ಅಕ್ರಮ ಮರಳುಗಾರಿಕೆ: ತೆಪ್ಪಗಳ ವಶ

ರಾಣಿಬೆನ್ನೂರು: ತಾಲೂಕಿನ ಚಿಕ್ಕಕುರವತ್ತಿ ಗ್ರಾಮದ ತುಂಗಭದ್ರಾ ನದಿಪಾತ್ರದಲ್ಲಿ ಅಕ್ರಮ ಮರಳುಗಾರಿಕೆ ನಡೆಯುತ್ತಿರುವ ಕುರಿತು ಖಚಿತ ಮಾಹಿತಿ ಮೇರೆಗೆ ದಾಳಿ ನಡೆಸಿದ ಗಣಿ ಮತ್ತು ಭೂವಿಜ್ಞಾನ ಇಲಾಖೆ ಅಧಿಕಾರಿಗಳು ಕೃತ್ಯಕ್ಕೆ ಬಳಸುತ್ತಿದ್ದ ಲಕ್ಷಾಂತರ ಮೌಲ್ಯದ ಬೋಟುಗಳನ್ನು ವಶಪಡಿಸಿಕೊಂಡಿದ್ದಾರೆ. ಸ್ಥಳದಲ್ಲಿ ಅಕ್ರಮ ಮರಳುಗಾರಿಕೆ ನಡೆಸಲು ಸುಮಾರು 1.80 ಲಕ್ಷ ಮೌಲ್ಯದ ಮೂರು ಬೋಟುಗಳನ್ನು ವಶಪಡಿಸಿಕೊಳ್ಳಲಾಗಿದೆ. ಅಧಿಕಾರಿಗಳು ಸ್ಥಳಕ್ಕೆ ತೆರಳಿದಾಗ ಇದರಲ್ಲಿ ನಾಲ್ಕು ಜನರು ತೊಡಗಿಸಿಕೊಂಡಿದ್ದು ಆರೋಪಿಗಳು ತಲೆ ಮರೆಸಿಕೊಂಡಿದ್ದಾರೆ. ಗಣಿ ಮತ್ತು ಭೂವಿಜ್ಞಾನ ಇಲಾಖೆ ಅಧಿಕಾರಿ ಕುಮಾರ ಭೀಮಾನಾಯ್ಕ್, ಎಎಸ್‌ಐ ಎಸ್.ಎಸ್. ಪರಸಗೊಂಡರ, ಪೊಲೀಸ್ ಪೇದೆ ಎಂ.ಸಿ. ಕೊಪ್ಪದ, ಗಣಿ ಇಲಾಖೆ ಸಿಬ್ಬಂದಿ ರಮೇಶ ಹುಲ್ಲೂರು, ವಾಹನ ಚಾಲಕ ಜಯಪ್ಪ ಪೂಜಾರ ದಾಳಿಯಲ್ಲಿದ್ದರು. ಈ ಕುರಿತು ಗ್ರಾಮೀಣ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.