ಸ್ಮಾರ್ಟ್ ಹೂಡಿಕೆದಾರರು ಅಗತ್ಯವಿಲ್ಲದಿದ್ದರೂ ಏಕೆ ಸಾಲ ಪಡೆಯುತ್ತಿದ್ದಾರೆ: ವಿಶೇಷ ಲೇಖನ

ಅಮಿತ್ ಪಾಠಕ್, ಕೋಟಕ್ ಮಹೀಂದ್ರಾ ಬ್ಯಾಂಕ್‌ ನ ವೈಯಕ್ತಿಕ ಸಾಲ ವಿಭಾಗದ ಬಿಸಿನೆಸ್ ಹೆಡ್

ಕನ್ನಡಪ್ರಭವಾರ್ತೆ ಬೆಂಗಳೂರು

ಹಿಂದಿನ ದಿನಗಳಲ್ಲಿ ತುರ್ತು ಸಂದರ್ಭಗಳಿಗಾಗಿ ಮಾತ್ರ ಸಾಲ ಪಡೆಯಲಾಗುತ್ತಿತ್ತು. ಆದರೆ ಈಗ ಹಳೆಯ ಪದ್ಧತಿಯಲ್ಲಿ ದೊಡ್ಡ ಬದಲಾವಣೆ ಕಂಡುಬಂದಿದೆ. ಈಗ ಗ್ರಾಹಕರು ಆಸ್ತಿ, ಶಿಕ್ಷಣ, ಪ್ರವಾಸ, ಆರೋಗ್ಯ ಮತ್ತು ಜೀವನಶೈಲಿಯಂತಹ ವಿವಿಧ ಅಗತ್ಯಗಳಿಗಾಗಿ ವೈಯಕ್ತಿಕ ಸಾಲಗಳನ್ನು ಪಡೆಯುತ್ತಿದ್ದಾರೆ.

ಭಾರತದಲ್ಲಿ ವೈಯಕ್ತಿಕ ಸಾಲಗಳು ಕೇವಲ ‘ಸಂಕಷ್ಟದ ಸಮಯದಲ್ಲಿ ಮಾತ್ರ’ ಪಡೆಯುವಂತಹವು ಎಂಬ ಹಳೆಯ ದೃಷ್ಟಿಕೋನವು ನಿರಂತರವಾಗಿ ಬದಲಾಗುತ್ತಿದೆ. ವಿಶೇಷವಾಗಿ ಸ್ಥಿರ ಉದ್ಯೋಗ ಮತ್ತು ಸುಸ್ಥಿರ ಸಂಬಳ ಹೊಂದಿರುವ ಗ್ರಾಹಕರಲ್ಲಿ ಹೆಚ್ಚಾಗಿ ಈ ಬದಲಾವಣೆ ಕಂಡುಬರುತ್ತಿದೆ. ಇವರು ವರ್ಷಗಳಿಂದ ಆರ್ಥಿಕ ಶಿಸ್ತನ್ನು ಕಾಪಾಡಿಕೊಂಡು ಬಂದಿರುವವರು ಮತ್ತು ಸತತವಾಗಿ ದೀರ್ಘಕಾಲದ ಉಳಿತಾಯ ಹಾಗೂ ಹೂಡಿಕೆಗಳನ್ನು ಮಾಡುತ್ತಾ ಬಂದಿರುವವರಾಗಿದ್ದಾರೆ.

