ತನಗೆ ಶೇ.93.5 ರಿಸಲ್ಟ್‌ ಬಂದಿದ್ದ ನೋಡಿ ಮೂರ್ಛೆ ಹೋದ ಯುಪಿ ಬಾಲಕ!

ಮೇರಠ್‌: ಪರೀಕ್ಷಾ ಫಲಿತಾಂಶದ ವೇಳೆ ತಮ್ಮ ಹೆಸರು ಎಲ್ಲಿದೆ ಎಂದು ಆರಂಭದಿಂದ ನೋಡುವವರು ಒಂದಿಷ್ಟು ಜನರಾದರೆ, ಇನ್ನೊಂದಿಷ್ಟು ಜನರು ಪಟ್ಟಿಯಲ್ಲಿ ಕೆಳಗಿನಿಂದ ನೋಡುವವರೂ ಇದ್ದಾರೆ. ಇನ್ನು ಕೆಲವರು ಎಲ್ಲಾದರೂ ಉಂಟಾ ಎಂದು ತಡಕಾಡುವವರು. ಆದರೆ ವಿದ್ಯಾರ್ಥಿಯೊಬ್ಬ ತನಗೆ ಭಾರೀ ಉತ್ತಮ ಫಲಿತಾಂಶ ಬಂದಿದ್ದು ನೋಡಿ ಮೂರ್ಛೆ ಹೋದ ಘಟನೆ ಉತ್ತರಪ್ರದೇಶದಲ್ಲಿ ನಡೆದಿದೆ.

ಮಂಗಳವಾರ ಉತ್ತರ ಪ್ರದೇಶದ 10ನೇ ತರಗತಿಯ ಬೋರ್ಡ್‌ ಪರೀಕ್ಷೆಯ ಫಲಿತಾಂಶ ಹೊರಬಿದ್ದಿದೆ. ಇಲ್ಲಿಯ ಮಹಾಋಷಿ ದಯಾನಂದ ಇಂಟರ್‌ ಕಾಲೇಜಿನ ವಿದ್ಯಾರ್ಥಿ ಅಂಶುಲ್‌ ಕುಮಾರ್‌ಗೆ ಶೇ.93.5ರಷ್ಟು ಫಲಿತಾಂಶ ಬಂದಿದೆ. ಫಲಿತಾಂಶ ನೋಡಿದ ಕೂಡಲೇ ಆತನಿಗೇ ಭಾರೀ ಅಚ್ಚರಿ ಉಂಟಾಗಿ ಖುಷಿಯಲ್ಲಿ ಮೂರ್ಛೆ ಹೋಗಿದ್ದಾನೆ. ಆತನನ್ನು ಅವರ ಕುಟುಂಬದವರು ಆಸ್ಪತ್ರೆಗೆ ದಾಖಲಿಸಿದ್ದಾರೆ.