ದೇಶಿ ಸಂಸ್ಕೃತಿ ಪರಂಪರೆಗೆ ಆಧುನಿಕತೆಯ ಅಡ್ಡಿ

KannadaprabhaNewsNetwork |  
Published : Nov 29, 2025, 12:00 AM IST
ಸಿಕೆಬಿ-1 ನಗರದ ಬಿಬಿ ರಸ್ತೆಯ  ನಂದಿ ರಂಗ ಮಂದಿರದ ಕಸಾಪ ಕಛೇರಿಯಲ್ಲಿ ನಡೆದ  ನವೆಂಬರ್‌ ನಲ್ಲಿ ಕನ್ನಡ ಕಲರವದಲ್ಲಿ ವಿಜೇತರಿಗೆ ಡಾ.ಕೋಡಿರಂಗಪ್ಪ ಬಹುಮಾನ ವಿತರಿಸಿದರು | Kannada Prabha

ಸಾರಾಂಶ

ನಾಡು ನುಡಿ ಸಂಸ್ಕೃತಿ ಪರಂಪರೆಯ ಸೊಗಡು ಮತ್ತು ಮಹತ್ವನ್ನು ಆಧುನಿಕತೆ ಎಂಬ ಪರೆದೆಯು ಮರೆಮಾಚಿದ್ದು, ನಮ್ಮ ಹಿರಿಯರು ಪರಂಪರಾಗತವಾಗಿ ಮುನ್ನಡೆಸಿಕೊಂಡು ಬಂದ ಸಂಸ್ಕೃತಿ ಸಂಬಂಧಗಳನ್ನು ಉಳಿಸಿಕೊಂಡು ಹೋಗಲು ನಾವುಗಳು ಅಂದಿನ ಮತ್ತು ಇಂದಿನ ಪೀಳಿಗೆಯ ಮಧ್ಯೆ ಕೊಂಡಿಯಾಗಿ ಕೆಲಸ ಮಾಡಬೇಕಿದೆ

ಕನ್ನಡಪ್ರಭ ವಾರ್ತೆ ಚಿಕ್ಕಬಳ್ಳಾಪುರ

ತಾಲೂಕು ಕನ್ನಡ ಸಾಹಿತ್ಯ ಪರಿಷತ್ ಮತ್ತು ಆರ್ಯ ವೈಶ್ಯ ಲೇಡೀಸ್ ಗ್ರೂಪ್ ಇಂಟರ್ ನ್ಯಾಷನಲ್ ಸಹಯೋಗದಲ್ಲಿ, ನವೆಂಬರ್‌ ನಲ್ಲಿ ಕನ್ನಡ ಕಲರವ ಅಂಗವಾಗಿ ಒಗಟು ಬಿಡಿಸುವ ,ಗಾಧೆ ಮಾತು ಪೂರ್ಣ ಗೊಳಿಸುವ ,ಕನ್ನಡ ಪದಕ್ಕೊಂದು ಹಾಡು ಹೇಳುವ ಕಾರ್ಯಕ್ರಮ ವನ್ನು ನಗರದ ಬಿಬಿ ರಸ್ತೆಯ ನಂದಿ ರಂಗ ಮಂದಿರದ ಕಸಾಪ ಕಚೇರಿಯಲ್ಲಿ ಹಮ್ಮಿಕೊಳ್ಳಲಾಗಿತ್ತು.

ಕಾರ್ಯಕ್ರಮ ದಲ್ಲಿ ಎ.ವಿ.ಎಲ್‌.ಜಿ.ಐ(ಆರ್ಯ ವೈಶ್ಯ ಲೇಡೀಸ್ ಗ್ರೂಪ್ ಇಂಟರ್‌ನ್ಯಾಷನಲ್ ) ಸಮಿತಿಯ ಅಧ್ಯಕ್ಷೆ ಆಶಾರಾಣಿ ಮಾತನಾಡಿ, ನಾಡು ನುಡಿ ಸಂಸ್ಕೃತಿ ಪರಂಪರೆಯ ಸೊಗಡು ಮತ್ತು ಮಹತ್ವನ್ನು ಆಧುನಿಕತೆ ಎಂಬ ಪರೆದೆಯು ಮರೆಮಾಚಿದ್ದು, ನಮ್ಮ ಹಿರಿಯರು ಪರಂಪರಾಗತವಾಗಿ ಮುನ್ನಡೆಸಿಕೊಂಡು ಬಂದ ಸಂಸ್ಕೃತಿ ಸಂಬಂಧಗಳನ್ನು ಉಳಿಸಿಕೊಂಡು ಹೋಗಲು ನಾವುಗಳು ಅಂದಿನ ಮತ್ತು ಇಂದಿನ ಪೀಳಿಗೆಯ ಮಧ್ಯೆ ಕೊಂಡಿಯಾಗಿ ಕೆಲಸ ಮಾಡಬೇಕಿದೆ ಎಂದರು.