ವಿಶೇಷವಾಗಿ ಕೋವಿಡ್ ನಂತರ ಬದಲಾಗಿದ್ದು ಅವರ ಹೂಡಿಕೆ ಮಾಡುವ ಸಾಮರ್ಥ್ಯ ಅಲ್ಲ, ಬದಲಾಗಿ ‘ಹೂಡಿಕೆ’ ಎನ್ನುವುದರ ನಿಜವಾದ ಅರ್ಥ. ಆರ್ಥಿಕವಾಗಿ ಉತ್ತಮ ಭವಿಷ್ಯ ರೂಪಿಸಿಕೊಳ್ಳುವ ನಿಟ್ಟಿನಲ್ಲಿ ತಾವು ಸರಿಯಾದ ಹಾದಿಯಲ್ಲಿದ್ದರೂ, ಅರಿವಿಲ್ಲದೆಯೇ ತಮ್ಮ ಆರೋಗ್ಯ, ಮನಸ್ಸು ಮತ್ತು ದೇಹದ ಮೇಲಿನ ಹೂಡಿಕೆಯನ್ನು ಕಡೆಗಣಿಸಿರುವುದನ್ನು ಅನೇಕರು ಈ ಅವಧಿಯಲ್ಲಿ ಅರಿತುಕೊಂಡರು. ಪ್ರಸ್ತುತ ಕೆಲಸದ ಒತ್ತಡ ಮತ್ತು ವೇಗದ ಜೀವನಶೈಲಿಯಿಂದಾಗಿ ಯೋಗಕ್ಷೇಮ, ಸ್ವಯಂ-ಆರೈಕೆ ಮತ್ತು ಜೀವನಮಟ್ಟದ ಸುಧಾರಣೆಗಳು ಐಷಾರಾಮಿತನವಾಗಿ ಉಳಿದಿಲ್ಲ, ಬದಲಿಗೆ ದೈನಂದಿನ ಅಗತ್ಯಗಳಾಗಿ ಮಾರ್ಪಟ್ಟಿವೆ. ಆ ಅರಿವು ಕಳೆದ ಕೆಲವು ವರ್ಷಗಳಲ್ಲಿ ಮತ್ತಷ್ಟು ಗಾಢವಾಗಿದೆ.

ಇದರ ಪರಿಣಾಮವಾಗಿ, ಈಗ ಸಾಲ ಪಡೆಯುತ್ತಿರುವವರು ಹೆಚ್ಚು ಸ್ಪಷ್ಟತೆ ಮತ್ತು ಉದ್ದೇಶದೊಂದಿಗೆ ಖರ್ಚು ಮಾಡುತ್ತಿದ್ದಾರೆ. ದೀರ್ಘಕಾಲದವರೆಗೆ ನಿರ್ಲಕ್ಷಿಸಲಾಗಿದ್ದ ಆರೋಗ್ಯ, ಶಿಕ್ಷಣ, ಅರ್ಥಪೂರ್ಣ ಅನುಭವಗಳು, ಮನೆ ಮತ್ತು ವೈಯಕ್ತಿಕ ಆಸೆಗಳ ಪೂರೈಕೆಗೆ ಅವರು ಆದ್ಯತೆ ನೀಡುತ್ತಿದ್ದಾರೆ. ಮುಖ್ಯವಾಗಿ, ಕಷ್ಟಪಟ್ಟು ಮಾಡಿದ ಹೂಡಿಕೆಗಳಲ್ಲಿ ಈ ಆಸೆಗಳನ್ನು ಪೂರೈಸಿಕೊಳ್ಳಲು ಅವರು ಇಷ್ಟಪಡುವುದಿಲ್ಲ. ಅವರಿಗೆ ಇಎಂಐ ಕಂತುಗಳನ್ನು ಪಾವತಿಸುವ ಸಾಮರ್ಥ್ಯವಿದೆ, ಹಾಗೆಯೇ ತಮ್ಮ ಎಸ್‌ಐಪಿ, ದೀರ್ಘಕಾಲೀನ ಪೋರ್ಟ್‌ಫೋಲಿಯೊ ಮತ್ತು ನಿವೃತ್ತಿ ಯೋಜನೆಗಳು ಯಾವುದೇ ಅಡೆತಡೆಯಿಲ್ಲದೆ ಬೆಳೆಯುತ್ತಿರಬೇಕೆಂದು ಅವರು ಬಯಸುತ್ತಾರೆ.

