ಚಳ್ಳಕೆರೆಯಲ್ಲಿ ಮಳೆ ಕುಂಠಿತ: ಬಿತ್ತನೆನೂ ಕಡಿಮೆ
ಸಾರಾಂಶ
ಮಳೆ ಕೊರತೆ ಉಂಟಾಗಿ ರೈತರು ಬಿತ್ತನೆಯಿಂದ ದೂರ ಉಳಿದಿದ್ದಾರೆ. ಈ ಹಿನ್ನೆಲೆ ಸರ್ಕಾರ ರೈತರಿಗೆ ನೆರವಾಗುವ ನಿಟ್ಟಿನಲ್ಲಿ ಅತಿಕಡಿಮೆ ನೀರಿನ ವ್ಯವಸ್ಥೆಯಲ್ಲೇ ಉತ್ತಮ ಬೆಳೆ ಬೆಳೆಯುವಂತೆ ಸಲಹೆ ನೀಡಿದೆ.
ಕನ್ನಡಪ್ರಭ ವಾರ್ತೆ ಚಳ್ಳಕೆರೆ
ಈ ಬಗ್ಗೆ ಮಾಹಿತಿ ನೀಡಿರುವ ಅವರು, ಪ್ರತಿವರ್ಷ ವಾಡಿಕೆ ಮಳೆ ೪೮೪.೩ ಮೀಮೀ ಇದ್ದು, ಪ್ರಸ್ತುತ ಈ ಬಾರಿ ೨೬೧ ಮೀಮೀ ಮಳೆಯಾಗಿದೆ. ೨೨೩ ಮೀಮೀ ಮಳೆ ಕೊರತೆ ಉಂಟಾಗಿ ರೈತರು ಬಿತ್ತನೆಯಿಂದ ದೂರ ಉಳಿದಿದ್ದಾರೆ. ಈ ಹಿನ್ನೆಲೆ ಸರ್ಕಾರ ರೈತರಿಗೆ ನೆರವಾಗುವ ನಿಟ್ಟಿನಲ್ಲಿ ಅತಿಕಡಿಮೆ ನೀರಿನ ವ್ಯವಸ್ಥೆಯಲ್ಲೇ ಉತ್ತಮ ಬೆಳೆ ಬೆಳೆಯುವಂತೆ ಸಲಹೆ ನೀಡಿದೆ.
ತಾಲೂಕಿನಾದ್ಯಂತ ೮೭೭೬೫ ಹೆಕ್ಟೇರ್ ಪ್ರದೇಶದಲ್ಲಿ ಬಿತ್ತನೆ ಪ್ರದೇಶವಿದ್ದು, ಈ ಪೈಕಿ ೪೯೮೩೬ ಹೆಕ್ಟೇರ್ ಪ್ರದೇಶದಲ್ಲಿ ಮಾತ್ರ ಬಿತ್ತೆನೆಯಾಗಿದೆ. ಉಳಿದಂತೆ ೩೭೯೨೯ ಹೆಕ್ಟೇರ್ ಪ್ರದೇಶದಲ್ಲಿ ಇನ್ನೂ ಬಿತ್ತನೆಯಾಗಿಲ್ಲ. ಈಗಾಗಲೇ ರೈತರು ಮಳೆ ಕೈಕೊಟ್ಟ ಹಿನ್ನೆಲೆ ಶೇಂಗಾ ಬೆಳೆ ಬಿತ್ತನೆಗೆ ಸಹ ಹಿಂದೇಟು ಹಾಕುವ ಪರಿಸ್ಥಿತಿ ಉಂಟಾಗಿದೆ.ಕಡಿಮೆ ಫಲವತ್ತೆ ಮಣ್ಣಲ್ಲಿ ಔಡಲ, ಎರೆ ಮತ್ತು ಕಪ್ಪು ಮಣ್ಣಿನನಲ್ಲಿ ಸೂರ್ಯಕಾಂತಿ, ರಾಗಿ, ನವಣೆ, ಹುರುಳಿ, ಸಾಸಿವೆ, ಅವರೆ, ಎಳ್ಳು, ಹೆಬ್ಬಾಳ ಮುಂತಾದ ಬೆಳೆ ಬೆಳೆಯುವ ಮೂಲಕ ಆರ್ಥಿಕವಾಗಿ ಸದೃಢರಾಗಿ, ತಮ್ಮ ಜಾನುವಾರುಗಳಿಗೂ ಮೇವಿನ ಸೌಲಭ್ಯ ದೊರಕಿದಂತಾಗುತ್ತದೆ. ಕೃಷಿ ಇಲಾಖೆ ಸಲಹೆಯಂತೆ ರೈತರು ಮುಂಗಾರು ಮತ್ತು ಹಿಂಗಾರು ಬೆಳೆ ಬೆಳೆಯಲು ಮುಂದಾಗಬೇಕಿದೆ. ರೈತರ ಹಿತದೃಷ್ಟಿಯಿಂದ ಕೃಷಿ ಇಲಾಖೆ ತನ್ನ ಎಲ್ಲಾ ರೈತ ಸಂಫರ್ಕ ಕೇಂದ್ರಗಳಲ್ಲಿ ರೈತರಿಗೆ ಬೆಳೆ ಬೆಳೆಯುವ ಬಗ್ಗೆ ಸಲಹೆ ಸೂಚನೆ ನೀಡಲಿದೆ ಎಂದು ತಿಳಿಸಿದ್ದಾರೆ.