ಮಾನಸಿಕ ಆರೋಗ್ಯ ರಕ್ಷಣೆ

ನಾಡಿನ ಹಿರಿಮೆ ಸಾರುವ ಚಟುವಟಿಕಗಳನ್ನು ಹಮ್ಮಿಕೊಳ್ಳುವುದರಿಂದ ಮಾನಸಿಕ ಆರೋಗ್ಯ ಕಾಪಾಡಿಕೊಳ್ಳಲು ಸಹಕಾರಿಯಾಗತ್ತದೆ. ಇಂದಿನ ಪೀಳಿಗೆಯು ಗಾಧೆ, ಒಗಟುಗಳನ್ನು ಬಹುತೇಕ ಮರೆತು ಹೋಗುವ ಹಂತ ತಲುಪಿದೆ. ವೇದ ಸುಳ್ಳಾದರೂ ಗಾಧೆ ಸುಳ್ಳಾಗದು ಎಂಬ ಮಾತು ಅಕ್ಷರಶಃ ಸತ್ಯ. ನಮ್ಮ ಜೀವನದ ಅನುಭದ ಸಾರಾಂಶವೇ ಈ ಗಾಧೆ ಮತ್ತು ಒಗಟುಗಳಾಗಿ ನಮ್ಮ ಜನಪದರ ಬಾಯಲ್ಲಿ ರೂಪುಗೊಂಡಿವೆ ಎಂದರು.

ಓದುವ ಹವ್ಯಾಸ ಬೆಳೆಸಿಕೊಳ್ಳಿ

ಕಸಾಪ ನಗರ ಘಟಕದ ಅಧ್ಯಕ್ಷೆ ನಳಿನಾಕ್ಷಿ ಮಾತನಾಡಿ, ಮಹಿಳೆಯರು ದಿನ ನಿತ್ಯದ ಕಾರ್ಯಗಳಲ್ಲಿ ತೊಡಗಿಕೊಂಡಿರುವುದರಿಂದ ಮನರಂಜನೆ ಮತ್ತು ಕ್ರೀಯಾಶಿಲತೆಯ ಕೊರತೆ ಕಾಡುತ್ತದೆ .ಸಾಹಿತ್ಯದ ಒಲವು ಬೆಳೆಸಿಕೊಂಡು ಕಥೆ ಕಾದಂಬರಿಗಳನ್ನು ಓದುವ ಹವ್ಯಾಸ ರೂಡಿಸಿಕೊಂಡಲ್ಲಿ ಜ್ನಾನಾರ್ಜನೆಯ ಜೊತೆಗೆ ಕಷ್ಟದ ಸಂದರ್ಭಗಳನ್ನು ಎದುರಿಸುವ ಮನೋಸ್ಥೈರ್ಯ ಬರುತ್ತದೆ ಎಂದು ನುಡಿದರು.

ಜಿಲ್ಲಾಧ್ಯಕ್ಷ ಡಾ.ಕೋಡಿರಂಗಪ್ಪ ಕಾರ್ಯಕ್ರಮ ದ ಅಧ್ಯಕ್ಷತೆ ವಹಿಸಿ ಮಾತನಾಡಿದರು. ತಾಲ್ಲೂಕು ಕಸಾಪ ಅದ್ಯಕ್ಷ ರಾದ ಯಲುವಹಳ್ಳಿ ಸೊಣ್ಣೇಗೌಡ ಪ್ರಸ್ತಾವಿಕ ನುಡಿಗಳನ್ನು ನುಡಿದರು. ನಿವೃತ್ತ ಪ್ರಾಂಶುಪಾಲರಾದ ಬಿ.ವಿ.ಕೃಷ್ಣ ಕನ್ನಡ ನಾಡಿನ ಹಿರಿಮೆಯ ಹಾಡುಗಳನ್ನು ಹಾಡಿ ರಂಜಿಸಿದರು.

ಕಾರ್ಯಕ್ರಮದಲ್ಲಿ ಸಾಹಿತಿ,ಶಿಕ್ಷಕಿ ಬಿ.ಎಂ.ಪ್ರಮೀಳ ,ನಗರ ಸಭಾ ಸದಸ್ಯೆ ಅಣ್ಣಮ್ಮ, ಮಾಜಿ ಸದಸ್ಯೆ ಜಯಮ್ಮ, ಪ್ರೇಮಲೀಲಾ, ನಿರ್ಮಲ, ಸೌಮ್ಯ, ಸತ್ಯಪ್ರಿಯಾ, ಸೌಭಾಗ್ಯ ಸ್ಮಿತಾ, ಅಂಬಿಕಾ ಪ್ರದೀಪ್, ಪದ್ಮಶ್ರೀ,ಚಂದನಾ ಕಿರಣ್ ಮತ್ತಿತರರು ಇದ್ದರು.

PREV
Get the latest news from across Karnataka (ಕರ್ನಾಟಕ ನ್ಯೂಸ್)— breaking headlines, politics, local developments, crime reports, district updates, civic issues and more. Stay informed with Kannada Prabha’s real‑time Karnataka news coverage.

Recommended Stories

ಡಿ.1ರಿಂದ ಎಲ್‌ಕೆಜಿ, ಯುಕೆಜಿ ಮಕ್ಳಿಗೂ ಬಿಸಿಯೂಟ, ಹಾಲು, ಮೊಟ್ಟೆ/ಬಾಳೆಹಣ್ಣು
100 ರು. ಗಡಿಗೆ ಟೊಮೆಟೋ ದರ! - ಬೆಳೆ ಕುಸಿತ, ಪೂರೈಕೆ ಕೊರತೆ