ದಕ್ಷಿಣ ಆಫ್ರಿಕಾ ವಿರುದ್ಧ 92 ವರ್ಷದಲ್ಲೇ ಮೊದಲ ಬಾರಿ ಟೆಸ್ಟ್ ಸರಣಿ ಗೆದ್ದ ನ್ಯೂಜಿಲೆಂಡ್
KannadaprabhaNewsNetwork |
Published : Feb 17, 2024, 01:16 AM IST
ಸಾರಾಂಶ
ಟೆಸ್ಟ್ ಕ್ರಿಕೆಟ್ ಇತಿಹಾಸದಲ್ಲೇ ದಕ್ಷಿಣ ಆಫ್ರಿಕಾ ವಿರುದ್ಧ ನ್ಯೂಜಿಲೆಂಡ್ ಮೊತ್ತ ಮೊದಲ ಸರಣಿ ಗೆಲುವು ದಾಖಲಿಸಿದೆ.
ಹ್ಯಾಮಿಲ್ಟನ್ (ನ್ಯೂಜಿಲೆಂಡ್): ಟೆಸ್ಟ್ ಕ್ರಿಕೆಟ್ ಇತಿಹಾಸದಲ್ಲೇ ದಕ್ಷಿಣ ಆಫ್ರಿಕಾ ವಿರುದ್ಧ ನ್ಯೂಜಿಲೆಂಡ್ ಮೊತ್ತ ಮೊದಲ ಟೆಸ್ಟ್ ಸರಣಿ ಗೆಲುವು ದಾಖಲಿಸಿದೆ. ಶುಕ್ರವಾರ ಕೊನೆಗೊಂಡ 2ನೇ ಟೆಸ್ಟ್ನಲ್ಲಿ ಕಿವೀಸ್ 7 ವಿಕೆಟ್ ಜಯಗಳಿಸಿತು.ಇದು 92 ವರ್ಷಗಳಲ್ಲಿ, 18 ಸರಣಿಗಳಲ್ಲಿ ಕಿವೀಸ್ಗೆ ಸಿಕ್ಕ ಮೊದಲ ಗೆಲುವು. 267 ರನ್ ಗುರಿ ಬೆನ್ನಟ್ಟಿದ ಕಿವೀಸ್ಗೆ ವಿಲಿಯಮ್ಸನ್(133) ಹಾಗೂ ಯಂಗ್ (60) ಅಮೋಘ ಆಟದ ಮೂಲಕ ಗೆಲುವು ಲಭಿಸಿತು. ಇದರೊಂದಿಗೆ ಸರಣಿಯನ್ನು 2-0 ಅಂತರದಲ್ಲಿ ಕೈವಶಪಡಿಸಿಕೊಂಡಿತು.ಮೊದಲ ಇನ್ನಿಂಗ್ಸ್ನಲ್ಲಿ ದಕ್ಷಿಣ ಆಫ್ರಿಕಾ 31 ರನ್ ಮುನ್ನಡೆ ಸಾಧಿಸಿತು ಮತ್ತು ತನ್ನ 2ನೇ ಇನ್ನಿಂಗ್ಸ್ನಲ್ಲಿ 235 ರನ್ ಗಳಿಸಿ, 267ರನ್ಗಳ ಗೆಲುವಿನ ನೀಡಿತ್ತು. 3 ನೇ ದಿನದಂತ್ಯಕ್ಕೆ 1 ವಿಕೆಟ್ಗೆ 40 ಗಳಿಸಿದ್ದ ನ್ಯೂಜಿಲೆಂಡ್ಗೆ ಜಯಗಳಿಸಲು 227 ರನ್ಗಳ ಅಗತ್ಯವಿತ್ತು.
Get the latest sports news in Kannada (ಕ್ರೀಡಾ ಸುದ್ದಿ) — live cricket scores, football highlights, tennis, badminton, and updates on all major sports events. Stay ahead with Kannada Prabha’s full-coverage sports reporting.