ಹೈದ್ರಾಬಾದ್‌ನಲ್ಲಿ ಪ್ರೊ ಕಬಡ್ಡಿ ಲೀಗ್ ಫೈನಲ್‌

ಮುಂಬೈ: ಪ್ರೊ ಕಬಡ್ಡಿ ಲೀಗ್ (ಪಿಕೆಎಲ್) 10ನೇ ಆವೃತ್ತಿಯ ಪ್ಲೇ ಆಫ್ ಮತ್ತು ಫೈನಲ್ ಪಂದ್ಯಗಳು ಫೆಬ್ರವರಿ 26ರಿಂದ ಮಾರ್ಚ್ 1ರವರೆಗೆ ಹೈದರಾಬಾದ್‌ನ ಗಚಿಬೌಲಿ ಒಳಾಂಗಣ ಕ್ರೀಡಾಂಗಣದಲ್ಲಿ (ಜಿಎಂಸಿ ಬಾಲಯೋಗಿ ಒಳಾಂಗಣ ಕ್ರೀಡಾಂಗಣ) ನಡೆಯಲಿವೆ ಎಂದು ಪ್ರೊ ಕಬಡ್ಡಿ ಲೀಗ್ (ಪಿಕೆಎಲ್) ಸಂಘಟಕರಾದ ಮಶಾಲ್ ಸ್ಪೋರ್ಟ್ಸ್ ಪ್ರಕಟಿಸಿದೆ.

ಲೀಗ್ ಹಂತದಲ್ಲಿ ಅಗ್ರ ಎರಡು ತಂಡಗಳು ನೇರವಾಗಿ ಸೆಮಿಫೈನಲ್ ಗೆ ಅರ್ಹತೆ ಪಡೆಯುತ್ತವೆ, ಏತನ್ಮಧ್ಯೆ, ಮೂರನೇ, ನಾಲ್ಕನೇ, ಐದನೇ ಮತ್ತು ಆರನೇ ತಂಡಗಳು 2024ರ ಫೆಬ್ರವರಿ 26 ರಂದು ಎಲಿಮಿನೇಟರ್ ಹಂತದಲ್ಲಿ ಮುಖಾಮುಖಿಯಾಗಲಿವೆ.

ಮೂರನೇ ಸ್ಥಾನ ಪಡೆಯುವ ತಂಡ ಎಲಿಮಿನೇಟರ್ 1ರಲ್ಲಿ ಆರನೇ ಸ್ಥಾನ ಪಡೆಯುವ ತಂಡವನ್ನು ಎದುರಿಸಲಿದೆ. ನಾಲ್ಕನೇ ಸ್ಥಾನ ಪಡೆಯುವ ತಂಡ ಎಲಿಮಿನೇಟರ್ 2ರಲ್ಲಿ ಐದನೇ ಸ್ಥಾನ ಪಡೆಯುವ ತಂಡವನ್ನು ಎದುರಿಸಲಿದೆ. 

ಎಲಿಮಿನೇಟರ್ 1 ರ ವಿಜೇತರು ಸೆಮಿಫೈನಲ್ 1ರಲ್ಲಿ ಟೇಬಲ್ ಟಾಪರ್ ಗಳ ವಿರುದ್ಧ ಮತ್ತು ಎಲಿಮಿನೇಟರ್ 2 ರ ವಿಜೇತರು 2024 ರ ಫೆಬ್ರವರಿ 28ರಂದು ಸೆಮಿಫೈನಲ್ 2 ರಲ್ಲಿ ಎರಡನೇ ಸ್ಥಾನ ಪಡೆದ ತಂಡವನ್ನು ಎದುರಿಸಲಿದ್ದಾರೆ. 

