ಸರ್ಕಾರಿ ಆಸ್ಪತ್ರೆ ವಾಟ್ಸಾಪಲ್ಲೇ ದೂರು - ಇಲ್ಲಿರೋ ಸಂಖ್ಯೆಗೆ ಅಹವಾಲು ಸಲ್ಲಿಸಿ

 ಬೆಂಗಳೂರು : ಸಾರ್ವಜನಿಕರು ಸರ್ಕಾರಿ ಆಸ್ಪತ್ರೆಗಳು ಅಥವಾ ಆರೋಗ್ಯ ಸೇವೆಗಳ ಕುರಿತು ದೂರು ಅಥವಾ ಸಲಹೆ ನೀಡಲು ವಾಟ್ಸಾಪ್‌ ಸಹಾಯವಾಣಿ ಸೇವೆಯನ್ನು ಆರೋಗ್ಯ ಇಲಾಖೆ ಪ್ರಾರಂಭಿಸಿದೆ.

ರಾಜ್ಯಾದ್ಯಂತ ಯಾವುದೇ ಸರ್ಕಾರಿ ಆಸ್ಪತ್ರೆ ಅಥವಾ ಆರೋಗ್ಯ ಸೇವೆ ಕುರಿತು ದೂರು ಇದ್ದರೆ ದೂರವಾಣಿ ಸಂಖ್ಯೆ 94498 43001 ಗೆ ವಾಟ್ಸಾಪ್‌ ಸಂದೇಶ ಕಳುಹಿಸಬಹುದು. ಅಗತ್ಯವಿದ್ದರೆ ಫೋಟೊ, ವಿಡಿಯೋ ಕೂಡ ಕಳುಹಿಸಬಹುದು.

ಈ ದೂರುಗಳನ್ನು ಪ್ರಧಾನ ಕಾರ್ಯದರ್ಶಿ ಹರ್ಷಗುಪ್ತಾ ಅವರೇ ನೇರವಾಗಿ ಪರಿಶೀಲಿಸಿ ಕ್ರಮ ಕೈಗೊಳ್ಳುತ್ತಾರೆ ಎಂದು ಆರೋಗ್ಯ ಇಲಾಖೆ ತಿಳಿಸಿದೆ. ದೂರು ಸಲ್ಲಿಸುವ ಮಾಹಿತಿದಾರರ ವಿವರಗಳನ್ನು ಗೌಪ್ಯವಾಗಿಡಲಾಗುತ್ತದೆ. ಕೇವಲ ಸಂದೇಶಗಳನ್ನು ಮಾತ್ರ ಸ್ವೀಕರಿಸಲಾಗುತ್ತದೆ. ದೂರವಾಣಿ ಕರೆಗಳಿಗೆ ಉತ್ತರಿಸುವುದಿಲ್ಲ ಎಂದು ಸ್ಪಷ್ಟಪಡಿಸಲಾಗಿದೆ.