ದಕ್ಷಿಣ ವಲಯ ಈಜು ಚಾಂಪಿಯನ್ಶಿಪ್ನಲ್ಲಿ ಕರ್ನಾಟಕ ಚಾಂಪಿಯನ್
KannadaprabhaNewsNetwork |
Published : Dec 30, 2023, 01:15 AM IST
ಸಾರಾಂಶ
ದಕ್ಷಿಣ ವಲಯ ಈಜು ಚಾಂಪಿಯನ್ಶಿಪ್ನಲ್ಲಿ ಕರ್ನಾಟಕ ಚಾಂಪಿಯನ್. 80 ಚಿನ್ನ ಸೇರಿ ಒಟ್ಟು 172 ಪದಕಗಳನ್ನು ಬಾಚಿಕೊಂಡ ಕರ್ನಾಟಕದ ಈಜುಪಟುಗಳು.
ಕನ್ನಡಪ್ರಭ ವಾರ್ತೆ ಬೆಂಗಳೂರು
ಕರ್ನಾಟಕ ಒಟ್ಟಾರೆ 80 ಚಿನ್ನ, 62 ಬೆಳ್ಳಿ, 30 ಕಂಚು ಸೇರಿ 172 ಪದಕಗಳನ್ನು ಜಯಿಸಿತು. 6 ರಾಜ್ಯಗಳ ನೂರಾರು ಸ್ಪರ್ಧಿಗಳು ಪಾಲ್ಗೊಂಡಿದ್ದ ಕೂಟದಲ್ಲಿ ಕರ್ನಾಟಕದ ಹಲವು ಈಜುಪಟುಗಳು ಕೂಟ ದಾಖಲೆಗಳನ್ನು ಬರೆದರು.
11 ಚಿನ್ನ, 14 ಬೆಳ್ಳಿ, 12 ಕಂಚು ಸೇರಿ ಒಟ್ಟು 37 ಪದಕ ಗೆದ್ದ ತೆಲಂಗಾಣ 2ನೇ ಸ್ಥಾನ ಪಡೆದರೆ, 8 ಚಿನ್ನ, 17 ಬೆಳ್ಳಿ, 24 ಕಂಚಿನ ಪದಗಳೊಂದಿಗೆ ಒಟ್ಟು 49 ಪದಕಗಳನ್ನು ಜಯಿಸಿದ ಕೇರಳ ತಂಡ 3ನೇ ಸ್ಥಾನಿಯಾಯಿತು.4ನೇ ಸ್ಥಾನ ಪಡೆದ ತಮಿಳುನಾಡು 5 ಚಿನ್ನ 8 ಬೆಳ್ಳಿ, 31 ಕಂಚಿನೊಂದಿಗೆ ಒಟ್ಟು 44 ಪದಕ ಪಡೆದರೆ, 2 ಚಿನ್ನ, 6 ಬೆಳ್ಳಿ, 7 ಕಂಚಿನ ಪದಕಗಳೊಂದಿಗೆ ಒಟ್ಟು 15 ಪದಕಗಳನ್ನು ಜಯಿಸಿದ ಆಂಧ್ರ ಪ್ರದೇಶ 5ನೇ ಸ್ಥಾನಕ್ಕೆ ತೃಪ್ತಿಪಟ್ಟಿತು. ಕೇವಲ 1 ಕಂಚಿನ ಪದಕ ಪಡೆದ ಪುದುಚೇರಿ ಕೊನೆಯ ಸ್ಥಾನ ಗಳಿಸಿತು.
ವಾಟರ್ ಪೋಲೋ ಸ್ಪರ್ಧೆಯಲ್ಲಿ ಕರ್ನಾಟಕದ ಬಾಲಕ ಹಾಗೂ ಬಾಲಕಿಯರ ತಂಡಗಳೆರಡೂ 2ನೇ ಸ್ಥಾನ ಪಡೆದವು.Get the latest sports news in Kannada (ಕ್ರೀಡಾ ಸುದ್ದಿ) — live cricket scores, football highlights, tennis, badminton, and updates on all major sports events. Stay ahead with Kannada Prabha’s full-coverage sports reporting.