ನಂತರ, ಗ್ರ್ಯಾಂಡ್ ಫಿನಾಲೆ ಮಾರ್ಚ್ 1ರಂದು ನಡೆಯಲಿದೆ.ಪ್ರೊ ಕಬಡ್ಡಿ ಲೀಗ್ ನ ಆಯುಕ್ತ ಅನುಪಮ್ ಗೋಸ್ವಾಮಿ ಮಾತನಾಡಿ, ಪಿಕೆಎಲ್ 10ನೇ ಆವೃತ್ತಿಯ ಲೀಗ್ ಹಂತವು ನಮ್ಮ ಲೀಗ್ ನ ಅತ್ಯುತ್ತಮ ಅಂಶಗಳಾದ ಸ್ಪರ್ಧೆಯ ಗುಣಮಟ್ಟ ಮತ್ತು ಅಭಿಮಾನಿ ಮತ್ತು ವೀಕ್ಷಕರ ಪಾಲ್ಗೊಳ್ಳುವಿಕೆಯನ್ನು ಪ್ರದರ್ಶಿಸಿದೆ. 

ಈಗ, ಹೈದರಾಬಾದ್ ನ ಬೃಹತ್ ಕಬಡ್ಡಿ ಪ್ರೇಮಿ ಸಮುದಾಯವು ಸೀಸನ್ 10 ಪ್ಲೇ ಆಫ್ಸ್ ಮತ್ತು ಫಿನಾಲೆಗೆ ಭಾವೋದ್ರಿಕ್ತ ಮತ್ತು ಅದ್ಭುತ ಬೆಂಬಲ ಸಿಗಲಿದೆ ಎಂದು ನಮಗೆ ಸಂಪೂರ್ಣ ಖಾತ್ರಿಯಿದೆ.

ಅಮೆಚೂರ್ ಕಬಡ್ಡಿ ಫೆಡರೇಶನ್ ಆಫ್ ಇಂಡಿಯಾದ (ಎಕೆಎಫ್ಐ) ಆಶ್ರಯದಲ್ಲಿ ಮತ್ತು ಅನುಮೋದನೆಯಡಿಯಲ್ಲಿ, ಮಶಾಲ್ ಸ್ಪೋರ್ಟ್ಸ್ ಮತ್ತು ಡಿಸ್ನಿ ಸ್ಟಾರ್ ಪಿಕೆಎಲ್ ಅನ್ನು ಭಾರತದ ಅತ್ಯಂತ ಯಶಸ್ವಿ ಕ್ರೀಡಾ ಲೀಗ್ ಗಳಲ್ಲಿ ಒಂದಾಗಿ ನಿರ್ಮಿಸಿವೆ. 

ಈ ಸ್ಪರ್ಧೆಯು ಭಾರತದ ಎಲ್ಲಾ ಕ್ರೀಡಾ ಲೀಗ್ ಗಳಲ್ಲಿ ಅತಿ ಹೆಚ್ಚು ಪಂದ್ಯಗಳನ್ನು ಒಳಗೊಂಡಿದೆ. ಪ್ರೊ ಕಬಡ್ಡಿ ಲೀಗ್ ಭಾರತದ ದೇಶೀಯ ಕ್ರೀಡೆಯಾದ ಕಬಡ್ಡಿ ಮತ್ತು ಅದರ ಕ್ರೀಡಾಪಟುಗಳ ಚಿತ್ರಣವನ್ನು ರಾಷ್ಟ್ರೀಯ ಮತ್ತು ಜಾಗತಿಕವಾಗಿ ಪರಿವರ್ತಿಸಿದೆ.

ಪ್ರೊ ಕಬಡ್ಡಿ ಲೀಗ್ ನ ಸೀಸನ್ 10 ಅನ್ನು ಸ್ಟಾರ್ ಸ್ಪೋರ್ಟ್ಸ್ ನೆಟ್ ವರ್ಕ್ ನಲ್ಲಿ ನೇರ ಪ್ರಸಾರ ಮಾಡಲಾಗುತ್ತಿದೆ ಮತ್ತು ಡಿಸ್ನಿ + ಹಾಟ್ ಸ್ಟಾರ್ ನಲ್ಲಿ ಉಚಿತವಾಗಿ ಪ್ರಸಾರ ಮಾಡಲಾಗುತ್ತಿದೆ. ಎಂದು ಹೇಳಿದ್ದಾರೆ.