ಮಹಾಲಿಂಗಪುರ ಬಂದ್‌ಗೆ ಅಭೂತಪೂರ್ವ ಬೆಂಬಲ

ಕನ್ನಡಪ್ರಭ ವಾರ್ತೆ ಮಹಾಲಿಂಗಪುರ

ಪಟ್ಟಣವನ್ನು ತಾಲೂಕು ಕೇಂದ್ರವೆಂದು ಘೋಷಿಸುವಂತೆ ಆಗ್ರಹಿಸಿ 1190ನೇ ದಿನವಾದ ಸೋಮವಾರ ಕರೆ ನೀಡಿದ್ದ ಬಂದ್ ಕರೆಗೆ ಅಭೂತಪೂರ್ವ ಬೆಂಬಲ ವ್ಯಕ್ತವಾಯಿತು. ಪಟ್ಟಣದಲ್ಲಿ ವ್ಯಾಪಾರ ವಹಿವಾಟು, ವಾಹನ ಸಂಚಾರ ಸಂಪೂರ್ಣ ಬಂದ್‌ ಆಗಿತ್ತು.

ಹೋರಾಟಗಾರರು ಪಟ್ಟಣದ ಕಿತ್ತೂರು ರಾಣಿ ಚನ್ನಮ್ಮ ವೃತ್ತದಲ್ಲಿ ಮಾನವ ಸರಪಳಿ ನಿರ್ಮಿಸಿ ಹೋರಾಟ ನಡೆಸಿದರು. ಹೋರಾಟ ಸ್ಥಳಕ್ಕೆ ಶಾಸಕ ಸಿದ್ದು ಸವದಿ, ತಹಸೀಲ್ದಾರ ಗಿರೀಶ ಸ್ವಾದಿ ಭೇಟಿ ನೀಡಿ, ಮನವಿ ಸ್ವೀಕರಿಸಿ ಬೆಂಬಲ ವ್ಯಕ್ತಪಡಿಸಿದರು. ಪಟ್ಟಣ ಹಾಗೂ ಸುತ್ತಲಿನ 16 ಹಳ್ಳಿಗಳ ಮುಖಂಡರಯ ಮತ್ತು ನಾಗರಿಕರು ಬಸವೇಶ್ವರ ವೃತ್ತದಿಂದ ಕಿತ್ತೂರು ರಾಣಿ ಚನ್ನಮ್ಮ ವೃತ್ತದವರೆಗೂ ಕಾಲ್ನಡಿಗೆ ಮೂಲಕ ಜಾಥಾ ನಡೆಸಿದರು. ಸಿದ್ದಪ್ಪ ಶಿರೋಳ ಅರೆಬೆತ್ತಲೆಯಾಗಿ ಮೈಮೇಲೆ ''''''''ಬೇಕೇ ಬೇಕು ಮಹಾಲಿಂಗಪುರ ತಾಲೂಕು ಆಗಲೇಬೇಕು'''''''' ಎಂದು ಬರೆದುಕೊಂಡು ಹೋರಾಟದಲ್ಲಿ ಪಾಲ್ಗೊಂಡು ಗಮನ ಸೆಳೆದರು.

ತಾಲೂಕು ಹೋರಾಟ ಸಮಿತಿ ಅಧ್ಯಕ್ಷ ಸಂಗಪ್ಪ ಹಲ್ಲಿ ಮಾತನಾಡಿ, ಪಟ್ಟಣವನ್ನು ತಾಲೂಕು ಕೇಂದ್ರವಾಗಿ ಘೋಷಿಸುವಂತೆ ಆಗ್ರಹಿಸಿ 35 ವರ್ಷಗಳಿಂದ ನಿರಂತರ ನಡೆಯುತ್ತಿದೆ. ಆಮರಣ ಉಪವಾಸ ಸತ್ಯಾಗ್ರಹ ನಡೆಸಿ ತಾಲೂಕು ಘೋಷಣೆಗೆ ಸರ್ಕಾರವನ್ನು ಆಗ್ರಹಿಸಲಾಗಿದೆ. ಹಿಂದಿನ ಬಿಜೆಪಿ ಸರ್ಕಾರ ಭರವಸೆ ನೀಡಿ ಮಾಡದೇ ಹೋಯಿತು. ಆಗ ವಿರೋಧ ಪಕ್ಷದ ನಾಯಕರಾಗಿದ್ದ ಸಿದ್ದರಾಮಯ್ಯನವರನ್ನು ಭೇಟಿ ಮಾಡಿದ್ದ ನಿಯೋಗಕ್ಕೆ ಕಾಂಗ್ರೆಸ್ ಸರ್ಕಾರ ಬಂದರೆ ತಾಲೂಕು ಘೋಷಣೆ ಮಾಡುವ ಭರವಸೆ ನೀಡಿದ್ದರು. ಕಾಂಗ್ರೆಸ್‌ ಸರ್ಕಾರ ಆಡಳಿತಕ್ಕೆ ಬಂದು ಸಿದ್ದರಾಮಯ್ಯ ಅವರು ಸಿಎಂ ಆಗಿ ಎರಡು ವರ್ಷ ಕಳೆದರೂ ಬೇಡಿಕೆಗೆ ಸ್ಪಂದಿಸಿಲ್ಲ ಎಂದು ವಿಷಾದ ವ್ಯಕ್ತಪಡಿಸಿದರು.

