ಭೂಮಿಯಾಳದಲ್ಲಿ ಬೃಹತ್ ಗಾತ್ರದ ಜಗತ್ತಿನ 6ನೇ ಮಹಾಸಾಗರ ಪತ್ತೆ! ವಿಜ್ಞಾನಿಗಳ ತಂಡವೊಂದು ಘೋಷಣೆ
;Resize=(412,232))
ಸಾರಾಂಶ
ವಿಜ್ಞಾನಿಗಳ ತಂಡವೊಂದು ಇದೀಗ 6ನೇ ಮಹಾಸಾಗರ ಪತ್ತೆಯ ಘೋಷಣೆ ಮಾಡಿದೆ. ಭೂಮಿಯ ಮೇಲ್ಮೈನಿಂದ 700 ಕಿ.ಮೀ ಆಳದಲ್ಲಿರುವ ಈ ಸಮುದ್ರ, ಹಾಲಿ ಭೂಮಿಯ ಮೇಲಿರುವ 3 ಸಮುದ್ರಗಳ ಒಟ್ಟು ವಿಸ್ತೀರ್ಣದಷ್ಟು ಬೃಹತ್ ಗಾತ್ರ ಹೊಂದಿದೆ
ವಾಷಿಂಗ್ಟನ್: ಮಾನವ ಕುಲಕ್ಕೆ ಇದುವರೆಗೂ ತಿಳಿದಿರುವ ಪ್ರಕಾರ ಭೂಮಿಯ ಮೇಲಿರುವುದು 5 ಸಮುದ್ರ. ಅವುಗಳೆಂದರೆ ಪೆಸಿಫಿಕ್, ಅಟ್ಲಾಂಟಿಕ್, ಹಿಂದೂ ಮಹಾಸಾಗರ, ಅರ್ಕ್ಟಿಕ್, ಅಂಟಾರ್ಟಿಕಾ ಮಹಾಸಾಗರಗಳು. ಆದರೆ ವಿಜ್ಞಾನಿಗಳ ತಂಡವೊಂದು ಇದೀಗ 6ನೇ ಮಹಾಸಾಗರ ಪತ್ತೆಯ ಘೋಷಣೆ ಮಾಡಿದೆ.
ಭೂಮಿಯ ಮೇಲ್ಮೈನಿಂದ 700 ಕಿ.ಮೀ ಆಳದಲ್ಲಿರುವ ಈ ಸಮುದ್ರ, ಹಾಲಿ ಭೂಮಿಯ ಮೇಲಿರುವ 3 ಸಮುದ್ರಗಳ ಒಟ್ಟು ವಿಸ್ತೀರ್ಣದಷ್ಟು ಬೃಹತ್ ಗಾತ್ರ ಹೊಂದಿದೆ ಎಂದು ವಿಜ್ಞಾನಿಗಳು ಹೇಳಿದ್ದಾರೆ.
ನಾರ್ತ್ವೆಸ್ಟರ್ನ್ ವಿವಿಯ ವಿಜ್ಞಾನಿಗಳ ತಂಡ ಭೂಮಿಯ ಕಂಪನ ಅಳೆಯಲು ಬಳಸುವ ಸಿಸ್ಮೋಗ್ರಾಫ್ಗಳನ್ನು ಅಮೆರಿಕದಾದ್ಯಂತ 2000 ಸ್ಥಳಗಳಲ್ಲಿ ಅಳವಡಿಸಿದ್ದಾರೆ. ಇವುಗಳಿಂದ ಸಂಗ್ರಹಿಸಿದ 500 ಭೂಕಂಪನಗಳ ಕುರಿತು ಅವರು ಅಧ್ಯಯನ ಮಾಡಿದ್ಧಾರೆ. ಈ ವೇಳೆ ಕೆಲ ಕಡೆಗಳಲ್ಲಿ ಅಲೆಯ ತೀವ್ರತೆ ಕಡಿಮೆಯಾಗಿದ್ದನ್ನು ಕಂಡಿದ್ದಾರೆ. ಇದು ಅಲ್ಲಿನ ನೀರಿನ ಇರುವಿಕೆಯನ್ನು ಸೂಚಿಸುತ್ತಿದೆ. ರಿಂಗ್ವುಡೈಟ್ ಎಂಬ ಮೆತ್ತಗಿನ ನೀಲಿ ಕಲ್ಲುಗಳ ಮಧ್ಯ ಈ ನೀರು ಬಂಧಿಯಾಗಿರಬಹುದು. ಭೂಮಿಯಾಳದಿಂದ ಒಸರಿದ ನೀರಿನಿಂದ ಈ ಸಮುದ್ರ ಸೃಷ್ಟಿಯಾಗಿದೆ ಎಂದು ವಿಜ್ಞಾನಿಗಳು ಹೇಳಿದ್ದಾರೆ.