ನೋಟು ಪತ್ತೆ ಕೇಸ್: ನ್ಯಾ। ವರ್ಮಾ ಮನೆಯಲ್ಲಿ ಜಡ್ಜ್‌ಗಳಿಂದ ತಲಾಶ್‌

ನವದೆಹಲಿ: ದೆಹಲಿ ಹೈಕೋರ್ಟ್‌ ನ್ಯಾಯಾಧೀಶ ಯಶವಂತ್‌ ವರ್ಮಾ ನಿವಾಸದಲ್ಲಿ ಭಾರೀ ಪ್ರಮಾಣದಲ್ಲಿ ಹಣ ಪತ್ತೆಯಾದ ಪ್ರಕರಣದ ಕುರಿತು ಸುಪ್ರೀಂ ಕೋರ್ಟ್‌ ನೇಮಿಸಿರುವ ತ್ರಿಸದಸ್ಯ ನ್ಯಾಯಾಧೀಶರ ಆಂತರಿಕ ತನಿಖಾ ಸಮಿತಿಯು ಇದೀಗ ತನ್ನ ವಿಚಾರಣೆ ಆರಂಭಿಸಿದೆ.

ತುಘಲಕ್‌ ಕ್ರೆಸೆಂಟ್‌ ರಸ್ತೆಯಲ್ಲಿರುವ ನ್ಯಾ.ವರ್ಮಾ ನ್ಯಾ.ವರ್ಮಾ ಅವರ ನಿವಾಸಕ್ಕೆ ಭೇಟಿ ನೀಡಿದೆ. ಸುಮಾರು 30-35 ನಿಮಿಷ ಮನೆಯಲ್ಲಿದ್ದ ನ್ಯಾಯಾಧೀಶರು ಕಂತೆ ಕಂತೆ ನೋಟುಗಳು ಪತ್ತೆಯಾದ ಸ್ಥಳ ಪರಿಶೀಲಿಸಿದೆ ಎಂದು ಮೂಲಗಳು ತಿಳಿಸಿವೆ.

ಪಂಜಾಬ್‌ ಮತ್ತು ಹರ್ಯಾಣ ಹೈಕೋರ್ಟ್‌ ಮುಖ್ಯ ನ್ಯಾ। ಶೀಲ್‌ ನಾಗು, ಹಿಮಾಚಲ ಪ್ರದೇಶದ ಮುಖ್ಯ ನ್ಯಾ। ಜಿ.ಎಸ್‌.ಸಂಧಾವಾಲಿಯಾ ಮತ್ತು ಕರ್ನಾಟಕ ಹೈಕೋರ್ಟ್‌ ನ್ಯಾ। ಅನು ಶಿವರಾಮನ್‌ ಈ ತನಿಖಾ ತಂಡದಲ್ಲಿದ್ದಾರೆ.