ಅಂಬಾನಿ ಕುಟುಂಬದ ಮುದ್ದಿನ ಶ್ವಾನ ತಿರುಗಾಡಲು 4 ಕೋಟಿಮೌಲ್ಯದ ಮರ್ಸಿಡಿಸ್‌ ಕಾರು ಖರೀದಿ!

ಮುಂಬೈ : ಇಡೀ ಜಗತ್ತೇ ತಿರುಗಿ ನೋಡುವಂತೆ 5000 ಕೋಟಿ ರು.ಗೂ ಹೆಚ್ಚಿನ ವೆಚ್ಚದಲ್ಲಿ ಮಗನ ಮದುವೆ ಮಾಡಿಸಿದ ಅಂಬಾನಿ ಕುಟುಂಬ ಇದೀಗ ತನ್ನ ಮುದ್ದಿನ ಶ್ವಾನ ಹ್ಯಾಪಿ ಕಾರಣಕ್ಕೆ ಸುದ್ದಿಯಾಗುತ್ತಿದೆ. 

ಮುಕೇಶ್ ಅಂಬಾನಿ ಮನೆತನದ ಪ್ರೀತಿಯ ನಾಯಿಯ ಓಡಾಟಕ್ಕೆ ಅಂತಲೇ ಅಂಬಾನಿ ಕುಟುಂಬ ಬರೋಬ್ಬರಿ 4 ಕೋಟಿ ಮೌಲ್ಯದ ಮರ್ಸಿಡಿಸ್‌ ಐಷಾರಾಮಿ ಕಾರನ್ನು ಬಳಸುತ್ತಿದ್ದು, ‘ಹ್ಯಾಪಿ’ಯ ಭದ್ರತೆಗಾಗಿ ಇದರಲ್ಲಿ ಸಾಕಷ್ಟು ವ್ಯವಸ್ಥೆಗಳನ್ನುಮಾಡಲಾಗಿದೆ. ಈ ಹಿಂದೆ ಟೊಯೊಟೊ ಫಾರ್ಚೂನರ್ ಮತ್ತು ಟೊಯೊಟೊ ವೆಲ್‌ಫೈರ್‌ನಲ್ಲಿ ಪ್ರಯಾಣಿಸುತ್ತಿತ್ತು.

ಇತ್ತೀಚೆಗೆ G400d SUV ದುಬಾರಿ ಕಾರಿನ ಚಿತ್ರಗಳು ಆನ್‌ಲೈನ್‌ನಲ್ಲಿ ಕಾಣಿಸಿಕೊಂಡವು, ಇದನ್ನು ಆಟೋಮೊಬಿಲಿ ಆರ್ಡೆಂಟ್ ಇಂಡಿಯಾ Instagram ನಲ್ಲಿ ಹಂಚಿಕೊಂಡಿದೆ. ಅಂಬಾನಿ ಕುಟುಂಬವು G63 AMG SUV ಗಳ ಫ್ಲೀಟ್‌ಗೆ ಹೆಸರುವಾಸಿಯಾಗಿದೆ, ಈ ಕಾರು ಅವರ ಭದ್ರತಾ ಬೆಂಗಾವಲಿನ ಭಾಗವಾಗಿದೆ. ಅವರು ಹಲವಾರು G63 AMG ಮಾದರಿಗಳನ್ನು ಹೊಂದಿದ್ದರೂ ಸಹ ಇದೀಗ G400d ಮತ್ತೊಂದು ಸೇರ್ಪಡೆಯಾಗಿದೆ. ಇತರವುಗಳಿಗಿಂತ ಇದು ಭಿನ್ನವಾಗಿದೆ, ಇದು ಡಿಸೇಲ್ ಮಾದರಿ SUV ಕಾರು ಆಗಿದೆ ಮತ್ತು ನಿರ್ದಿಷ್ಟ ಉದ್ದೇಶವನ್ನು ಹೊಂದಿದೆ.

ಅನಂತ್ ಅಂಬಾನಿಯವರ ಗೋಲ್ಡನ್ ರಿಟ್ರೈವರ್ ಅನ್ನು ಹೆಚ್ಚಾಗಿ ವೀಡಿಯೊಗಳಲ್ಲಿ ಕಾಣಬಹುದು ಪ್ರೀತಿಯ ಶ್ವಾನದ ಓಡಾಟಕ್ಕೆ ಈ ದುಬಾರಿ ವಾಹನ ತರಲಾಗಿದೆ. ಇದಕ್ಕೂ ಮೊದಲು ಹ್ಯಾಪಿ ಟೊಯೋಟಾ ಫಾರ್ಚುನರ್ ಮತ್ತು ಟೊಯೋಟಾ ವೆಲ್‌ಫೈರ್‌ನಲ್ಲಿ ಪ್ರಯಾಣಿಸಲಾಗುತ್ತಿತ್ತು. ಈ ಎರಡೂ ವಾಹನಗಳು ಸಾಕಷ್ಟು ದುಬಾರಿಯಾಗಿದ್ದು, ಫಾರ್ಚುನರ್ ಬೆಲೆ ಸುಮಾರು 50 ಲಕ್ಷ ಮತ್ತು ವೆಲ್‌ಫೈರ್‌ನ ಬೆಲೆ ಸುಮಾರು 1.5 ಕೋಟಿ. ಆದಾಗ್ಯೂ, G400d, ಸರಿಸುಮಾರು 2.55 ಕೋಟಿ ಎಕ್ಸ್ ಶೋರೂಂ ವೆಚ್ಚವಾಗಿದೆ ಎಂದರೆ ನಂಬುತ್ತೀರಾ?