ಕಾಮಗಾರಿ ಮಾಡದೆ ಅಕ್ರಮವಾಗಿ ಹಣ ತೆಗೆದವರ ವಿರುದ್ಧ ಕ್ರಮಕ್ಕೆ ಆಗ್ರಹ

ಕನ್ನಡಪ್ರಭ ವಾರ್ತೆ ಬೆಳಗಾವಿ

ರಾಯಭಾಗ ಗ್ರಾಮೀಣ ಪಂಚಾಯತಿಯಲ್ಲಿ ಉದ್ಯೋಗ ಖಾತ್ರಿ ಯೋಜನೆಯಡಿಲ್ಲಿ ಅಕ್ರಮವಾಗಿ ಹಣ ತೆಗೆಯಲಾಗಿದೆ. 11/06/2024 ರಂದು ಫೋಟೋ ಮೇಲೆ ಫೋಟೋ ಹಾಕಿ ಕಾಮಗಾರಿಗಳ ಮಾಡಲಾಗಿದೆ. 08/06/2024 ರಂದು ಸಂತೂಬಾಯಿ ದೇವಸ್ಥಾನದ ಹತ್ತಿರ ಕಾಮಗಾರಿ ಮಾಡದೇ ಕೂಲಿಗಳನ್ನು ನಿಲ್ಲಿಸಿ ಫೋಟೋ ಹೊಡೆದು ಅಪಲೋಡ್‌ ಮಾಡಿ ಹಣ ತೆಗೆಯಲಾಗಿದೆ. ಅದೇ ರೀತಿ ಸಂತೂಬಾಯಿ ದೇವಸ್ಥಾನದ ಹತ್ತಿರ 11/06/2024 ರಂದು ಮಹಿಳಾ ಕೂಲಿಗಳನ್ನು ನಿಲ್ಲಿಸಿ ಫೋಟೋ ಹೊಡೆದು ಅಪಲೋಡ್‌ ಮಾಡಿ ಹಣ ತೆಗೆಯಲಾಗಿದೆ. ಅದೇ ರೀತಿ ಬೈರಯೊಡಿಯಲ್ಲಿ ಗುರುಲಿಂಗ ಪೂಜೇರಿಯವರ ಮನೆ ಮುಂದೆ ಕಾಮಗಾರಿ ಮಾಡದೇ ಕಾಮಗಾರಿ ಆಗಿದೆ ಎಂದು 26-05- 2024 ರಂದು ಹಣ ತೆಗೆಯಲಾಗಿದೆ. 11/06/2024 ರಂದು ಆನೆಬಾಯಿ ಖೋಡಿ ಹತ್ತಿರ ಗಣಪತಿ ಹವಾಲ್ದಾರ ಮನೆಯ ಮುಂದೆ ಸುಮ್ಮನೆ ನಿಂತು ಫೋಟೋ ಹಾಕಿ ಹಣ ತೆಗೆದಿದ್ದಾರೆ. ಆದ್ದರಿಂದ ದಾಖಲಾತಿಗಳನ್ನು ಗಮನಿಸಿ ಪಂಚಾಯತಿ ಅಭಿವೃದ್ಧಿ ಅಧಿಕಾರಿ ಹಾಗೂ ಅಧ್ಯಕ್ಷರ ಮೇಲೆ ಕ್ರಮ ತೆಗೆದುಕೊಳ್ಳಬೇಕು ಎಂದು ಆಗ್ರಹಿಸಿದರು.