅದರ ಜತೆ ತೆರಳಿದ್ದ ಪಾಕಿಸ್ತಾನದ ಅರ್ಬಿಟರ್‌, ಚಂದ್ರನ ಹಾಗೂ ಸೂರ್ಯನ ಮೊದಲ ಚಿತ್ರವನ್ನು ಯಶಸ್ವಿಯಾಗಿ ಸೆರೆ ಹಿಡಿದಿದೆ.

ಚೀನಾದ ಚಾಂಗ್-ಇ-6 ಯೋಜನೆಯ ಭಾಗವಾಗಿ ಅದರ ಜತೆ ತೆರಳಿದ್ದ ಪಾಕಿಸ್ತಾನದ ಮಿನಿ ಉಪಗ್ರಹ ‘ಐಕ್ಯೂಬ್-ಕಮರ್’, ಈ ಫೋಟೋ ಕಳುಹಿಸಿದೆ. ಮೇ 3ರಂದು ಚೀನಾ ಈ ಉಡಾವಣೆ ಮಾಡಲಾಗಿತ್ತು.

ಚೀನಾದ ರಾಷ್ಟ್ರೀಯ ಬಾಹ್ಯಾಕಾಶ ಸಂಸ್ಥೆ (ಸಿಎನ್‌ಎಸ್ಎ) ಈ ಮಿಷನ್ ಯಶಸ್ವಿಯಾದ ಚಿತ್ರವನ್ನು ಅನಾವರಣಗೊಳಿಸಿದೆ ಎಂದು ಪಾಕಿಸ್ತಾನದ ರಾಷ್ಟ್ರೀಯ ಬಾಹ್ಯಾಕಾಶ ಸಂಸ್ಥೆ ಸುಪಾರ್ಕೋ ಹೇಳಿದೆ.ಮೇ 8ರಂದು ಪಾಕಿಸ್ತಾನದ ಕಾಲಮಾನದ ಪ್ರಕಾರ, ಮಧ್ಯಾಹ್ನ 1.14ಕ್ಕೆ ಪಾಕಿಸ್ತಾನದ ಕ್ಯೂಬ್‌ಸ್ಯಾಟ್‌ ಪೇಲೋಡ್‌, ಚಂದ್ರನ ಬಿಂದುವಿನ ಕಕ್ಷೆಯಲ್ಲಿ ಬೇರ್ಪಟ್ಟು ಚಿತ್ರಗಳನ್ನು ಕಳಿಸಿದೆ ಎಂದು ಅದು ಹೇಳಿಕೊಂಡಿದೆ.