ಅರವಿಂದ್ ಲಿಮಿಟೆಡ್ ಅರಸೀಕೆರೆ ಘಟಕಕ್ಕೆ ಪ್ರಶಸ್ತಿ

ಅರಸೀಕೆರೆ: ನಗರದ ಅರವಿಂದ್ ಲಿಮಿಟೆಡ್‌ನ ನಗರ ಘಟಕವು 5ಎಸ್‌ ಸಸ್ಟೆನೆನ್ಸ್ ಲೆವೆಲ್ 1 ಪ್ರಮಾಣೀಕರಣ ಪಡೆದು ಗಮನಾರ್ಹ ಸಾಧನೆ ಮಾಡಿದೆ.ಚೆನ್ನೈನಲ್ಲಿ ನಡೆದ ವಾರ್ಷಿಕ ಮೌಲ್ಯಮಾಪನದಲ್ಲಿ ಘಟಕವು ಒಟ್ಟು 768 ಅಂಕಗಳನ್ನು ಗಳಿಸುವ ಮೂಲಕ ಸಂಸ್ಥೆಯ ಇತರ ಘಟಕಗಳ ಪೈಕಿ ಪ್ರಥಮ ಸ್ಥಾನ ಪಡೆದಿದೆ.ಕಾರ್ಯಸ್ಥಳದ ಸ್ವಚ್ಛತೆ, ಶಿಸ್ತು, ಸುರಕ್ಷತೆ, ಕಾರ್ಯಕ್ಷಮತೆ ಹಾಗೂ ನಿರಂತರ ಸುಧಾರಣೆಯ ಕ್ಷೇತ್ರಗಳಲ್ಲಿ ಘಟಕವು ಕೈಗೊಂಡಿರುವ ಸತತ ಪ್ರಯತ್ನಗಳಿಗೆ ಈ ಮನ್ನಣೆ ದೊರೆತಿದೆ. ಉದ್ಯೋಗಿಗಳ ಸಂಘಟಿತ ಪರಿಶ್ರಮ, ಬದ್ಧತೆ ಮತ್ತು ತಂಡದ ಮನೋಭಾವ ಈ ಸಾಧನೆಗೆ ಪ್ರಮುಖ ಕಾರಣಗಳಾಗಿವೆ. ಕಾರ್ಯಸ್ಥಳದ ಗುಣಮಟ್ಟವನ್ನು ಕಾಪಾಡಿಕೊಳ್ಳುವುದು, ಶಿಸ್ತಿನ ಸಂಸ್ಕೃತಿಯನ್ನು ಬೆಳೆಸುವುದು ಹಾಗೂ ಕಾರ್ಯಾಚರಣೆಯಲ್ಲಿ ನಿರಂತರ ಸುಧಾರಣೆ ತರುವುದು ಈ ಪ್ರಮಾಣೀಕರಣದ ಪ್ರಮುಖ ಉದ್ದೇಶಗಳಾಗಿವೆ.ನಗರ ಘಟಕದ ಸಮಸ್ತ ಉದ್ಯೋಗಿಗಳ ಸಾಮೂಹಿಕ ಪರಿಶ್ರಮಕ್ಕೆ ಸಂದ ಗೌರವ ಇದಾಗಿದ್ದು, ಮುಂದಿನ ದಿನಗಳಲ್ಲಿಯೂ ಇದೇ ಗುಣಮಟ್ಟವನ್ನು ಕಾಪಾಡಿಕೊಂಡು ಕಾರ್ಯಕ್ಷಮತೆ ಮತ್ತು ಉತ್ಪಾದಕತೆಯಲ್ಲಿ ಮತ್ತಷ್ಟು ಉನ್ನತ ಸಾಧನೆ ಮಾಡುವ ಗುರಿಯನ್ನು ಘಟಕ ಹೊಂದಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.