ಸೋಶಿಯಲ್‌ ಮೀಡಿಯಾ ಗೆಳೆಯರಿಂದ ಯುವತಿ ಮೇಲೆ ಗ್ಯಾಂಗ್‌ರೇಪ್‌

ನವದೆಹಲಿ: ಸಾಮಾಜಿಕ ಮಾಧ್ಯಮದಲ್ಲಿ ಪರಿಚಯವಾದ ಇಬ್ಬರು ಗೆಳೆಯರು 18 ವರ್ಷದ ಯುವತಿಯೊಬ್ಬರನ್ನು ಗ್ಯಾಂಗ್‌ರೇಪ್‌ ಮಾಡಿರುವ ಘಟನೆ ನಡೆದಿದೆ. ಈ ಸಂಬಂಧ ಉತ್ತರ ಪ್ರದೇಶದ ಮೇರಠ್‌ನಲ್ಲಿ ಆರೋಪಿಗಳನ್ನು ಬಂಧಿಸಲಾಗಿದೆ.

ಸೋಮವಾರ ಮಧ್ಯಾಹ್ನ 1 ಗಂಟೆಗೆ ಮಂದಗಿರ್‌ ಬಳಿ ಮಾತನಾಡಲು ಆರೋಪಿಗಳು ಯುವತಿಯನ್ನು ಕರೆಸಿದ್ದಾರೆ. ಬಳಿಕ ಸ್ಕೂಟರ್‌ ಹತ್ತಲು ಹೇಳಿದಾಗ ಯುವತಿ ನಿರಾಕರಿಸಿದ್ದಾಳೆ. ಆಗ ಆರೋಪಿಗಳು ಬೆದರಿಕೆ ಹಾಕಿದಾಗ ಯುವತಿ ಸ್ಕೂಟರ್‌ನಲ್ಲಿ ತೆರಳಿದ್ದಾಳೆ. ಮಾಲ್ವಿಯಾ ನಗರಕ್ಕೆ ಕರೆದೊಯ್ದು ಯುವತಿಗೆ ಮಾದಕ ದ್ರವ್ಯದ ಆಹಾರ ನೀಡಿದ್ದಾರೆ. ಆಗ ಯುವತಿಗೆ ಪ್ರಜ್ಞೆ ತಪ್ಪಿದೆ. ಎಚ್ಚರದ ಬಳಿಕ ತಾನು ಅತ್ಯಾಚಾರಕ್ಕೆ ಒಳಗಾಗಿರುವುದು ಅರಿವಿಗೆ ಬಂದಿದೆ ಎಂದು ಯುವತಿ ಪೊಲೀಸರಿಗೆ ನೀಡಿದ ದೂರಿನಲ್ಲಿ ಉಲ್ಲೇಖಿಸಿದ್ದಾರೆ.