ಹಾರಿಹೋದ ಶಾಲೆಯ ಮೇಲ್ಛಾವಣಿ

ಕನ್ನಡಪ್ರಭ ವಾರ್ತೆ ಜಮಖಂಡಿ

ತಾಲೂಕಿನಲ್ಲಿ ಸೋಮುವಾರ ಸಂಜೆ ಸುರಿದ ಬಿರುಗಾಳಿ ಮಳೆಗೆ ಜಂಬಗಿ ಬಿ.ಕೆ.ಗ್ರಾಮದ ಸರ್ಕಾರಿ ಪೌಢಶಾಲೆಯ (ಆರ್‌ಎಂಎಸ್‌ಎ) ತಗಡಿನ ಮೇಲ್ಛಾವಣಿ ಹಾರಿಹೋಗಿದೆ. ಎರಡು ಕೊಠಡಿಗಳ ತಗಡಿನ ಶೆಡ್‌ಗಳು ಹಾನಿಯಾಗಿವೆ.ಈ ಶಾಲೆಯಲ್ಲಿ ಒಟ್ಟು 5 ಕೊಠಡಿಗಳಿದ್ದು, ಅದರಲ್ಲಿ 4 ತಡಗಿನ ಮೇಲ್ಛಾವಣಿ ಹೊಂದಿವೆ. ಈ ಹಿಂದೆ ಏ.7ರಂದು ಬಿರುಗಾಳಿ ಮಳೆಗೆ ಮೇಲ್ಛಾವಣಿ ತಗಡುಗಳು ಹಾರಿಹೋಗಿದ್ದವು. ಸ್ಥಳೀಯರ ನೆರವಿನಿಂದ ದುರಸ್ತಿಗೊಳಿಸಲಾಗಿತ್ತು. ಪುನಃ ಘಟನೆ ಮರುಕಳಿಸಿರುವುದು ವಿದ್ಯಾರ್ಥಿಗಳ ಆತಂಕ ಹೆಚ್ಚಿಸಿದೆ.