ಬೈಡೆನ್ ಅಧ್ಯಕ್ಷ ಆಗುವಷ್ಟು ಆರೋಗ್ಯವಂತ: ವೈದ್ಯಕೀಯ ವರದಿ

ಬೆಥೆಸ್ಡಾ (ಅಮೆರಿಕ): ಮರೆವಿನ ಖಾಯಿಲೆಯಿಂದ ಬಳಲುತ್ತಿದ್ದಾರೆ ಎಂಬ ವದಂತಿಗಳ ನಡುವೆಯೇ ಅಮೆರಿಕ ಅಧ್ಯಕ್ಷ ಜೋ ಬೈಡೆನ್‌ ತಮ್ಮ ಆಡಳಿತಾತ್ಮಕ ಕೆಲಸ ಮಾಡಲು ಸಂಪೂರ್ಣ ಆರೋಗ್ಯವಂತರಾಗಿದ್ದಾರೆ ಎಂದು ವಾರ್ಷಿಕ ವೈದ್ಯಕೀಯ ತಪಾಸಣಾ ವರದಿಯಲ್ಲಿ ಉಲ್ಲೇಖಿಸಲಾಗಿದೆ.

ಅಮೆರಿಕದ ಅತ್ಯಂತ ಹಿರಿಯ ವಯಸ್ಸಿನ (81) ಅಧ್ಯಕ್ಷರಾಗಿರುವ ಬೈಡೆನ್‌ ಅವರನ್ನು ಸುಮಾರು ಎರಡೂವರೆ ಗಂಟೆಗಳ ಕಾಲ ಡಾ. ಕೆವಿನ್‌ ಒ ಕೊನೊರ್‌ ನೇತೃತ್ವದಲ್ಲಿ ತಪಾಸಣೆ ಮಾಡಲಾಯಿತು. ಬೈಡೆನ್‌ ಆಡಳಿತಾತ್ಮಕ ಕೆಲಸ ಮಾಡುವಷ್ಟು ಶಕ್ತರಾಗಿದ್ದಾರೆ. ಅಲ್ಲದೆ ಅವರು ವಾರಕ್ಕೆ ಐದು ಬಾರಿ ವ್ಯಾಯಾಮ ಮಾಡುತ್ತಿದ್ದು, ಗಮನಾರ್ಹ ಸಮಸ್ಯೆಗಳಿಲ್ಲ ಎಂದು ವರದಿ ಹೇಳಿದೆ.