**ಮೆಲೋನಿಗೆ ಮೋದಿ ‘ಮೆಲೋಡಿ’ ಚಾಕಲೇಟ್ ಗಿಫ್ಟ್
;Resize=(412,232))
ಸಾರಾಂಶ
ಇಟಲಿ ಭೇಟಿ ವೇಳೆ ಪ್ರಧಾನಿ ಜಾರ್ಜಿಯಾ ಮೆಲೋನಿ ಅವರಿಗೆ ನರೇಂದ್ರ ಮೋದಿ ಅವರು ಭಾರತದ ಒಂದು ಕಾಲದ ಜನಪ್ರಿಯ ‘ಪಾರ್ಲೆ ಮೆಲೋಡಿ’ ಚಾಕಲೇಟ್ ಅನ್ನು ಗಿಫ್ಟ್ ಆಗಿ ನೀಡಿ ಗಮನ ಸೆಳೆದಿದ್ದಾರೆ. ತಮ್ಮಿಬ್ಬರ ನಡುವಿನ ದೋಸ್ತಿಯ ನೆನಪಿಗಾಗಿ ಅವರು ಈ ಚಾಕಲೇಟ್ ಅನ್ನು ಗಿಫ್ಟ್ ಆಗಿ ನೀಡಿದ್ದಾರೆ.
ರೋಮ್: ಇಟಲಿ ಭೇಟಿ ವೇಳೆ ಪ್ರಧಾನಿ ಜಾರ್ಜಿಯಾ ಮೆಲೋನಿ ಅವರಿಗೆ ನರೇಂದ್ರ ಮೋದಿ ಅವರು ಭಾರತದ ಒಂದು ಕಾಲದ ಜನಪ್ರಿಯ ‘ಪಾರ್ಲೆ ಮೆಲೋಡಿ’ ಚಾಕಲೇಟ್ ಅನ್ನು ಗಿಫ್ಟ್ ಆಗಿ ನೀಡಿ ಗಮನ ಸೆಳೆದಿದ್ದಾರೆ. ತಮ್ಮಿಬ್ಬರ ನಡುವಿನ ದೋಸ್ತಿಯ ನೆನಪಿಗಾಗಿ ಅವರು ಈ ಚಾಕಲೇಟ್ ಅನ್ನು ಗಿಫ್ಟ್ ಆಗಿ ನೀಡಿದ್ದಾರೆ.
ಮೋದಿ ಅವರ ಈ ಗಿಫ್ಟ್ಗೆ ಜಾರ್ಜಿಯಾ ಮೆಲೋನಿ ತೀವ್ರ ಸಂತಸ
ಮೋದಿ ಅವರ ಈ ಗಿಫ್ಟ್ಗೆ ಜಾರ್ಜಿಯಾ ಮೆಲೋನಿ ತೀವ್ರ ಸಂತಸ ವ್ಯಕ್ತಪಡಿಸಿದ್ದಾರೆ. ಮೋದಿ ಅವರು ನನಗೆ ಉಡುಗೊರೆಯೊಂದನ್ನು ತಂದಿದ್ದಾರೆ. ಅತ್ಯುತ್ತಮವಾಗಿರುವ ಟಾಫಿ ಮೆಲೋಡಿಯನ್ನು ಗಿಫ್ಟ್ ಆಗಿ ನೀಡಿದ್ದಾರೆ. ಈ ಗಿಫ್ಟ್ಗಾಗಿ ಧನ್ಯವಾದಗಳು ಎಂದು ಹೇಳುವ ವಿಡಿಯೋವೊಂದನ್ನು ಮೆಲೋನಿ ಅವರು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಮೋದಿ ಜತೆಗಿರುವ ಈ ವಿಡಿಯೋ ಇದೀಗ ವೈರಲ್ ಆಗಿದೆ.
ಮೋದಿ-ಮೆಲೋನಿ ಅವರ ಆತ್ಮೀಯ ಮಾತುಕತೆ
ದುಬೈನಲ್ಲಿ 2023ರಲ್ಲಿ ನಡೆದಿದ್ದ ಸಿಒಪಿ28 ಸಭೆ ವೇಳೆ ಮೋದಿ-ಮೆಲೋನಿ ಅವರ ಆತ್ಮೀಯ ಮಾತುಕತೆ ನಡೆಸಿದ್ದರು. ಆ ಬಳಿಕ ಮೋದಿ ಜತೆಗಿರುವ ಫೋಟೋವನ್ನು ‘ಸಿಒಪಿ28ನಲ್ಲಿ ಉತ್ತಮ ಗೆಳೆಯರು’ ಎಂಬ ಅಡಿಟಿಪ್ಪಣಿ ಹಾಕಿ #Melodi ಹ್ಯಾಷ್ ಟ್ಯಾಗ್ನೊಂದಿಗೆ ಮೆಲೋನಿ ಪೋಸ್ಟ್ ಮಾಡಿದ್ದರು. ಅದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿತ್ತು.