ರಾಮನಗರ: ನಿಮ್ಮ ಆಧಾರ್ ಕಾರ್ಡ್ನಿಂದ ದೇಶದ್ರೇಹಿ ಚಟುವಟಿಕೆ ನಡೆಯುತ್ತಿದ್ದು, ಆ ಕೇಸಿನಿಂದ ನಿಮ್ಮನ್ನು ಹೊರ ತರುತ್ತೇನೆಂದು ವಂಚಕರು ನಂಬಿಸಿ ಮಹಿಳೆಗೆ 15 ಲಕ್ಷ ರುಪಾಯಿ ಮೋಸ ಮಾಡಿರುವ ಘಟನೆ ನಡೆದಿದೆ.
ಆಗ ಶಿಲ್ಪಾ ನನ್ನ ಆಧಾರ್ ಕಾರ್ಡನ್ನು ಮಿಸ್ ಯೂಸ್ ಮಾಡುತ್ತಿರುವ ಬಗ್ಗೆ ದೂರು ನೀಡಿದ್ದು, ಆತನು ನನ್ನ ಆಧಾರ್ ಕಾರ್ಡ್ ಪರಿಶೀಲಿಸಿ, ನಿಮ್ಮ ಆಧಾರ್ ಕಾರ್ಡ್ ನಿಂದ ದೇಶದ್ರೋಹ ಚಟುವಟಿಕೆ ನಡೆಯುತ್ತಿದೆ ಎಂದು ಸ್ಕೈಪ್ ಆಪ್ ಮೂಲಕ ವಿಡಿಯೋ ಮತ್ತು ಆಡಿಯೋ ಕಾಲ್ ಮಾಡಿ ಬೆದರಿಸಿದ್ದಾನೆ.
ಅ.4ರಂದು ವಂಚಕರು ಗುಜರಾತ್ ರಾಜ್ಯ ಬರೋಡಾದ ಶಿವಾನಂದ್ ಇಂಟಿಯಿರರ್ ಓಪಿಸಿ ಪ್ರೈ.ಲಿ.ಗೆ 9 ಲಕ್ಷ ರು., ರೋಜಿನಾ ಕಾತುನ ಬಿಬಿ ಅವರ ಖಾತೆಗೆ 1 ಲಕ್ಷ ರು. ವರ್ಗಾಯಿಸಿದ್ದಾರೆ. ನಂತರ ಮತ್ತೆ 5 ಲಕ್ಷ ರು. ಹಣ ನೀಡಬೇಕೆಂದು ಆಗ ಮಾತ್ರ ನಿಮ್ಮನ್ನು ದೇಶದ್ರೋಹ ಕೇಸ್ನಿಂದ ಹೊರಗೆ ತರುತ್ತೇನೆಂದು ಶಿಲ್ಪಾ ಅವರನ್ನು ಹೆದರಿಸಿದ್ದಾನೆ.ಅ.7ರಂದು 5 ಲಕ್ಷ ಹಣವನ್ನು ಆರ್ ಟಿಜಿಎಸ್ ಮೂಲಕ ವರ್ಗಾವಣೆ ಮಾಡಿದ್ದು, ಒಟ್ಟು 15 ಲಕ್ಷ ರು.ಗಳನ್ನು ವಂಚಕರು ಮೋಸ ಮಾಡಿದ್ದಾರೆ. ಈ ವಿಚಾರವಾಗಿ ಶಿಲ್ಪಾ ಕಗ್ಗಲೀಪುರ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.