ಕಾಡು ಹಂದಿ ಬೇಟೆ: ಓರ್ವ ಆರೋಪಿ ಬಂಧನ, ಮೂವರು ಪರಾರಿ

ರಾಣಿಬೆನ್ನೂರು: ತಾಲೂಕಿನ ಹುಲ್ಲತ್ತಿ ಗ್ರಾಮದ ಬಳಿಯ ಕೃಷ್ಣಮೃಗ ಅಭಯಾರಣ್ಯದಲ್ಲಿ ಕಾಡು ಹಂದಿ ಬೇಟೆಯಾಡಿ ಮಾಂಸ ಸಾಗಾಟ ಮಾಡುತ್ತಿದ್ದ ಆರೋಪಿಯನ್ನು ಅರಣ್ಯ ಇಲಾಖೆ ಅಧಿಕಾರಿಗಳು ಸೋಮವಾರ ಬಂಧಿಸಿದ್ದಾರೆ.

ತಾಲೂಕಿನ ಬಸಲಿಕಟ್ಟಿ ತಾಂಡಾದ ಚಂದ್ರು ಹನುಮಂತಪ್ಪ ಲಮಾಣಿ ಬಂಧಿತ ಆರೋಪಿ.

ಬಂಧಿತ ಆರೋಪಿ ಚಂದ್ರು ಜತೆ ಇತರೇ ಆರೋಪಿಗಳಾದ ಬೀರೇಶ ಲಚ್ಚಪ್ಪ ಲಮಾಣಿ, ಸಂಜು ಜಯಪ್ಪ ಲಮಾಣಿ ಹಾಗೂ ವಿಜಿ ಲಕ್ಷ್ಮಪ್ಪ ಲಮಾಣಿ ಕೃಷ್ಣಮೃಗ ಅಭಯಾರಣ್ಯದಲ್ಲಿ ಕಾಡು ಹಂದಿ ಬೇಟೆಯಾಡಿ ಮಾಂಸ ಸಾಗಾಟ ಮಾಡುತ್ತಿರುವ ಕುರಿತು ಖಚಿತ ಮಾಹಿತಿ ಮೇರೆಗೆ ವನ್ಯಜೀವಿ ವಲಯ ಅರಣ್ಯ ಅಧಿಕಾರಿಗಳು ಸಿಬ್ಬಂದಿ ಸಮೇತ ದಾಳಿ ನಡೆಸಿದ್ದಾರೆ. ಈ ಸಮಯದಲ್ಲಿ ಚಂದ್ರು ಲಮಾಣಿ ಸೆರೆ ಸಿಕ್ಕಿದ್ದು ಉಳಿದ ಆರೋಪಿಗಳು ತಪ್ಪಿಸಿಕೊಂಡಿದ್ದು ಇವರ ಪತ್ತೆಗೆ ಬಲೆ ಬಿಸಲಾಗಿದೆ. ಬಂಧಿತ ಆರೋಪಿಯನ್ನು ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಲಾಗಿದೆ.

ಉಪ ಅರಣ್ಯ ಸಂರಕ್ಷಣಾಧಿಕಾರಿ ಪ್ರಕಾಶ್ಕರ್‌ ಅಕ್ಷಯ ಅಶೋಕ ಹಾಗೂ ವಲಯ ಅರಣ್ಯ ಸಂರಕ್ಷಣಾಧಿಕಾರಿ ಸತೀಶ ಪೂಜಾರ ಮಾರ್ಗದರ್ಶನದಲ್ಲಿ ವಲಯ ಅರಣ್ಯಾಧಿಕಾರಿ ಸೋಮಶೇಖರ ಆರ್. ನಾಯಕ ನೇತೃತ್ವದಲ್ಲಿ ಜ್ಯೋತಿ ಎಲ್. ನಂದಿಕೋಲ, ಶಬ್ಬಿರ್ ಬಾಷಾ ಡಿ., ಸೋಮಪ್ಪ ಚೆನ್ನಕೇರಿ, ಗುಡ್ಡಪ್ಪ ಮಾಲತೇಶ ಅರಳಿಕಟ್ಟಿ ಹಾಗೂ ಸಿಬ್ಬಂದಿ ದಾಳಿಯಲ್ಲಿ ಪಾಲ್ಗೊಂಡಿದ್ದರು.