ವೃತ್ತಿಯಲ್ಲಿ ತೃಪ್ತಿ ಕಂಡು ಶಿವನೊಲುಮೆಗೆ ಪಾತ್ರವಾಗಿದ್ದ ಗುಂಡಯ್ಯ
ಸಾರಾಂಶ
ಮುರುಘರಾಜೇಂದ್ರ ಮಹಾಸ್ವಾಮಿಗಳವರ ಲೀಲಾವಿಶ್ರಾಂತಿ ಸನ್ನಿಧಾನದಲ್ಲಿ ಮಂಗಳವಾರ ಆಯೋಜಿಸಿದ್ದ ಕುಂಬಾರ ಗುಂಡಯ್ಯ ಹಾಗೂ ಗಾಣದ/ಗಾಳದ ಕಣ್ಣಪ್ಪ ಜಯಂತ್ಯುತ್ಸವದಲ್ಲಿ ಭಾವಚಿತ್ರಕ್ಕೆ ಪುಷ್ಪನಮನ ಸಲ್ಲಿಸಲಾಯಿತು.
ಕನ್ನಡಪ್ರಭ ವಾರ್ತೆ ಚಿತ್ರದುರ್ಗ
ಜಗದ್ಗುರು ಶ್ರೀ ಮುರುಘರಾಜೇಂದ್ರ ಬೃಹನ್ಮಠದ ಮೂಲಕರ್ತೃ ಮುರಿಗೆಯ ಶಾಂತವೀರ ಮುರುಘರಾಜೇಂದ್ರ ಮಹಾಸ್ವಾಮಿಗಳವರ ಲೀಲಾವಿಶ್ರಾಂತಿ ಸನ್ನಿಧಾನದಲ್ಲಿ ಮಂಗಳವಾರ ಆಯೋಜಿಸಿದ್ದ ಕುಂಬಾರ ಗುಂಡಯ್ಯ ಹಾಗೂ ಗಾಣದ/ಗಾಳದ ಕಣ್ಣಪ್ಪ ಜಯಂತ್ಯುತ್ಸವದಲ್ಲಿ ಉಪನ್ಯಾಸ ನೀಡಿದ ಅವರು, ಕಾಯಕವಿಲ್ಲದ ಲಿಂಗಪೂಜೆ ಲೇಸಲ್ಲ ಎನ್ನುವ ತತ್ವದ ಶಿವಶರಣರು 12 ನೇ ಶತಮಾನದಲ್ಲಿ ಬಸವಣ್ಣನವರ ನೇತೃತ್ವದಲ್ಲಿ ದೊಡ್ಡ ಕ್ರಾಂತಿಯನ್ನೇ ಮಾಡಿದರು ಎಂದರು.
ಮನುಷ್ಯರು ಸೇರಿದಂತೆ ಸಕಲ ಜೀವರಾಶಿಗೂ ಲೇಸನ್ನೇ ಬಯಸಿದ ಕಲ್ಯಾಣದ ಅನುಭವ ಮಂಟಪದಲ್ಲಿದ್ದ ಅಸಂಖ್ಯಾತ ಶಿವಶರಣರಲ್ಲಿ ಕುಂಬಾರ ಗುಂಡಯ್ಯನವರೂ ಒಬ್ಬರು. ಹದವಾಗಿ ಮಣ್ಣನ್ನು ತುಳಿಯುತ್ತ ಶಿವಗಣಂಗಳಿಗೆ ಮಣ್ಣಿನ ಪರಿಕರ ಮಾಡಿಕೊಡುತ್ತಿದ್ದರು. ಕಾಯಕದಲ್ಲಿ ಕರ್ಮಯೋಗಿಯಾಗಿ, ಪಾರಮಾರ್ಥದಲ್ಲಿ ತೇಜೋಮೂರ್ತಿಯಾಗಿ, ಶಿವಶರಣರಲ್ಲಿ ಶರಣರಾಗಿ ಇತಿಹಾಸದ ಮಹಾವ್ಯಕ್ತಿಯಾಗಿ ತನ್ನ ಧರ್ಮಪತ್ನಿ ಮಹಾಶಿವಶರಣೆ ಕೇತಲದೇವಿಯೊಂದಿಗೆ ಸಂಸಾರಿಕ ಭವಸಾಗರವನ್ನು ದಾಟಿದವರಾಗಿದ್ದರು ಎಂದರು.