ಇಂದು ಮುಂಬೈ ಇಂಡಿಯನ್ಸ್ vs ಗುಜರಾತ್ ಟೈಟಾನ್ಸ್ ಮೆಗಾ ಫೈಟ್
;Resize=(412,232))
ಸಾರಾಂಶ
ಹಾರ್ದಿಕ್ ಪಾಂಡ್ಯ- ಶುಭ್ಮನ್ ಗಿಲ್ಗೆ ನಾಯಕತ್ವದ ಅಗ್ನಿಪರೀಕ್ಷೆ. ಕಮ್ಬ್ಯಾಕ್ ಪಂದ್ಯ ಕೂಡಾ ಆಗಿರುವುದರಿಂದ ಹಾರ್ದಿಕ್ಗೆ ಟಿ20 ವಿಶ್ವಕಪ್ಗೂ ಮುನ್ನ ತಮ್ಮ ಸಾಮರ್ಥ್ಯ ಪ್ರದರ್ಶಿಸಬೇಕಾದ ಅನಿರ್ವಾಯತೆ.
ಅಹಮದಾಬಾದ್: ಐಪಿಎಲ್ನ ಅತ್ಯಂತ ಯಶಸ್ವಿ ತಂಡ ಎನಿಸಿಕೊಂಡಿರುವ ಮುಂಬೈ ಇಂಡಿಯನ್ಸ್ 17ನೇ ಆವೃತ್ತಿ ಐಪಿಎಲ್ನಲ್ಲಿ ಶುಭಾರಂಭದ ನಿರೀಕ್ಷೆಯಲ್ಲಿದ್ದು, ಭಾನುವಾರ ಗುಜರಾತ್ ಟೈಟಾನ್ಸ್ ವಿರುದ್ಧ ಸೆಣಸಾಡಲಿದೆ. ಈ ಪಂದ್ಯ ನಾಯಕತ್ವದ ವಿಚಾರದಲ್ಲಿ ಅತ್ಯಂತ ಮಹತ್ವದ್ದು ಎನಿಸಿದೆ.
5 ಬಾರಿ ಮುಂಬೈಯನ್ನು ಚಾಂಪಿಯನ್ ಪಟ್ಟಕ್ಕೇರಿಸಿದ್ದ ರೋಹಿತ್ ಈ ಬಾರಿ ನಾಯಕನಲ್ಲ. ಮುಂಬೈ ತೊರೆದು 2022ರಲ್ಲಿ ಗುಜರಾತ್ಗೆ ತಮ್ಮದೇ ನಾಯಕತ್ವದಲ್ಲಿ ಪ್ರಶಸ್ತಿ ತಂದುಕೊಟ್ಟಿದ್ದ ಹಾರ್ದಿಕ್ ಪಾಂಡ್ಯ ಈಗ ಮತ್ತೆ ಮುಂಬೈಗೆ ಮರಳಿ ತಂಡದ ಸಾರಥ್ಯ ವಹಿಸುತ್ತಿದ್ದಾರೆ.
ರೋಹಿತ್ ಸೇರಿದಂತೆ ಹಲವು ಹಿರಿಯರಿರುವ ಮುಂಬೈನಲ್ಲಿ ಹಾರ್ದಿಕ್ ಯಶಸ್ವಿಯಾಗುತ್ತಾರೊ ಎಂಬ ಕುತೂಹಲವಿದೆ. ಕಮ್ಬ್ಯಾಕ್ ಪಂದ್ಯ ಕೂಡಾ ಆಗಿರುವುದರಿಂದ ಹಾರ್ದಿಕ್ಗೆ ಟಿ20 ವಿಶ್ವಕಪ್ಗೂ ಮುನ್ನ ತಮ್ಮ ಸಾಮರ್ಥ್ಯ ಪ್ರದರ್ಶಿಸಬೇಕಾದ ಅನಿರ್ವಾಯತೆ ಇದೆ.
ಅತ್ತ ಗುಜರಾತ್ಗೆ ಈ ಬಾರಿ ಶುಭ್ಮನ್ ಗಿಲ್ ನಾಯಕ. ಕಳೆದೆರಡು ಬಾರಿಯೂ ಫೈನಲ್ಗೇರಿರುವ ತಂಡವನ್ನು ಈ ಬಾರಿಯೂ ಪ್ರಶಸ್ತಿ ಸುತ್ತಿಗೇರಿಸುವ ಹೊಣೆಗಾರಿಕೆ ಗಿಲ್ ಹೆಗಲ ಮೇಲೆ ಇದೆ.
ಒಟ್ಟು ಮುಖಾಮುಖಿ: 04
ಮುಂಬೈ: 02 ಗುಜರಾತ್: 02
ಸಂಭವನೀಯ ಆಟಗಾರರ ಪಟ್ಟಿ ಮುಂಬೈ: ರೋಹಿತ್, ಇಶಾನ್, ತಿಲಕ್, ಟಿಮ್ ಡೇವಿಡ್, ಹಾರ್ದಿಕ್(ನಾಯಕ), ನಬಿ, ನೇಹಲ್, ಕೋಟ್ಜೀ, ಬೂಮ್ರಾ, ಚಾವ್ಲಾ, ನುವಾನ್ ತುಷಾರ.
ಗುಜರಾತ್: ಗಿಲ್(ನಾಯಕ), ವಿಲಿಯಮ್ಸನ್, ಸುದರ್ಶನ್, ಮಿಲ್ಲರ್, ತೆವಾಟಿಯಾ, ಶಾರುಖ್, ವಿಜಯ್, ರಶೀದ್, ಸ್ಪೆನ್ಸರ್, ಕಿಶೋರ್, ಮೋಹಿತ್ಪಂದ್ಯ: ಸಂಜೆ 7.30ಕ್ಕೆ, ನೇರ ಪ್ರಸಾರ: ಸ್ಟಾರ್ ಸ್ಪೋರ್ಟ್ಸ್/ಜಿಯೋ ಸಿನಿಮಾ