ವಿಡಿಯೋದಲ್ಲಿ ಇದ್ದ ವಿವೇಕಾನಂದ ಬಿಇಒ, ವರ್ಗಾವಣೆ ಆಗಿದ್ದು ಇನ್ಸ್‌ಪೆಕ್ಟರ್‌: ಸಿದ್ದು

ಕನ್ನಡಪ್ರಭ ವಾರ್ತೆ ಮೈಸೂರುರಾಜ್ಯಾದ್ಯಂತ ಚರ್ಚೆಗೆ ಕಾರಣವಾಗಿರುವ ಪುತ್ರ ಡಾ.ಯತೀಂದ್ರನ ವಿಡಿಯೋದಲ್ಲಿ ಪ್ರಸ್ತಾಪವಾಗಿರುವ ''''ವಿವೇಕಾನಂದ'''' ಹೆಸರಿನ ಕುರಿತು ಮುಖ್ಯಮಂತ್ರಿ ಸಿದ್ದರಾಮಯ್ಯ ಇದೇ ಮೊದಲ ಬಾರಿಗೆ ಸ್ಪಷ್ಟನೆ ನೀಡಿದ್ದಾರೆ. ''''ಆ ವಿವೇಕಾನಂದನೇ ಬೇರೆ, ಈ ವಿವೇಕಾನಂದನೇ ಬೇರೆ. ಅವರು ಬಿಇಒ, ಇವರು ಇನ್ಸ್‌ಪೆಕ್ಟರ್‌'''' ಎಂದು ಸಿದ್ದರಾಮಯ್ಯ ತಿಳಿಸಿದ್ದಾರೆ.ಶನಿವಾರ ನಗರದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಬಿಇಒ ವಿವೇಕಾನಂದ ನಮ್ಮ ಕ್ಷೇತ್ರ(ವರುಣ)ವರು. ಈಗ ವರ್ಗಾವಣೆ ಆಗಿರುವುದು ಇನ್ಸ್‌ಪೆಕ್ಟರ್‌ ವಿವೇಕಾನಂದ. ಅವರದು ಚಾಮರಾಜ ಕ್ಷೇತ್ರ ವ್ಯಾಪ್ತಿ. ಯಾರು ವರ್ಗಾವಣೆ ಮಾಡಿಸಿಕೊಂಡರು ಎಂಬುದನ್ನು ಆ ಕ್ಷೇತ್ರದ ಶಾಸಕರನ್ನು ಕೇಳಿ’ ಎಂದು ಹೇಳುವ ಮೂಲಕ ಮಾಜಿ ಮುಖ್ಯಮಂತ್ರಿ ಎಚ್‌.ಡಿ.ಕುಮಾರಸ್ವಾಮಿ ಅವರ ಆರೋಪಕ್ಕೆ ತಿರುಗೇಟು ನೀಡಿದರು.