ದಾಹ ನೀಗಿಸಿಕೊಳ್ಳಲು ಕೃಷ್ಣಮೃಗಗಳ ಪರದಾಟ!
ಸಾರಾಂಶ
ಧಾರವಾಡ ಜಿಲ್ಲೆಯಲ್ಲಿ ಮಳೆ ಕೈಕೊಟ್ಟು ಬರದ ಛಾಯೆ ಆವರಿಸಿರುವುದು ಮನುಷ್ಯರ ಬದುಕಿನ ಮೇಲಷ್ಟೇ ಅಲ್ಲ, ವನ್ಯಜೀವಿಗಳ ಮೇಲೂ ಪರಿಣಾಮ ಬೀರಿದೆ. ಕಾಡಲ್ಲಿನ ಕೆರೆ-ಕಟ್ಟೆಗಳು ನೀರಿಲ್ಲದೆ ಬಾಯ್ತೆರೆದಿದ್ದು ನೀರು-ಆಹಾರಕ್ಕಾಗಿ ಪ್ರಾಣಿಗಳು ಪರದಾಡುತ್ತಿವೆ.
ಈರಪ್ಪ ನಾಯ್ಕರ್
ಧಾರವಾಡ ಜಿಲ್ಲೆಯಲ್ಲಿ ಮಳೆ ಕೈಕೊಟ್ಟು ಬರದ ಛಾಯೆ ಆವರಿಸಿರುವುದು ಮನುಷ್ಯರ ಬದುಕಿನ ಮೇಲಷ್ಟೇ ಅಲ್ಲ, ವನ್ಯಜೀವಿಗಳ ಮೇಲೂ ಪರಿಣಾಮ ಬೀರಿದೆ. ಕಾಡಲ್ಲಿನ ಕೆರೆ-ಕಟ್ಟೆಗಳು ನೀರಿಲ್ಲದೆ ಬಾಯ್ತೆರೆದಿದ್ದು ನೀರು-ಆಹಾರಕ್ಕಾಗಿ ಪ್ರಾಣಿಗಳು ಪರದಾಡುತ್ತಿವೆ.
ಬಯಲುಸೀಮೆಯ ಕಪ್ಪು ಮಣ್ಣಿನ ಹೊಲಗಳ ನಡುವೆ ಬನ್ನಿ, ಬೇವು ಹಾಗೂ ಜಾಲಿ ಗಿಡ-ಗಂಟಿಗಳೇ ಹಸಿರಿನ ಗುರುತುಗಳಾಗಿ ಉಳಿದಿವೆ. ಕೃಷಿ ಚಟುವಟಿಕೆ ಬಹುತೇಕ ಸ್ಥಗಿತಗೊಂಡಿದ್ದು, ಜಮೀನುಗಳಲ್ಲಿ ಬಿತ್ತನೆಯೂ ಆಗದೆ ಇರುವುದರಿಂದ ಕೃಷ್ಣಮೃಗಗಳಿಗೆ ಆಹಾರದ ಕೊರತೆ ಎದುರಾಗಿದೆ.ಜಾಲಿಮುಳ್ಳೇ ಆಹಾರ:
ಸದಾ ಓಡಾಡುತ್ತಿದ್ದ ಕೃಷ್ಣಮೃಗಗಳ ಹಿಂಡುಗಳು ವಾರದಿಂದ ಈ ಭಾಗದಲ್ಲಿ ಕಾಣಿಸುತ್ತಿಲ್ಲ. ಆದರೆ, ಅವುಗಳ ಹೆಜ್ಜೆ ಗುರುತುಗಳು ಮಾತ್ರ ಕಂಡುಬರುತ್ತಿವೆ ಎಂದು ಗುಡೇನಕಟ್ಟಿ ಗ್ರಾಮಸ್ಥರು "ಕನ್ನಡಪ್ರಭ "ಕ್ಕೆ ತಿಳಿಸಿದರು.
ಹಿಂದೆ ಕೃಷ್ಣಮೃಗಗಳು ನೂರಾರು ಸಂಖ್ಯೆಯಲ್ಲಿ ಜಮೀನುಗಳಿಗೆ ನುಗ್ಗಿ ಬೆಳೆ ತುಳಿದು, ಕೊಂಬಿನಿಂದ ತಿವಿದು ಹಾನಿ ಮಾಡುತ್ತಿದ್ದವು. ಇದರಿಂದ ನಷ್ಟ ಅನುಭವಿಸಿದ ರೈತರು ಅವುಗಳನ್ನು ಹಿಡಿದು ಬೇರೆಡೆಗೆ ಸ್ಥಳಾಂತರಿಸುವಂತೆ ಅರಣ್ಯ ಇಲಾಖೆಗೆ ಮನವಿ ಮಾಡಿದ್ದರು. ಇದೀಗ ಬರದ ತೀವ್ರತೆಯಿಂದ ಪರಿಸ್ಥಿತಿ ಬದಲಾಗಿದ್ದು, ಕೃಷ್ಣಮೃಗಗಳಿಗೆ ನೀರು-ಆಹಾರ ಒದಗಿಸಿ, ಬೇಟೆಗಾರರಿಂದ ರಕ್ಷಿಸುವಂತೆ ರೈತರು ಅರಣ್ಯ ಇಲಾಖೆಗೆ ಮನವಿ ಮಾಡುತ್ತಿದ್ದಾರೆ.
ಬರ ಮುಂದುವರಿದರೆ ನೀರು ಮತ್ತು ಆಹಾರ ಅರಸಿ ಕೃಷ್ಣಮೃಗಗಳು ನಾಡಿನತ್ತ ಬರುವ ಸಾಧ್ಯತೆ ಇರುವುದರಿಂದ ಮಾನವ-ವನ್ಯಜೀವಿ ಸಂಘರ್ಷ ತಡೆಗೆ ಮುಂಜಾಗ್ರತಾ ಕ್ರಮಕೈಗೊಳ್ಳುವುದು ಅಗತ್ಯವಾಗಿದೆ.ಆಹಾರ, ನೀರಿನ ಕೊರತೆ:
ರಾಮಲಿಂಗಪ್ಪ ಉಪ್ಪಾರ, ವಲಯ ಅರಣ್ಯಾಧಿಕಾರಿ