ಜಿಲ್ಲಾ ಉಸ್ತುವಾರಿ ಸಚಿವ ಆರ್.ಬಿ. ತಿಮ್ಮಾಪೂರ ಅವರು ಸ್ಥಳಕ್ಕೆ ಬರುವವರೆಗೂ ಧರಣಿ ನಿಲ್ಲಿಸುವುದಿಲ್ಲ ಎಂದು ಹೋರಾಟಗಾರರು ಪಟ್ಟು ಹಿಡಿದರು. ಬಳಿಕ ಸಚಿವರು ಫೋನ್ ಕರೆ ಮಾಡಿ ಪುರಸಭೆ ಅಧ್ಯಕ್ಷ ಯಲ್ಲನಗೌಡ ಪಾಟೀಲ ಅವರೊಂದಿಗೆ ಮಾತನಾಡಿ, ನಿಯೋಗ ಹೋಗಿ ಮುಖ್ಯಮಂತ್ರಿಗಳನ್ನು ಭೇಟಿ ಮಾಡಿ ಮಾತುಕತೆ ನಡೆಸೋಣವೆಂದು ಭರವಸೆ ನೀಡಿದ್ದರಿಂದ ಧರಣಿ ಹಿಂಪಡೆಯಲಾಯಿತು.

ಪುರಸಭೆ ಅಧ್ಯಕ್ಷ ಯಲ್ಲನಗೌಡ ಪಾಟೀಲ, ಬಸನಗೌಡ ಪಾಟೀಲ, ಮಹಾಂತೇಶ ಹಿಟ್ಟಿನಮಠ, ಶೇಖರ ಅಂಗಡಿ, ಜಯರಾಮ ಶೆಟ್ಟಿ, ಡಾ.ಅಜಿತ ಕನಕರಡ್ಡಿ, ಡಾ.ಶ್ರೀನಿವಾಸ್ ಅರಶಿನಗುಡಿ, ಡಾ.ಎ.ಆರ್. ಬೆಳಗಲಿ, ಡಾ.ಅಶೋಕ ದಿನ್ನಿಮನಿ, ಕವಿತಾ ಕೊಣ್ಣೂರ, ಸುಭಾಷ ಶಿರಬೂರ, ಬಾಲಕೃಷ್ಣ ಮಾಳವಾದೆ, ಮುತ್ತಪ್ಪ ಕೋಮಾರ, ಸಿದ್ದು ನಕಾತಿ, ರೈತ ಮುಖಂಡ ಈರಪ್ಪ, ಮಹಾದೇವ ಮಾರಪೂರ, ಶಿವಲಿಂಗ ಟಿರಕಿ, ವೀರೇಶ ಆಸಂಗಿ, ಸಿದ್ದುಗೌಡ ಪಾಟೀಲ, ಅರ್ಜುನ ಹಲಗಿಗೌಡರ, ಹಣಮಂತ ಶಿರೋಳ, ಧರೆಪ್ಪ ಸಾಂಗ್ಲಿಕರ, ಬಂದು ಪಕಾಲಿ, ಬಿ.ಜಿ. ಹೊಸೂರ, ರಂಗನಗೌಡ ಪಾಟೀಲ, ಪಂಡಿತ ಪುಜಾರಿ, ಜ್ಯೋತೆಪ್ಪ ಕಪರಟ್ಟಿ, ಚಂದ್ರು ಗೊಂದಿ, ಮಹಾಲಿಂಗಪ್ಪ ಸನದಿ, ಶಂಕರಗೌಡ ಪಾಟೀಲ, ಈರಪ್ಪ ದಿನ್ನಿಮನಿ, ನಜೀರ್ ಅತ್ತಾರ, ಶಿವನಗೌಡ ಪಾಟೀಲ, ಎಂ.ಎಸ್. ಮಣ್ಣಯ್ಯನವರಮಠ, ಗಿರೀಶ ಶಿರೋಳ, ಪರಪ್ಪ ಬ್ಯಾಕೋಡ, ದುಡ್ಡಪ್ಪ ಜಾಧವ, ಭೀಮಶಿ ಗೌಂಡಿ, ಲಾಲಸಾಬ ನಗಾರ್ಚಿ, ಶಂಕರ ಕೊಳ್ಳಿಗುಡ್ಡ, ಶಿವಲಿಂಗ ಘಂಟಿ, ಈಶ್ವರ ಮುರಗೋಡ, ದಾವಲಸಾಬ ನಗಾರ್ಚಿ, ಮಲ್ಲು ಸಂಗಣ್ಣವರ, ಬಸವರಾಜ ನಾಗನೂರ, ಬಿ.ವಿ. ಕೇರೂರ, ಸದಾಶಿವ ಗೊಬ್ರದ, ನಿಂಗಪ್ಪ ಬಾಳಿಕಾಯಿ, ಅನ್ನೇಶಗೌಡ ಪಾಟೀಲ, ಕೆಮಚಂದ ಓಸ್ವಾಲ, ಕಿಶೋರಬಾಯಿ ಪಟೇಲ, ಮಹಮ್ಮದ ಹುಲಿಕಟ್ಟಿ, ಮಹಾಲಿಂಗಪ್ಪ ಅವರಾದಿ, ಚನ್ನಪ್ಪ ಪಟ್ಟಣಶೆಟ್ಟಿ, ಬಸವರಾಜ ಹುಕ್ಕೇರಿ, ಪ್ರಕಾಶ ಚನ್ನಾಳ, ಬಸು ಬ್ಯಾಳಿ, ಪ್ರಕಾಶ ಜಿರಗಾಳ, ಪ್ರಲಾದ್ ಸಣ್ಣಕ್ಕಿ, ಬಸವರಾಜ ಹಿಟ್ಟಿನಮಠ, ರವಿ ಜವಳಗಿ, ಬಸವರಾಜ ಚಮಕೇರಿ, ಮುಸ್ತಾಕ್ ಚಿಕ್ಕೋಡಿ, ನಜೀರ್ ಝಾರೆ, ಅರ್ಜುನ ದೊಡಮನಿ, ಆನಂದ ಹಟ್ಟಿ,ವಿಠ್ಠಲ ಹೊಸಮನಿ, ಮಹಾಲಿಂಗ ಮಾಳಿ, ಈಶ್ವರ ಚಮಕೇರಿ, ಶಿವಾನಂದ ಹುನಶ್ಯಾಳ, ಅಶೋಕ ಅಂಗಡಿ, ರವಿ ಬಿದರಿ, ಮಲ್ಲಪ್ಪ ಭಾವಿಕಟ್ಟಿ, ಮಲ್ಲಪ್ಪ ಸಿಂಗಾಡಿ, ಶಂಕರ ಹುಕ್ಕೇರಿ, ಸುರೇಶ ಕಲಾಲ, ಆನಂದ ಬಂಡಿ, ವಿನೋದ ಸಿಂಪಿ, ಪ್ರಭು ನಾವಿ ಇತರರು ಪಾಲ್ಗೊಂಡಿದ್ದರಯ. ಎಸ್ಪಿ, ಡಿಎಸ್ಪಿ, ಸಿಪಿಐ, ಎಸ್ ಐ,ತೇರದಾಳ,ರಬಕವಿ-ಬನಹಟ್ಟಿ ಹಾಗೂ ಮಹಾಲಿಂಗಪುರದ ಪಿಎಸ್ಐ ಮತ್ತು ಸಿಬ್ಬಂದಿ ಬಿಗಿಬಂದೋಬಸ್ತ್‌ ಏರ್ಪಡಿಸಿದ್ದರು.