ಭುವನಂ ಗಗನಂ ಟೀಸರ್ ಬಿಡುಗಡೆ ಮಾಡಿದ ಧ್ರುವ ಸರ್ಜಾ

ಕನ್ನಡಪ್ರಭ ಸಿನಿವಾರ್ತೆ

ಧ್ರುವ ಸರ್ಜಾ ‘ಭುವನಂ ಗಗನಂ’ ಚಿತ್ರದ ಟೀಸರ್ ಬಿಡುಗಡೆ ಮಾಡಿ ಚಿತ್ರತಂಡಕ್ಕೆ ಶುಭ ಕೋರಿದ್ದಾರೆ. ಪ್ರಮೋದ್‌ ಹಾಗೂ ಪೃಥ್ವಿ ಅಂಬಾರ್‌ ನಟನೆಯ ಈ ಚಿತ್ರವನ್ನು ಎಂ ಮುನೇಗೌಡ ನಿರ್ಮಿಸಿದ್ದು, ಗಿರೀಶ್ ಮೂಲಿಮನಿ ನಿರ್ದೇಶಿಸಿದ್ದಾರೆ.‌

ಇದು ಪ್ರೀತಿ- ಪ್ರೇಮ ಹಾಗೂ ಫ್ಯಾಮಿಲಿ ಎಮೋಷನ್‌ ಕತೆ ಇರುವ ಚಿತ್ರ. ರೆಚೆಲ್‌ ಡೇವಿಡ್‌ ಹಾಗೂ ಅಶ್ವಥಿ ನಾಯಕಿಯರು. ಪ್ರಮೋದ್ ಮಾತನಾಡಿ, ‘ನಾನು ತುಂಬಾ ಇಷ್ಟಪಟ್ಟು ಒಪ್ಪಿಕೊಂಡ ಸಿನಿಮಾ ಇದು. ನಾವು ಅಂದುಕೊಂಡಂತೆ ಸಿನಿಮಾ ಮೂಡಿ ಬಂದಿದೆ. ಎಲ್ಲರಿಗೂ ಸಿನಿಮಾ ಇಷ್ಟವಾಗುತ್ತದೆ’ ಎಂದರು.

ನಟ ನೆನಪಿರಲಿ ಪ್ರೇಮ್, ನಿರ್ದೇಶಕ ಸಿಂಪಲ್‌ ಸುನಿ ಉಪಸ್ಥಿತರಿದ್ದರು. ಅಚ್ಯುತ್‌ ಕುಮಾರ್‌, ಶರತ್‌ ಲೋಹಿತಾಶ್ವ, ಪ್ರಕಾಶ್‌ ತುಮ್ಮಿನಾಡು, ಸಿದ್ಲಿಂಗು ಶ್ರೀಧರ್‌, ಹರಿಣಿ, ಸ್ಪರ್ಶ ರೇಖಾ ನಟಿಸಿದ್ದಾರೆ. ಉದಯ್ ಲೀಲಾ ಕ್ಯಾಮೆರಾ, ಗುಮ್ಮಿನೇನಿ ವಿಜಯ್ ಸಂಗೀತ ಇದೆ.