ಬೀರೂರು ಪುರಸಭೆ ಬಜೆಟ್: 33.58 ಕೋಟಿ ಆದಾಯ ನಿರೀಕ್ಷೆ

ಕನ್ನಡಪ್ರಭ ವಾರ್ತೆ, ಬೀರೂರು

ಪಟ್ಟಣದ ರಸ್ತೆ, ಚರಂಡಿ ಮೂಲಭೂತ ಸವಲತ್ತುಗಳು ಹಾಗೂ ಘನ ತಾಜ್ಯ ನಿರ್ವಹಣೆ ವಿಭಾಗಗಳು, ಪೈಪ್‌ಲೈನ್ ಅಳವಡಿಕೆ ಸೇರಿದಂತೆ ಮುಂತಾದ ಪ್ರಮುಖ ಅಂಶಗಳ ಒಳಗೊಂಡ 32.67 ಲಕ್ಷ ರು.ಗಳ ಉಳಿತಾಯದ ಬಜೆಟ್‌ನ್ನು ಪುರಸಭಾ ಆಡಳಿತಾಧಿಕಾರಿ ತರೀಕೆರೆ ಎಸಿ ಕಾಂತರಾಜ್ ಮಂಡಿಸಿದ್ದಾರೆ.

ಪುರಸಭಾ ಕಚೇರಿಯಲ್ಲಿ 2024-25ನೇ ಸಾಲಿನ ಆಯವ್ಯಯದ ಬಜೆಟ್ ಮಂಡಿಸಿ ಈ ಸಾಲಿನ ಪುರಸಭೆ ಆಯ-ವ್ಯಯದ ಬಾಬ್ತಿನಲ್ಲಿ 33.58 ಕೋಟಿ ಆದಾಯ ಮತ್ತು 33.25 ಕೋಟಿ ವೆಚ್ಚದ ನಿರೀಕ್ಷೆ ಹೊಂದಲಾಗಿದೆ.

ಪುರಸಭೆ ಪ್ರಮುಖ ಆದಾಯಗಳಾದ ಆಸ್ತಿ ತೆರಿಗೆ1.55 ಕೋಟಿ, ಆಸ್ತಿ ಮೇಲಿನ ತೆರಿಗೆ ದಂಡ 24 ಲಕ್ಷ, ಖಾತೆ ಬದಲಾವಣೆ ಮತ್ತಿತರ ಶುಲ್ಕ 3.50 ಲಕ್ಷ, ಮಳಿಗೆ ಬಾಡಿಗೆ 32 ಲಕ್ಷ, ಕಟ್ಟಡ ಪರವಾನಗಿ, ಸುದಾರಣೆ ಶುಲ್ಕ 31 ಲಕ್ಷ, ವ್ಯಾಪಾರ ಪರವಾನಗಿ ಮತ್ತಿತರೆ ಶುಲ್ಕ ಮತ್ತು ದಂಡ 9 ಲಕ್ಷ, ಘನತ್ಯಾಜ್ಯ ನಿರ್ವಹಣಾ ಶುಲ್ಕಗಳು 15 ಲಕ್ಷ, ನೀರಿನ ಶುಲ್ಕ ಮತ್ತು ದಂಡ 65ಲಕ್ಷ, ಒಳಚರಮಡಿ ಸಂಪರ್ಕ ಶುಲ್ಕ 3.5 ಲಕ್ಷ, ನೆಲಬಾಡಿಗೆ , ಮಾರುಕಟ್ಟೆ ಶುಲ್ಕ 8.5ಲಕ್ಷ, ಬ್ಯಾಂಕ್ ಖಾತೆಗಳಿಂದ ಬಡ್ಡಿ 13ಲಕ್ಷ, ಸ್ಟಾಂಪ್ ಶುಲ್ಕ 3ಲಕ್ಷ, ಇತರೆ ಬಾಡಿಗೆ ಜಾಹಿರಾತು ಮತ್ತಿತರಗಳಿಂದ 12ಲಕ್ಷದ 25 ಸಾವಿರ ಬರಲಿದೆ ಎಂದರು.

ಕೇಂದ್ರ -ರಾಜ್ಯ ಸರ್ಕಾರದ ಅನುದಾನ:

10.46 ಕೋಟಿಯಡಿ ಅಭಿವೃದ್ಧಿ ಕಾರ್ಯ ಕೈಗೆತ್ತಿಕೊಳ್ಳಲಾಗುತ್ತದೆ. ಕುಡಿಯುವ ನೀರು ಮತ್ತು ಘನತಾಜ್ಯ ವಸ್ತು ನಿರ್ವಹಣೆಗೆ ಅಗತ್ಯ ಕ್ರಮವಹಿಸಲು 3 ಕೋಟಿ ಹಾಗೂ ರಸ್ತೆ-ಚರಂಡಿ ನಿರ್ವಹಣೆಗೆ ನಗರೋತ್ಥಾನ ಹಂತ 4ರಲ್ಲಿ 8.5ಕೋಟಿ ಅನುದಾನ ಮೀಸಲಿಡಲಾಗಿದೆ ಎಂದು ತಿಳಿಸಿದ್ದಾರೆ.

