ದ.ಕೊರಿಯದಲ್ಲಿ ತುರ್ತುಸ್ಥಿತಿ ಡ್ರಾಮ

ಸಿಯೋಲ್‌: ದಕ್ಷಿಣ ಕೊರಿಯಾದಲ್ಲಿ ಮಂಗ​ಳವಾರ ತುರ್ತು​ಸ್ಥಿತಿ ಘೋಷ​ಣೆಯ ಹೈಡ್ರಾಮಾ ನಡೆ​ದಿ​ದೆ. ಅಧ್ಯಕ್ಷ ಯೂನ್‌ ಯೆಲ್‌ ಸಂಜೆ ಮಾತ​ನಾ​ಡಿ, ‘ಕಮ್ಯುನಿಸ್ಟ್‌ ಶಕ್ತಿಗಳಿಂದ ದೇಶ​ ರಕ್ಷಿಸಲು ತುರ್ತು ಸಮರ ಕಾನೂನು ಜಾರಿ ಮಾಡ​ಲಾ​ಗು​ತ್ತಿದೆ’ ಎಂದು ಘೋಷಿಸಿ, ‘ವೈರಿ ದೇಶ ಉ. ಕೊರಿಯಾ ಜತೆ ವಿಪ​ಕ್ಷ​ಗಳು ಶಾಮೀ​ಲಾ​ಗಿ​ರುವ ಕಾರಣ ಇದು ಅಗತ್ಯ’ ಎಂದು ಗುಡು​ಗಿ​ ಸಂಸತ್‌ ಬಂದ್‌ ಮಾಡಿ​ಸಿದ್ದ​ರು. ಆದರೆ ಬಳಿಕ, ಸಂಸ​ತ್ತಿಗೆ ಹಾಕಿದ್ದ ಭದ್ರತೆ ಭೇದಿಸಿ ಒಳ​ನು​ಗ್ಗಿದ ಸಂಸ​ದರು 190-0 ಮತ​ದಿಂದ ತುರ್ತು​ಸ್ಥಿತಿ ನಿಲು​ವ​ಳಿ​ಯನ್ನು ಸೋಲಿ​ಸಿ​ದ​ರು.ಏನಿದು ತುರ್ತುಪರಿಸ್ಥಿತಿ?ಮಾರ್ಷಲ್‌ ಲಾ (ಸಮರ ಕಾನೂನು ಅಥವಾ ತುರ್ತು ಸ್ಥಿತಿ) ಪ್ರಕಾರ, ಕೊರಿ​ಯಾ​ದಲ್ಲಿ ಮಂಗ​ಳ​ವಾ​ರ ನಾಗ​ರಿ​ಕರ ಸ್ವಾತಂತ್ರ್ಯದ ಮೇಲೆ, ಎಲ್ಲ ರಾಜ​ಕೀಯ ಚಟು​ವ​ಟಿ​ಕೆ​ಗಳ ಮೇಲೆ ನಿರ್ಬಂಧ ಹೇರಿ ಸಂಸ​ತ್ತನ್ನು ಬಂದ್‌ ಮಾಡ​ಲಾ​ಗಿ​ತ್ತು. ಮಾಧ್ಯಮ ಸ್ವಾತಂತ್ರ್ಯಕ್ಕೆ ಕಡಿ​ವಾಣ ಹಾಕ​ಲಾ​ಗಿ​ತ್ತು. ಎಲ್ಲ ವೈದ್ಯರು, ಸರ್ಕಾರಿ ನೌಕ​ರರು ರಜೆ ಕಡಿ​ತ​ಗೊ​ಳಿಸಿ ಕೆಲಸ ಮಾಡಲು ಸೂಚಿ​ಸ​ಲಾ​ಗಿತ್ತು. ಇದನ್ನು ಉಲ್ಲಂಘಿ​ಸಿ​ದವರಿಗೆ ಕಠಿಣ ಸಜೆ ವಿಧಿ​ಸುವ ಆದೇಶ ಹೊರ​ಡಿ​ಸ​ಲಾ​ಗಿ​ತ್ತು.