ಆಸ್ಟ್ರೇಲಿಯನ್ ಓಪನ್: ಯಾನ್ನಿಕ್ ಸಿನ್ನರ್ ಚಾಂಪಿಯನ್
ಸಾರಾಂಶ
ಸ್ಟ್ರೇಲಿಯನ್ ಓಪನ್ ಗ್ರ್ಯಾನ್ಸ್ಲಾಂ ಟೆನಿಸ್ ಟೂರ್ನಿಯಲ್ಲಿ ಇಟಲಿಯ ಯಾನ್ನಿಕ್ ಸಿನ್ನರ್ ಚಾಂಪಿಯನ್ ಆಗಿ ಹೊರಹೊಮ್ಮಿದ್ದಾರೆ. ಭಾನುವಾರ ನಡೆದ ಪುರುಷರ ಸಿಂಗಲ್ಸ್ ಫೈನಲ್ ಹಣಾಹಣಿಯಲ್ಲಿ 22ರ ಸಿನ್ನರ್, ರಷ್ಯಾದ ಡ್ಯಾನಿಲ್ ಮೆಡ್ವೆಡೆವ್ ವಿರುದ್ಧ 3-6, 3-6, 6-4, 6-4, 6-3 ಅಂತರದಲ್ಲಿ ರೋಚಕ ಗೆಲುವು ಸಾಧಿಸಿದರು.
ಮೆಲ್ಬರ್ನ್: ಟೆನಿಸ್ ಲೋಕದಲ್ಲಿ ಮತ್ತೋರ್ವ ಯುವ ಸೂಪರ್ಸ್ಟಾರ್ನ ಉದಯವಾಗಿದೆ. ಆಸ್ಟ್ರೇಲಿಯನ್ ಓಪನ್ ಗ್ರ್ಯಾನ್ಸ್ಲಾಂ ಟೆನಿಸ್ ಟೂರ್ನಿಯಲ್ಲಿ ಇಟಲಿಯ ಯಾನ್ನಿಕ್ ಸಿನ್ನರ್ ಚಾಂಪಿಯನ್ ಆಗಿ ಹೊರಹೊಮ್ಮಿದ್ದಾರೆ.ಭಾನುವಾರ ನಡೆದ ಪುರುಷರ ಸಿಂಗಲ್ಸ್ ಫೈನಲ್ ಹಣಾಹಣಿಯಲ್ಲಿ 22ರ ಸಿನ್ನರ್, ರಷ್ಯಾದ ಡ್ಯಾನಿಲ್ ಮೆಡ್ವೆಡೆವ್ ವಿರುದ್ಧ 3-6, 3-6, 6-4, 6-4, 6-3 ಅಂತರದಲ್ಲಿ ರೋಚಕ ಗೆಲುವು ಸಾಧಿಸಿದರು. ಆರಂಭಿಕ 2 ಸೆಟ್ ಗೆದ್ದ ಹೊರತಾಗಿಯೂ ಸಿನ್ನರ್ರ ಪ್ರಬಲ ಹೊಡೆತಗಳನ್ನು ಎದುರಿಸಲಾಗದೆ ಮೆಡ್ವೆಡೆವ್ ಮಂಡಿಯೂರಿದರು.ಇದರೊಂದಿಗೆ 2021ರ ಯುಎಸ್ ಓಪನ್ ಚಾಂಪಿಯನ್ ಮೆಡ್ವೆಡೆವ್ರ ಆಸ್ಟ್ರೇಲಿಯನ್ ಓಪನ್ ಪ್ರಶಸ್ತಿ ಕನಸು 3ನೇ ಬಾರಿಯೂ ಭಗ್ನಗೊಂಡಿತು. ಈ ಮೊದಲು 2021, 2022ರಲ್ಲಿ ಕ್ರಮವಾಗಿ ಜೋಕೋವಿಚ್, ರಾಫೆನ್ ನಡಾಲ್ ವಿರುದ್ಧ ಫೈನಲ್ನಲ್ಲಿ ಸೋತಿದ್ದರು.
ಸಿನ್ನರ್ ಗ್ರ್ಯಾನ್ಸ್ಲಾಂ ಸಿಂಗಲ್ಸ್ ಪ್ರಶಸ್ತಿ ಗೆದ್ದ ಇಟಲಿಯ 3ನೇ ಟೆನಿಸಿಗ. ನಿಕೋಲ್ ಪೀಟ್ರಾಂಗೆಲಿ 1959, 1960ರಲ್ಲಿ, ಆಡ್ರಿಯಾನೊ ಪನಾಟ್ಟ 1976ರಲ್ಲಿ ಫ್ರೆಂಚ್ ಓಪನ್ ಗೆದ್ದಿದ್ದರು.