ಸದಾ ರಣಬಿಸಿಲಿಗೆ ಸಾಕ್ಷಿಯಾಗಿರುವ ಸೌದಿ ಅರೇಬಿಯಾದ ಅಲ್‌-ಜಾಫ್‌ ಮರುಭೂಮಿಯಲ್ಲಿ ಹಿಮಪಾತ!

ರಿಯಾದ್‌: ಸದಾ ರಣಬಿಸಿಲಿಗೆ ಸಾಕ್ಷಿಯಾಗಿರುವ ಸೌದಿ ಅರೇಬಿಯಾದ ಅಲ್‌-ಜಾಫ್‌ ಮರುಭೂಮಿಯಲ್ಲಿ ಇದೇ ಮೊದಲ ಬಾರಿಗೆ ಭಾರೀ ಹಿಮಪಾತವಾಗಿದೆ. ಜೊತೆಗೆ ಧಾರಾಕಾರ ಮಳೆ ಹಾಗೂ ಆಲಿಕಲ್ಲು ಮಳೆ ಸುರಿದಿದೆ. ಇದರಿಂದ ಮರಳುಗಾಡಿನಲ್ಲಿ ಅಲ್ಲಲ್ಲಿ ಜಲಪಾತಗಳು ಸೃಷ್ಟಿಯಾಗಿವೆ. ಈ ದೃಶ್ಯದಿಂದ ಅಲ್ಲಿನ ನಿವಾಸಿಗಳು ಆಶ್ಚರ್ಯಚಕಿತರಾಗಿದ್ದಾರೆ.

ಹವಾಮಾನ ಇಲಾಖೆ ಅಧಿಕಾರಿಗಳ ಪ್ರಕಾರ ಅರೇಬಿಯನ್‌ ಸಮುದ್ರದಲ್ಲಿ ವಾಯುಭಾರ ಕುಸಿತ ಉಂಟಾಗಿದ್ದು, ಅದು ಒಮಾನ್‌ ಕಡೆ ಸಾಗಿದೆ. ಪರಿಣಾಮವಾಗಿ ಹವಾಮಾನ ಬದಲಾವಣೆಯಾಗಿದ್ದು, ಮಳೆ ಹಾಗೂ ಹಿಮಪಾತ ಸಂಭವಿಸಿದೆ.

ಈ ಹಿನ್ನೆಲೆಯಲ್ಲಿ ಇನ್ನೂ ಕೆಲ ದಿನಗಳು ಗುಡುಗು ಸಹಿತ ಭಾರೀ ಮಳೆ, ಆಲಿಕಲ್ಲು, ಬಿರುಗಾಳಿ ಸಂಭವಿಸುವ ಎಚ್ಚರಿಕೆ ನೀಡಲಾಗಿದೆ.