ಅಡುಗೆ ಅನಿಲ ಅಭಾವ: ಬಿಸಿಯೂಟಕ್ಕೆ ಬರೆ
ಸಾರಾಂಶ
ಚಿಕ್ಕಮಗಳೂರುಕಾಫಿ ನಾಡು ಚಿಕ್ಕಮಗಳೂರು ಜಿಲ್ಲಾದ್ಯಂತ ವಾಣಿಜ್ಯ ಅಡುಗೆ ಅನಿಲ ಸಿಲಿಂಡರ್‌ ಪೂರೈಕೆ ಸಮಸ್ಯೆಯಿಂದ ಹೋಟೆಲ್‌ಗಳಲ್ಲಿ ದೋಸೆ, ಪಕೋಡಾ, ಬನ್ಸ್‌, ಪೂರಿ ಸೇರಿದಂತೆ ಮೊದಲಾದ ತಿನ್ನಿಸುಗಳಿಗೆ ಬ್ರೇಕ್‌ ಹಾಕಬೇಕಾದ ಸ್ಥಿತಿ ಎದುರಾಗಿದೆ. ಜತೆಗೆ, ಗ್ಯಾಸ್‌ ಸಿಲಿಂಡರ್‌ಗೆ ಪರ್ಯಾಯವಾಗಿ ಸೌದೆ ಒಲೆ ಬಳಕೆಗೆ ಮುಂದಾಗಿದ್ದಾರೆ.
ವಿಶ್ವನಾಥ ಮಲೇಬೆನ್ನೂರು
ಕಾಫಿ ನಾಡು ಚಿಕ್ಕಮಗಳೂರು ಜಿಲ್ಲಾದ್ಯಂತ ವಾಣಿಜ್ಯ ಅಡುಗೆ ಅನಿಲ ಸಿಲಿಂಡರ್‌ ಪೂರೈಕೆ ಸಮಸ್ಯೆಯಿಂದ ಹೋಟೆಲ್‌ಗಳಲ್ಲಿ ದೋಸೆ, ಪಕೋಡಾ, ಬನ್ಸ್‌, ಪೂರಿ ಸೇರಿದಂತೆ ಮೊದಲಾದ ತಿನ್ನಿಸುಗಳಿಗೆ ಬ್ರೇಕ್‌ ಹಾಕಬೇಕಾದ ಸ್ಥಿತಿ ಎದುರಾಗಿದೆ. ಜತೆಗೆ, ಗ್ಯಾಸ್‌ ಸಿಲಿಂಡರ್‌ಗೆ ಪರ್ಯಾಯವಾಗಿ ಸೌದೆ ಒಲೆ ಬಳಕೆಗೆ ಮುಂದಾಗಿದ್ದಾರೆ.
ಇರಾನ್‌- ಇಸ್ರೇಲ್‌ ಸೇರಿದಂತೆ ಮಧ್ಯಪ್ರಾಚ್ಯದ ರಾಷ್ಟ್ರದಲ್ಲಿ ಯುದ್ಧದ ಸನ್ನಿವೇಶದಿಂದ ವಾಣಿಜ್ಯ ಅಡಿಗೆ ಅನಿಲದ ಸಿಲಿಂಡರ್‌ ಪೂರೈಕೆಯನ್ನು ವ್ಯತ್ಯಯವಾಗಿದೆ. ಇದರಿಂದ ಹೋಟೆಲ್‌ಗಳಿಗೆ ಪೂರೈಕೆ ಆಗುತ್ತಿದ್ದ ವಾಣಿಜ್ಯ ಬಳಕೆ ಸಿಲಿಂಡ್‌ ಸಂಪೂರ್ಣವಾಗಿ ನಿಲ್ಲಿಸಲಾಗಿದೆ.ಇದರ ಪರಿಣಾಮವಾಗಿ ಚಿಕ್ಕಮಗಳೂರಿನ ಪ್ರಮುಖ ಹೋಟೆಲ್‌ಗಳಲ್ಲಿ ಈಗಾಗಲೇ ಪಕೋಡಾ, ಬನ್ಸ್‌, ಪೂರಿ, ದೋಸೆ ಸೇರಿದಂತೆ ಮೊದಲಾದ ತಿನ್ನಿಸುಗಳನ್ನು ನಿಲ್ಲಿಸಲಾಗಿದೆ. ಮತ್ತೆ ಕೆಲವು ಹೋಟೆಲ್‌ಗಳಲ್ಲಿ ಇಡೀ ದಿನ ಪೂರೈಕೆ ಮಾಡುತ್ತಿದ್ದ ದೋಸೆ ಅಂತಹ ತಿನ್ನಿಸುಗಳನ್ನು ಬೆಳಗ್ಗೆ 9 ರಿಂದ 11 ಹಾಗೂ ಸಂಜೆ 4 ರಿಂದ 8 ಅವಧಿಗೆ ಸೀಮಿತಗೊಳಿಸಲಾಗಿದೆ.