ಶಿವಶರಣರಾದ ಗಾಣದ/ಗಾಳದ ಕಣ್ಣಪ್ಪ ಕುರಿತು ವಿಷಯಾವಲೋಕನ ಮಾಡಿದ ಎಸ್ ಜೆಎಂ ಕಲಾ ಮತ್ತು ವಾಣಿಜ್ಯ ಮಹಾವಿದ್ಯಾಲಯದ ಕನ್ನಡ ಉಪನ್ಯಾಸಕಿ ಡಾ.ಪುಷ್ಪಾ , ಗಾಣದ ಕಣ್ಣಪ್ಪ ಒಟ್ಟು 10 ಅನುಭಾವಿಕ ವಚನಗಳನ್ನು ರಚಿಸಿದ್ದಾರೆ. ಮೀನುಗಾರಿಕೆ ಸಂಬಂಧಿಸಿದ ಸಾಂಕೇತಿಕ ಪದಗಳು ಮತ್ತು ಆಧ್ಯಾತ್ಮಿಕ ಚಿಂತನೆಗಳು ಹೆಚ್ಚಾಗಿ ಕಂಡು ಬರುತ್ತದೆ. ಕಲ್ಯಾಣದ ತ್ರಿಪುರಾಂತಕೇಶ್ವರ ಕೆರೆಯಲ್ಲಿ ಮೀನು ಹಿಡಿಯುವುದು ಇವರ ನಿತ್ಯ ಕಾಯಕವಾಗಿತ್ತು ಎಂದರು.
ಶಿವಶರಣ ಕುಂಬಾರ ಗುರುಪೀಠದ ಬಸವಮೂರ್ತಿ ಕುಂಬಾರ ಗುಂಡಯ್ಯ ಸ್ವಾಮೀಜಿ, ಇತಿಹಾಸಕಾರ, ನಿವೃತ್ತ ಉಪನ್ಯಾಸಕ ರಾಜಶೇಖರಯ್ಯ ,ನಿವೃತ್ತ ಶಿಕ್ಷಕ ಕೆ.ಸಿ ಮಂಜಪ್ಪ, ಮುರುಘಾಮಠದ ಬಸವ ಮುರುಘೇಂದ್ರ ಸ್ವಾಮೀಜಿ, ಹೊಳಲ್ಕೆರೆಯ ತಿಪ್ಪೇರುದ್ರ ಸ್ವಾಮೀಜಿ, ಕುಂಬಾರ ಸಮಾಜದ ಎರ್ರಿಸ್ವಾಮಿ, ಬಸವರಾಜಕಟ್ಟಿ, ಎಸ್.ವೀರೇಶ್, ನಾಗರಾಜ ಸಂಗಮ್, ಕಣಿವೆ ಮಾರಮ್ಮ ತಿಪ್ಪೇಸ್ವಾಮಿ, ಇಟಗಿ ವಿಜಯಕುಮಾರ್, ಮೆರವಣಿಗೆ ಗುರು, ಜವಳಿ ಮುರುಘೇಶ್, ಕವಿ ಗಂಗಾಧರಪ್ಪ, ಡಾ.ಬಿ.ರಾಜಶೇಖರಪ್ಪ, ಯಶೋದಾ ರಾಜಶೇಖರಪ್ಪ, ಮುಖ್ಯಶಿಕ್ಷಕಿ ಆಶಾರಾಣಿ ಇದ್ದರು. ಅಗಲಿದ ಮಾಜಿ ಸಂಸದ ಹೆಚ್.ಹನುಮಂತಪ್ಪ ಹಾಗೂ ಜಿ.ಎಸ್ ಉಜ್ಜಿನಪ್ಪ ಅವರಿಗೆ ಸಂತಾಪ ಸೂಚಿಸಲಾಯಿತು.