ಸ್ವಿಟ್ಜರ್‌ಲ್ಯಾಂಡ್‌ಗೆ ಹೋಗಿ ಬಂದ ಸಂಜು ವೆಡ್ಸ್‌ ಗೀತಾ 2 ತಂಡ

ಕನ್ನಡಪ್ರಭ ಸಿನಿವಾರ್ತೆ

ಶ್ರೀನಗರ ಕಿಟ್ಟಿ ಹಾಗೂ ರಚಿತಾ ರಾಮ್‌ ಜೋಡಿಯ ‘ಸಂಜು ವೆಡ್ಸ್‌ ಗೀತಾ 2’ ಚಿತ್ರ ಶೂಟಿಂಗ್‌ ಮುಕ್ತಾಯದ ಹಂತಕ್ಕೆ ಬಂದಿದೆ. ಚಿತ್ರತಂಡ ಸ್ವಿಟ್ಜರ್‌ಲ್ಯಾಂಡ್‌ನಲ್ಲಿ ಹಾಡುಗಳ ಚಿತ್ರೀಕರಣ ಮಾಡಿಕೊಂಡು ಬಂದಿದ್ದು, ಈಗ ಹಾಡುಗಳ ಮೇಕಿಂಗ್‌ ವಿಡಿಯೋ ಬಿಡುಗಡೆ ಆಗಿದೆ.

ಈ ಸಂದರ್ಭದಲ್ಲಿ ನಿರ್ದೇಶಕ ನಾಗಶೇಖರ್‌, ‘ಸ್ವಿಟ್ಜರ್‌ಲ್ಯಾಂಡ್‌ನಲ್ಲಿ ಎರಡು ಹಾಡುಗಳ ಚಿತ್ರೀಕರಣ ಮಾಡಿದ್ದೇವೆ. ಮೊದಲ ಭಾಗಕ್ಕಿಂತ ಪಾರ್ಟ್‌ 2 ಸಿನಿಮಾ ತುಂಬಾ ಚೆನ್ನಾಗಿ ಬರಲಿದೆ’ ಎಂದರು.

ನಿರ್ಮಾಪಕ ಚಲವಾದಿ ಕುಮಾರ್‌, ‘ನಾಗಶೇಖರ್‌ ನನ್ನ ಇಂಜಿನಿಯರಿಂಗ್‌ ಕ್ಲಾಸ್‌ಮೇಟ್‌. ಅವರ ಮೇಲೆ ನನಗೆ ತುಂಬಾ ನಂಬಿಕೆ ಇದೆ. ಸಂಜು ವೆಡ್ಸ್‌ ಗೀತಾ 2 ಒಳ್ಳೆಯ ಸಿನಿಮಾ ಆಗಲಿದೆ’ ಎಂದರು.

ರಚಿತಾ ರಾಮ್, ಶ್ರೀನಗರ ಕಿಟ್ಟಿ ಇದ್ದರು. ಶ್ರೀಧರ್ ವಿ ಸಂಭ್ರಮ್‌ ಸಂಗೀತ ಚಿತ್ರಕ್ಕಿದೆ. ಅತಿಥಿಗಳಾಗಿದ್ದ ಎಸ್‌ ಮಹೇಂದರ್‌, ಶರಣ್ ಚಿತ್ರತಂಡಕ್ಕೆ ಶುಭ ಕೋರಿದರು.