ಕಂಡಲಕ್ಕನಕಟ್ಟೆಯಿಂದ ಕೆರೆಗಳಿಗೆ ನೀರು ಬಿಡಲು ಒತ್ತಾಯ

ಕನ್ನಡಪ್ರಭ ವಾರ್ತೆ ರಾಮನಾಥಪುರ

ರಾಮನಾಥಪುರ ಹೋಬಳಿಯ ಮಲ್ಲಾಪುರ, ಹರಳಹಳ್ಳಿ, ಸೋಂಪುರ, ಕೆರಗೋಡು, ಲಕ್ಕೂರು, ರಾಗಿಮರೂರು ಇನ್ನೂ ಹಲವಾರು ಗ್ರಾಮಗಳ ಕೆರೆಗಳಿಗೆ ಕರಡಿಲಕ್ಕನ ಕಟ್ಟೆಯಿಂದ ನೀರು ಹರಿಸಿದರೆ ಈ ಭಾಗದ ಜನ ಜಾನುವಾರುಗಳಿಗೆ ಅನುಕೂಲವಾಗಲಿದೆ ಎಂದು ಇಲ್ಲಿಯ ನಿವಾಸಗಳು ಒತ್ತಾಯಿಸಿದ್ದಾರೆ. ಹಾಸನ ಜಿಲ್ಲೆ ಮತ್ತು ಮೈಸೂರು ಜಿಲ್ಲೆ ಹೊಂದಿಕೊಂಡತೆ ಇರುವ ಅರಕಲಗೂಡು ತಾಲ್ಲೂಕು ಹಾಗೂ ಪಿರಿಯಪಟ್ಟಣ ತಾಲ್ಲೂಕಿನ ಈ ಭಾಗದ ರೈತರಿಗೆ ಅನುಕೂಲ ಮಾಡಲು ಈ ಹಿಂದಿನ ಮುಖ್ಯ ಮಂತ್ರಿ ಶ್ರೀ ರಾಮಕೃಷ್ಣ ಹೆಗ್ಗಡೆಯವರ ಅವಧಿಯಲ್ಲಿ ಶಂಕುಸ್ಥಾಪನೆಯಾಗಿ ಕಾಮಗಾರಿ ಪ್ರಾರಂಭವಾಗಿ ನಂತರದ ಮುಖ್ಯಮಂತ್ರಿ ಎಸ್.ಎಂ. ಕೃಷ್ಣ ಅವರ ಅವಧಿಯಲ್ಲಿ ಕಾಮಗಾರಿ ಮುಗಿದು ಪ್ರತಿವರ್ಷವೂ ನೀರು ಬಿಡಲಾಗಿತ್ತು.