ಬರಪರಿಸ್ಥಿತಿ ಅವಲೋಕಿಸಿ ಅನುದಾನಗಳ ಲಭ್ಯತೆ ಅನುಗುಣವಾಗಿ 2024-25ನೇ ಸಾಲಿನ ಬಜೆಟ್ ಮಂಡನೆ ಮಾಡಲಾಗಿದೆ. ಪಟ್ಟಣದ ಸರ್ವಾಂಗೀಣ ಅಭಿವೃದ್ಧಿಯ ದೃಷ್ಟಿಕೋನ ಇರುವ ಬಜೆಟ್ ಆಗಿದ್ದು, ಮುಖ್ಯವಾಗಿ ಪಟ್ಟಣದ ವಾಡ್‌ರ್ಳಗಳಲ್ಲಿ ಕುಡಿಯುವ ನೀರಿನ ಸರಬರಾಜಿನಲ್ಲಿ ಯಾವುದೇ ತೊಂದರೆಯಾಗದಂತೆ ಅಧಿಕಾರಿಗಳು ಅಗತ್ಯ ಕ್ರಮ ವಹಿಸುವಂತೆ ಸೂಚನೆ ನೀಡಲಾಗಿದೆ. - ಕೆ.ಜೆ.ಕಾಂತರಾಜ್,

ಪುರಸಭಾ ಆಡಳಿತಾಧಿಕಾರಿ ಬೀರೂರು.ಪಟ್ಟಣದಲ್ಲಿನ ಜನಸಂಖ್ಯೆ ಅನುಗುಣವಾಗಿ ಪುರಸಭೆ ಆದಾಯದ ಮೂಲಗಳಿಂದ ಕ್ರೂಢಿಕರಿಸಿಕೊಂಡು ಆಡಳಿತಾಧಿಕಾರಿ ಉತ್ತಮ ಬಜೆಟ್ ಮಂಡಿಸಿದ್ದಾರೆ. ಪಟ್ಟಣದ ನಾಗರೀಕರ ಮೂಲಸೌಲಭ್ಯಕಲ್ಪಿಸಲು ಹೆಚ್ಚು ಒತ್ತು ನೀಡಲಾಗುತ್ತಿದೆ. ಸಕಾಲದಲ್ಲಿ ನಾಗರಿಕರು ತೆರಿಗೆ ಪಾವತಿಸುವ ಮೂಲಕ ಪುರಸಭೆ ಅಭಿವೃದ್ಧಿಗೆ ಸಹಕರಿಸಬೇಕಿದೆ.

- ವಿ.ಡಿ.ಶಾಂತಲಾ,

ಮುಖ್ಯಾಧಿಕಾರಿ ಪುರಸಭೆ ಬೀರೂರು.ಜಮಾ :

• ಬಜೆಟ್ ಅಯವ್ಯಯದ ಪ್ರಾರಂಭಿಕ ಶುಲ್ಕ 11.89 ಕೋಟಿ

• ರಾಜಸ್ವ ಸ್ವೀಕೃತಿ 9.18 ಕೋಟಿ

• ಬಂಡಾವಳ ಸ್ವೀಕೃತಿ 16.04 ಕೋಟಿ

• ವಿಶೇಷ ವಸುಲಾತಿ 8.36 ಕೋಟಿ

• .ಒಟ್ಟು ಜಮೆಗಳು 33.58ಕೋಟಿ

ಖರ್ಚು :

• ರಾಜಸ್ವ ವೆಚ್ಚ 9.02 ಕೋಟಿ

• ಬಂಡಾವಳ ವೆಚ್ಚ 15.87 ಕೋಟಿ

• ವಿಶೇಷ ವೆಚ್ಚಗಳು 8.36 ಕೋಟಿ

• ಒಟ್ಟು ವೆಚ್ಚ 33.25 ಲಕ್ಷ

ಅಂತಿಮ ಉಳಿತಾಯ:32ಲಕ್ಷದ 67ಸಾವಿರ

12 ಬೀರೂರು 1

ಬೀರೂರು ಪಟ್ಟಣದ ಪುರಸಭೆಯ ಕಚೇರಿ

12 ಬೀರೂರು 2

ಕೆ.ಜೆ.ಕಾಂತರಾಜ್ ಪುರಸಭಾ ಆಡಳಿತಾಧಿಕಾರಿ ಬೀರೂರು.

12 ಬೀರೂರು 3

ವಿ.ಡಿ.ಶಾಂತಲ, ಪುರಸಭಾ ಮುಖ್ಯಾಧಿಕಾರಿ ಬೀರೂರು.