ಆಧಾರ್‌ ಸೇವೆಗೆ ಹೆಚ್ಚಿಗೆಹಣ ಪಡೆದರೆ ₹50,000ದಂಡ, ಸಸ್ಪೆಂಡ್‌: ಆರ್‌ಸಿ

ನವದೆಹಲಿ: ಆಧಾರ್‌ ಕಾರ್ಡ್‌ ತಿದ್ದುಪಡಿ, ನವೀಕರಣ, ಮಾಹಿತಿ ಸರಿಪಡಿಸುವಿಕೆ ಇತ್ಯಾದಿ ಸೇವೆಗಳಿಗೆ ಸೇವಾ ಕೇಂದ್ರಗಳು ಹೆಚ್ಚುವರಿ ಹಣ ಪಡೆದರೆ 50,000 ರು. ದಂಡ ಹಾಗೂ ಅಮಾನತು ಮಾಡಲಾಗುವುದು ಎಂದು ಕೇಂದ್ರ ಸರ್ಕಾರ ತಿಳಿಸಿದೆ. ಲೋಕಸಭೆಗೆ ಲಿಖಿತ ರೂಪದಲ್ಲಿ ಉತ್ತರಿಸಿದ ಕೇಂದ್ರ ಮಾಹಿತಿ ತಂತ್ರಜ್ಞಾನ ರಾಜ್ಯ ಸಚಿವ ರಾಜೀವ್‌ ಚಂದ್ರಶೇಖರ್‌,‘ಆಧಾರ್‌ ಸೇವೆಗಳನ್ನು ಕೇಂದ್ರ, ರಾಜ್ಯ ಸರ್ಕಾರ ಹಾಗೂ ಅಧಿಕೃತ ಕೇಂದ್ರಗಳಲ್ಲಿ ಮಾಡಲಾಗುತ್ತದೆ. ಇದಕ್ಕಾಗಿ ಸರ್ಕಾರ ನಿಗದಿಪಡಿಸಿರುವ ಶುಲ್ಕವನ್ನು ಮಾತ್ರ ಪಡೆಯತಕ್ಕದ್ದು. ಹೆಚ್ಚುವರಿ ಹಣ ಪಡೆದರೆ ಅಂಥ ನೋಂದಣಿ ಮಾಡುವವರನ್ನು ಅಮಾನತು ಮಾಡಲಾಗುತ್ತದೆ ಹಾಗೂ 50,000 ರು. ದಂಡವನ್ನು ವಿಧಿಸಲಾಗುತ್ತದೆ ಎಂದು ಮಾಹಿತಿ ನೀಡಿದರು.