ಹಾಗಾಗಿ ಅವರಿಗೆ ವೈಯಕ್ತಿಕ ಸಾಲಗಳು ಒಂದು ಪ್ರಾಯೋಗಿಕ ಆಯ್ಕೆಯಾಗಿವೆ. ಎಷ್ಟು ಇಎಂಐ ಕಟ್ಟಬೇಕು ಎಂದು ಮೊದಲೇ ಗೊತ್ತಿದ್ದರೆ ಇಂದಿನ ಖರ್ಚುಗಳನ್ನು ನಿಭಾಯಿಸುವುದು ಸುಲಭವಾಗುತ್ತದೆ ಮತ್ತು ದೀರ್ಘಕಾಲದ ಹೂಡಿಕೆಯನ್ನು ಮುಂದುವರಿಸುವುದಕ್ಕೂ ನೆರವಾಗುತ್ತದೆ. ವಾಸ್ತವವಾಗಿ, ‘ಕನಸುಗಳನ್ನು ನನಸಾಗಿಸಲು’ ಸಾಲ ಪಡೆಯುವ ಹಳೆಯ ಪರಿಕಲ್ಪನೆಯು ಈಗ ಬದಲಾಗಿದೆ. ಈ ಕಾಲದ ಅನೇಕ ಸಾಲಗಾರರು ಈಗಾಗಲೇ ಹೂಡಿಕೆದಾರರಾಗಿದ್ದಾರೆ ಮತ್ತು ಅವರು ತಮ್ಮ ಸಂಪತ್ತು ವೃದ್ಧಿಯ ಪಯಣಕ್ಕೆ ವಿರಾಮ ನೀಡದೆ ತಮ್ಮ ಗುರಿಗಳನ್ನು ಮುಟ್ಟಲು ಸಾಲವನ್ನು ಆಯ್ಕೆ ಮಾಡಿಕೊಳ್ಳುತ್ತಿದ್ದಾರೆ ಅಷ್ಟೆ.

ವಿವಿಧ ನಗರಗಳಲ್ಲಿ ಕೆಲವರು ತಮ್ಮ ಕ್ಷೇಮಕ್ಕಾಗಿ, ಕೆಲವರು ಜೀವನದ ಪ್ರಮುಖ ಘಟ್ಟಗಳಿಗಾಗಿ, ಇನ್ನು ಕೆಲವರು ತಾವು ಬಹಳ ದಿನಗಳಿಂದ ಹಂಬಲಿಸುತ್ತಿದ್ದ ಆಸ್ತಿ ಖರೀದಿಗಾಗಿ ಸಾಲವನ್ನು ಬಳಸುತ್ತಿದ್ದಾರೆ. ತಮ್ಮ ದೀರ್ಘಕಾಲೀನ ಆರ್ಥಿಕ ಯೋಜನೆಯನ್ನು ಅಸ್ಥಿರಗೊಳಿಸದೆಯೇ, ಸಮಯಕ್ಕೆ ತಕ್ಕಂತೆ ವೇಗವಾಗಿ ಸ್ಪಂದಿಸಲು ಗ್ರಾಹಕರು ಈಗ ವೈಯಕ್ತಿಕ ಸಾಲಗಳನ್ನು ಬಳಸುತ್ತಿದ್ದಾರೆ.

ಇಂದಿನ ಗ್ರಾಹಕರು ವೈಯಕ್ತಿಕ ಸಾಲಗಳನ್ನು ಹೇಗೆ ಬಳಸುತ್ತಿದ್ದಾರೆ?

ಸಾಲ ಪಡೆಯುವ ಮಾದರಿಗಳನ್ನು ಗಮನಿಸಿದರೆ, ಅವುಗಳು ಒಂದು ಉತ್ತಮವಾದ ಯೋಜಿತ ಬಳಕೆಯನ್ನು ಸೂಚಿಸುತ್ತವೆ.

ಸಾಲದಲ್ಲಿ ವಿಶ್ವಾಸ ಹೆಚ್ಚುತ್ತಿರುವುದು ಏಕೆ?

ವೈಯಕ್ತಿಕ ಸಾಲವನ್ನು ಅರ್ಥಮಾಡಿಕೊಳ್ಳುವುದು ಮತ್ತು ಯೋಜಿಸುವುದು ಈಗ ಹೆಚ್ಚು ಸುಲಭವಾಗಿದೆ:

• ಸಾಲದ ನಿಯಮಗಳು ಮತ್ತು ವೆಚ್ಚಗಳು ಈಗ ಹೆಚ್ಚು ಸ್ಪಷ್ಟ ಹಾಗೂ ಪಾರದರ್ಶಕವಾಗಿವೆ.

• ಸಾಲ ಮಂಜೂರಾತಿ ಪ್ರಕ್ರಿಯೆಯು ವೇಗವಾಗಿದ್ದು, ಸುಲಭವಾಗಿ ಲಭ್ಯವಾಗುತ್ತಿದೆ.

