ಹೊನ್ನಾಳಿ: ಪುರಸಭೆ ಬಾಬುಗಳಿಗೆಲ್ಲ ಕಡಿಮೆ ಬಿಡ್: ಮತ್ತೆ ನಡೆಯುತ್ತಾ?
ಸಾರಾಂಶ
ಪುರಸಭೆ ವತಿಯಿಂದ ವಾರದ ಸಂತೆ, ಹಸಿ ತರಕಾರಿ, ಖಾಸಗಿ ಬಸ್ ನಿಲ್ದಾಣ ಕರ ವಸೂಲಿ ಕುರಿತಂತೆ ಪಟ್ಟಣದ ಕುಡಿಯುವ ನೀರು ಶುದ್ಧೀಕರಣ ಘಟಕ ಆವರಣದಲ್ಲಿ ಶನಿವಾರ ಪುರಸಭೆ ಆಡಳಿತಾಧಿಕಾರಿ ಹಾಗೂ ಉಪವಿಭಾಗಾಧಿಕಾರಿ ಎಚ್.ಬಿ. ಚನ್ನಪ್ಪ, ಮುಖ್ಯಾಧಿಕಾರಿ ಟಿ.ಲೀಲಾವತಿ ಸಮ್ಮುಖದಲ್ಲಿ ಬಹಿರಂಗ ಹರಾಜು ಪ್ರಕ್ರಿಯೆ ನಡೆದಿದೆ. ಆದರೆ, ಕಳೆದ ಬಾರಿಗೆ ಹೋಲಿಸಿದರೆ ಈ ಬಾರಿ ಕಡಿಮೆ ಮೊತ್ತಕ್ಕೆ ಕೆಲವೊಂದು ಬಾಬುಗಳು ಹರಾಜು ಆಗಿವೆ.
- ಕಡಿಮೆ ಬಾಬುಗಳಿಗೆ ಮರುಹರಾಜಿಗೆ ಚಿಂತನೆ: ಮುಖ್ಯಾಧಿಕಾರಿ
- ಪುರಸಭೆ ಆಡಳಿತಾಧಿಕಾರಿ ಹಾಗೂ ಉಪವಿಭಾಗಾಧಿಕಾರಿ ಎಚ್.ಬಿ. ಚನ್ನಪ್ಪ ಉಪಸ್ಥಿತಿ
- ಆಡಳಿತಾಧಿಕಾರಿಗಳ ನೇಮಕ ಎಫೆಕ್ಟ್: ಪುರಸಭೆಗೆ ನಿರೀಕ್ಷಿತ ಆದಾಯ ಕಡಿಮೆ ಆತಂಕ- - - ಕನ್ನಡಪ್ರಭ ವಾರ್ತೆ ಹೊನ್ನಾಳಿ
ಪುರಸಭೆ ನಡೆಸಿದ ಹರಾಜುಗಳಲ್ಲಿ ಈ ಬಾರಿ ಕಳೆದ ವರ್ಷಕ್ಕಿಂತ ಕಡಿಮೆ ಬಿಡ್ ಆಗಿವೆ. ಇದರಿಂದ ಪುರಸಭೆಗೆ ನಿರೀಕ್ಷಿತ ಆದಾಯ ಕಡಿಮೆಯಾಗಲಿದೆ. ಕಡಿಮೆ ಬಿಡ್ ಆಗಿರುವ ಬಾಬುಗಳಿಗೆ ಪುನಃ ಬಿಡ್ ಕರೆಯುವ ಬಗ್ಗೆ ಪುರಸಭೆ ಆಡಳಿತಾಧಿಕಾರಿ ಹಾಗೂ ತಾವು ಸೇರಿ ಸೂಕ್ತವಾಗಿ ಚರ್ಚಿಸಿ ಮುಂದಿನ ಕ್ರಮ ಕೈಗೊಳ್ಳಲಾಗುವುದು ಎಂದು ಪುರಸಭೆ ಮುಖ್ಯಾಧಿಕಾರಿ ತಿಳಿಸಿದ್ದಾರೆ.
ಹರಾಜು ಪ್ರಕ್ರಿಯೆಯಲ್ಲಿ ಮೊದಲು ವಾರದ ಸಂತೆ ಬಗ್ಗೆ ಹರಾಜು ಕರೆಯಲಾಯಿತು. ಕಳೆದ ವರ್ಷ ₹12.61 ಲಕ್ಷಕ್ಕೆ ಬಿಡ್ ಆಗಿದ್ದರೆ, ಈ ಬಾರಿ ₹9.10 ಲಕ್ಷಕ್ಕೆ ಅಂತಿಮ ಬಿಡ್ ಆಗಿದೆ. ಕುಮಾರ್ ಎಂಬವರಿಗೆ ವಾರದ ಸಂತೆ ಬಿಡ್ ಪಡೆದುಕೊಂಡಿದ್ದಾರೆ. ಕಳೆದ ವರ್ಷಕ್ಕಿಂತ ಸುಮಾರು ₹3.51 ಲಕ್ಷದಷ್ಟು ಕಡಿಮೆ ಬಿಡ್ ನಡೆದಿರುವುದು ವಿಶೇಷ.
ಹಸಿ ತರಕಾರಿ ಮಾರಾಟ ಶುಲ್ಕದ ಬಾಬ್ತು ಹರಾಜು ನಡೆದಿದ್ದು, ಕಳೆದ ವರ್ಷ ₹16.73 ಲಕ್ಷಕ್ಕೆ ಆಗಿದ್ದ ಹರಾಜು ಈ ಬಾರಿ ₹12.80 ಲಕ್ಷಕ್ಕೆಅಂತಿವಾಗಿದೆ. ಗಿರೀಶ್ ಎನ್ನುವವರಿಗೆ ಅಂತಿಮ ಬಿಡ್ ಆಗಿದ್ದು, ಕಳೆದ ವರ್ಷಕ್ಕಿಂತ ₹3.93 ಲಕ್ಷ ಕಡಿಮೆಗೆ ಬಿಡ್ ನಡೆದಿದೆ.
ಮಾಂಸ ಮಾರಾಟ ಮಳಿಗೆ ಸಂಖ್ಯೆ 2 ಹರಾಜು ಪ್ರಕ್ರಿಯೆಯು ಕಳೆದ ವರ್ಷ ₹5.01 ಲಕ್ಷಕ್ಕೆ ಬಿಡ್ ಆಗಿತ್ತು. ಈ ಮಳಿಗೆ ಈ ಬಾರಿ ₹3 ಲಕ್ಷಕ್ಕೆ ಅಂತಿಮ ಬಿಡ್ ಆಗಿದ್ದು, ವಸಂತ್ ಬಿಡ್ ಪಡೆದವರಾಗಿದ್ದಾರೆ. ಇದು ಕೂಡ ಕಳೆದ ಬಾರಿಗಿಂತ ₹2.01 ಲಕ್ಷ ಕಡಿಮೆ ದರಕ್ಕೆ ಬಿಡ್ ಆಗಿದೆ.
-23ಎಚ್.ಎಲ್.ಐ1.ಜೆಪಿಜಿ: