ವಾಹನ ಕಳ್ಳತನ: ಐವರ ಬಂಧನ, ₹ 95 ಲಕ್ಷ ಮೌಲ್ಯದ ಸ್ವತ್ತು ವಶ

ಕನ್ನಡಪ್ರಭ ವಾರ್ತೆ ಬೆಳಗಾವಿ

ಶುಕ್ರವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ನವೆಂಬರ್ ತಿಂಗಳಿನಲ್ಲಿ ಮಾರಿಹಾಳ ಪೊಲೀಸ್ ಠಾಣಾ ವ್ಯಾಪ್ತಿಯ ನಿಲಜಿ ಕ್ರಾಸ್ ಬಳಿಯ ಮನೆ ಮುಂದೆ ನಿಲ್ಲಿಸಿದ ಗೂಡ್ಸ್ ವಾಹನ ಕಳ್ಳತನವಾಗಿತ್ತು. ಪ್ರಕರಣದ ಜಾಡು ಹಿಡಿದು ಹೊರಟ ಪೊಲೀಸರಿಗೆ ಹೊರ ಜಿಲ್ಲೆಗಳಿಂದ ಆಗಮಿಸಿ, ವಾಹನ ಕಳ್ಳತನ ಮಾಡುವುದನ್ನೇ ಕಸಬನ್ನಾಗಿಸಿಕೊಂಡ ಕಳ್ಳರ ಕುರಿತು ಖಚಿತ ಮಾಹಿತಿ ದೊರೆತಿದೆ. ಮಾಹಿತಿ ಆಧರಿಸಿ ಕಾರ್ಯಾಚರಣೆ ನಡೆಸಿದಾಗ ಧಾರವಾಡ ಮೂಲದ ಯುಸುಫಖಾನ ಸಿಕಂದರ ಖಾನ್ (69), ಜಾಕೀರಹುಸೇನ ಮೊಹಮ್ಮದಸಾಬ ಪರದೇವಾಲೆ(47), ವಿಜಯಪುರ ಮೂಲದ ಆಜಾದಿ ಇಬ್ರಾಹಿಮ್ ಮುತವಲ್ಲಿ (36), ತಮಿಳುನಾಡಿನ ವೆಲ್ಲೂರ ಮೂಲದ ಶಫೀಕ ಅಹಮ್ಮದ ರಫೀಕ ಅಹಮ್ಮದ(52), ದಾಂಡೇಲಿ ಮೂಲದ ಬಸೀರಹಮ್ಮದ ಅಲ್ಲಾಭಕ್ಷ ಮಕಾನದಾರ(38) ಎಂಬ ಐವರು ಆರೋಪಿಗಳನ್ನು ವಶಕ್ಕೆ ಪಡೆದು ವಿಚಾರಣೆ ನಡೆಸಿದಾಗ, ವಿವಿಧ ಪೊಲೀಸ್ ಠಾಣೆಯಲ್ಲಿ ದಾಖಲಾದ ವಾಹನ ಕಳವು ಪ್ರಕರಣಗಳಲ್ಲಿ ಕಳುವಾದ ಒಟ್ಟು ₹ 95 ಲಕ್ಷ ಮೌಲ್ಯದ ವಾಹನಗಳನ್ನು ಜಪ್ತಿ ಮಾಡಲಾಗಿದೆ ಎಂದು ತಿಳಿಸಿದರು.