ಟಿ20 ವಿಶ್ವಕಪ್‌: ಸೂಪರ್‌-8 ಹಂತದ ಎಲ್ಲ ಪಂದ್ಯಗಳಿಗೂ ಮಳೆ ಭೀತಿ!

ಬ್ರಿಡ್ಜ್‌ಟೌನ್‌: 2024ರ ಐಸಿಸಿ ಟಿ20 ವಿಶ್ವಕಪ್‌ನಲ್ಲಿ ಈಗಾಗಲೇ ಹಲವು ಪಂದ್ಯಗಳಿಗೆ ಮಳೆ ಅಡ್ಡಿಪಡಿಸಿದ್ದು, 4 ಪಂದ್ಯಗಳು ರದ್ದಾಗಿವೆ.

ಜೂ.18ಕ್ಕೆ ಗುಂಪು ಹಂತ ಮುಕ್ತಾಯಗೊಳ್ಳುವ, 19ರಿಂದ ಸೂಪರ್‌-8 ಹಂತ ಶುರುವಾಗಬೇಕಿದೆ. ಆದರೆ ವಿಂಡೀಸ್‌ನಲ್ಲಿ ನಡೆಯಬೇಕಿರುವ ಸೂಪರ್‌-8 ಹಂತದ ಎಲ್ಲಾ 12 ಪಂದ್ಯಗಳಿಗೂ ಮಳೆ ಅಡ್ಡಿಯಾಗುವ ಸಾಧ್ಯತೆ ಇದೆ ಎಂದು ಸ್ಥಳೀಯ ಹವಾಮಾನ ಇಲಾಖೆ ಮಾಹಿತಿ ನೀಡಿದೆ ಎಂದು ಮಾಧ್ಯಮಗಳು ವರದಿ ಮಾಡಿವೆ.

ಅದರಲ್ಲೂ ಜೂ.24ರಂದು ನಡೆಯಬೇಕಿರುವ ಭಾರತ ಹಾಗೂ ಆಸ್ಟ್ರೇಲಿಯಾ ನಡುವಿನ ಪಂದ್ಯ ಮಳೆಯಿಂದಾಗಿ ರದ್ದಾಗುವ ಸಾಧ್ಯತೆಯೇ ಹೆಚ್ಚು ಎಂದು ಹೇಳಲಾಗುತ್ತಿದೆ.