ಸಮಯ ಸಹ ಕಡಿತ
ಬಿಸಿಯೂಟಕ್ಕೂ ಬರೆ
...
ಗೃಹ ಬಳಕೆ ಸಿಲಿಂಡರ್‌ಗೂ ಒಟಿಪಿ ಕಡ್ಡಾಯ
ಸಮಸ್ಯೆ ಹೆಚ್ಚಾದರೆ ಮಕ್ಕಳಿಗೆ ಬಾಕ್ಸ್‌ ತರಲು ಸೂಚನೆ
- ರುದ್ರಪ್ಪ, ಬಿಇಒ, ಚಿಕ್ಕಮಗಳೂರು ತಾಲೂಕುಕೋಟ್‌
ವಾಣಿಜ್ಯ ಸಿಲಿಂಡರ್‌ ಈಗಿನ ಸಮಸ್ಯೆ ಬಗ್ಗೆ ಯಾವುದೇ ಸರ್ಕಾರವನ್ನು ದೂರುವಂತಿಲ್ಲ. ಹೀಗಾಗಿ, ಈ ತುರ್ತು ಪರಿಸ್ಥಿತಿಯಲ್ಲಿ ಸಾಧ್ಯವಾದಷ್ಟು ಗ್ರಾಹಕರಿಗೆ ಸೇವೆ ನೀಡುವುದಕ್ಕೆ ಬೇಕಾದ ವ್ಯವಸ್ಥೆ ಮಾಡಿಕೊಳ್ಳುತ್ತಿದ್ದೇವೆ.- ಗಿರೀಶ್‌ ಭಟ್‌, ಮಾಲೀಕ, ಮೂಯೂರ ಹೋಟೆಲ್, ಚಿಕ್ಕಮಗಳೂರುಫೋಟೋ ಗ್ಯಾಸ್‌ ಸಿಲಿಂಡರ್‌ ಲಾರಿ ಅಥವಾ ಸಿಲಿಂಡರ್‌ ಪೂರೈಕೆ ಗೆ ಸಂಬಂಧಿಸಿದ ಫೋಟೋ ಬಳಸುವುದು)
--- ಬಾಕ್ಸ್‌--ಜಿಲ್ಲಾಧಿಕಾರಿಗೆ ಹೋಟೆಲ್ ಮಾಲೀಕರ ಮನವಿ (ಫೋಟೋ ಇದೆ ಇದರೊಂದಿಗೆ ಬಳಸಿ)
ಹಲವು ದಿನಗಳಿಂದ ನಗರದ ಹೋಟೆಲ್‌ಗಳಿಗೆ ಅಡುಗೆ ಅನಿಲದ ವಾಣಿಜ್ಯ ಸಿಲಿಂಡರ್‌ ಸರಬರಾಜು ಸಮಸ್ಯೆ ಆಗುತ್ತಿದೆ. ವಿತರಕರು ಸರಿಯಾಗಿ ಸರಬರಾಜು ಮಾಡುತ್ತಿಲ್ಲ. ಇದರಿಂದ ಮಾಲೀಕರಿಗೆ ತೊಂದರೆ ಆಗುತ್ತಿದೆ. ಜತೆಗೆ ಹೋಟೆಲ್ ನಂಬಿ ಕೊಂಡ ಗ್ರಾಹಕರಿಗೆ ತೊಂದರೆ ಉಂಟಾಗಿದೆ. ಹೀಗಾಗಿ, ಸಿಲಿಂಡರ್‌ ಪೂರೈಕೆ ಸರಿಪಡಿಸುವಂತೆ ಜಿಲ್ಲಾಧಿಕಾರಿಗಳಿಗೆ ಚಿಕ್ಕಮಗಳೂರು ನಗರದ ಹೋಟೆಲ್ ಮಾಲೀಕರ ಸಂಘದ ಪದಾಧಿಕಾರಿಗಳು ಬುಧವಾರ ಮನವಿ ಸಲ್ಲಿಸಿದ್ದಾರೆ. ಈ ವೇಳೆ ಹೋಟೆಲ್ ಮಾಲೀಕರ ಸಂಘದ ಗೌರವಾಧ್ಯಕ್ಷ ಬಿ.ಸಿ.ರಾವ್, ಹೋಟೆಲ್ ಮಾಲೀಕರಾದ ಬಾಲಕೃಷ್ಣರಾವ್‌, ಕೆ.ಎನ್.ರಾಜಣ್ಣ, ಸುರೇ ಶ್, ನಟರಾಜ್, ಚಂದ್ರಶೇಖರ್ ಇದ್ದರು.