• ಬಜೆಟ್ ರೂಪಿಸಲು ಇಎಂಐ ರಚನೆಗಳು ಸರಳವಾಗಿವೆ.

• ಡಿಜಿಟಲ್ ಪ್ರಕ್ರಿಯೆಗಳು ಗ್ರಾಹಕರು ತಮ್ಮ ಅನುಕೂಲಕ್ಕೆ ತಕ್ಕಂತೆ ಸಾಲದ ಪ್ರಕ್ರಿಯೆಯನ್ನು ಪೂರ್ಣಗೊಳಿಸಲು ಅನುವು ಮಾಡಿಕೊಡುತ್ತವೆ.

ಈ ಕುರಿತು ವಿವರವಾಗಿ ಮಾತನಾಡುವ ಕೋಟಕ್ ಮಹೀಂದ್ರಾ ಬ್ಯಾಂಕ್‌ ನ ವೈಯಕ್ತಿಕ ಸಾಲ ವಿಭಾಗದ ಬಿಸಿನೆಸ್ ಹೆಡ್ ಅಮಿತ್ ಪಾಠಕ್ ಅವರು , ‘ನಾವಿಲ್ಲಿ ಒಂದು ಆತ್ಮವಿಶ್ವಾಸದ ಬದಲಾವಣೆಯನ್ನು ಕಾಣುತ್ತಿದ್ದೇವೆ. ಉತ್ತಮ ಆದಾಯ ಮತ್ತು ಶಿಸ್ತುಬದ್ಧ ಹೂಡಿಕೆಯ ಅಭ್ಯಾಸವಿರುವ ಗ್ರಾಹಕರು, ತಮ್ಮ ದೀರ್ಘಕಾಲದ ಹೂಡಿಕೆಗಳನ್ನು ಹಿಂಪಡೆಯದೆಯೇ ಯೋಗಕ್ಷೇಮ ಪಾಲನೆ, ವಿಶಿಷ್ಟ ಅನುಭವಗಳು ಮತ್ತು ದೀರ್ಘಕಾಲದ ಆಸೆಗಳಂತಹ ಅರ್ಥಪೂರ್ಣ ಆಸೆಗಳನ್ನು ಪೂರೈಸಲು ವೈಯಕ್ತಿಕ ಸಾಲಗಳನ್ನು ಬಳಸುತ್ತಿದ್ದಾರೆ. ಕೋವಿಡ್ ನಂತರದಲ್ಲಿ, ಅನೇಕ ಗ್ರಾಹಕರು ಸ್ವಯಂ-ಆರೈಕೆ ಮತ್ತು ದೀರ್ಘಕಾಲದ ಕನಸುಗಳನ್ನು ಕೇವಲ ಐಷಾರಾಮಿ ಎಂದು ಭಾವಿಸದೆ ಆದ್ಯತೆಗಳೆಂದು ಪರಿಗಣಿಸಲು ಪ್ರಾರಂಭಿಸಿದ್ದಾರೆ. ಅಂತಹವರಿಗೆ ಕೋಟಕ್ ಸಂಸ್ಥೆಯ ವೈಯಕ್ತಿಕ ಸಾಲಗಳು ಸಹಜವಾದ ಆಯ್ಕೆಯಾಗಿವೆ. ತಾವು ಶಿಸ್ತಿನಿಂದ ನಿರ್ಮಿಸಿದ ದೀರ್ಘಕಾಲೀನ ಹೂಡಿಕೆಗಳಿಗೆ ಅಡ್ಡಿಯಾಗಬಾರದು ಎಂಬ ಉದ್ದೇಶದಿಂದ ಅವರು ಸಾಲವನ್ನು ಆಯ್ದುಕೊಳ್ಳುತ್ತಿದ್ದಾರೆ. ವೈಯಕ್ತಿಕ ಸಾಲವು ಅವರ ಭವಿಷ್ಯದ ಯೋಜನೆಗಳನ್ನು ಭದ್ರವಾಗಿರಿಸುವ ಜೊತೆಗೆ, ಇಂದಿನ ಜೀವನವನ್ನು ಸಂಪೂರ್ಣವಾಗಿ ಸವಿಯಲು ಸಹಾಯ ಮಾಡುತ್ತದೆ’ ಎಂದು ಹೇಳಿದ್ದಾರೆ.