ಎರಡು ವರ್ಷಗಳಿಂದ ರೈತ ನಾಗೇಶ ಜಮೀನಿಗೆ ಹಾಕಿದ್ದ ಔಡಲ ಬೆಳೆ ಕೈಕೊಟ್ಟ ಹಿನ್ನೆಲೆ ಮತ್ತೊಮ್ಮೆ ಔಡಲ ಬೆಳೆಯುವ ಬಗ್ಗೆ ನಿರಾಸಕ್ತಿ ಹೊಂದಿದ್ದ. ಆದರೆ, ಅವನಿಗೆ ಸೂಕ್ತ ಮಾರ್ಗದರ್ಶನ ನೀಡಿ ಔಡಲ ಬೆಳೆ ಯಾವುದೇ ರೋಗ ವ್ಯಾಪಿಸದು, ಮಾರುಕಟ್ಟೆಯಲ್ಲೂ ಔಡಲಕ್ಕೆ ಉತ್ತಮ ಬೆಲೆ ಇದ್ದು, ಬೆಳೆಯುವಂತೆ ಸಲಹೆ ನೀಡಲಾಗಿತ್ತು. ಕೃಷಿ ಇಲಾಖೆ ಸಲಹೆಯಂತೆ ಈ ಬಾರಿ ತನ್ನ ೨೫ ಎಕರೆ ಪ್ರದೇಶದಲ್ಲಿ ಔಡಲ ಬೆಳೆ ಹಾಕಿದ್ದು ಸಮೃದ್ಧ ಔಡಲ ಬೆಳೆ ಬೆಳೆದಿದ್ದು ಅನೇಕ ರೈತರು ವೀಕ್ಷಿಸಿ ಸಂತಸ ವ್ಯಕ್ತಪಡಿಸಿದ್ದಾರೆ.
- ಜೆ.ಅಶೋಕ್, ಸಹಾಯಕ ಕೃಷಿ ನಿರ್ದೇಶಕ
ನಾನು ಎರಡು ಬಾರಿ ನನ್ನ ಜಮೀನಿಗೆ ಔಡಲ ಬೆಳೆದು ನಷ್ಟ ಅನುಭವಿಸಿದ್ದೆ. ಈ ಬಾರಿ ಬೇರೆ, ಬೇರೆ ಬೆಳೆ ಬೆಳೆಯುವ ಚಿಂತನೆಯಲ್ಲಿದ್ದೆ ಆದರೆ, ಕೃಷಿ ಅಧಿಕಾರಿಗಳು ಔಡಲ ಬೆಳೆಯುವಂತೆ ಸಲಹೆ ನೀಡಿದರು. ಅವರ ಸಲಹೆಯಂತೆ ₹೧.೨೫ ಲಕ್ಷ ವೆಚ್ಚದಲ್ಲಿ ೨೫ ಎಕರೆ ಪ್ರದೇಶದಲ್ಲಿ ಔಡಲ ಬೆಳೆದಿದ್ದು ಸುಮಾರು ೪ರಿಂದ ೫ಲಕ್ಷ ರು. ಲಾಭಪಡೆಯುವ ವಿಶ್ವಾಸವಿದೆ.- ರೈತ ನಾಗೇಶ್ ದೇವರೆಡ್ಡಿಹಳ್ಳಿ